ភ្នំពេញ ៖នៅ ព្រឹកនៅព្រឹកថ្ងៃទី២៤ ខែមិថុនា ឆ្នាំ២០១៩តាមបញ្ជាររបស់ក្រសួងធម្មការ អាជ្ញាធរមន្ត្រីសង្ឃធម្មការខណ្ឌពិធិសែនជ័យ បានបើកការប្រជុំបន្ទាន់មួយជាមួយសាមីខ្លួនទាំងស្រីនិងប្រុសជាចៅអធិការវត្តពោធិចិនតុងបន្ទាប់ពីរូពចៅអធិការវត្តពោធិ៍ចិនតុង ដេកឱបស្រីស្នេហ៍យ៉ាងមានសេចក្តីសុខ ត្រូវគេបង្ហោះលើបណ្តាញសង្គមហ្វេសប៊ុកបង្កឲ្យមានការរិះគន់។
ព្រះធម្មបញ្ញាមុនី សែម សុភា ជាអនុគណខណ្ឌពោធិ៍សែនជ័យ មានសង្ឃដីកាថា ការបើកកិច្ចប្រជុំនេះ ធ្វើឡើង ក្រោយពីមានរូបភាពមិនប្រក្រតី របស់ ភិក្ខុ វ៉ាន វន្នី ព្រះចៅអធិការវត្តពោធិសត្ថារាម (ហៅពោធិ៍ចិនតុង) និងនារីម្នាក់ ត្រូវបានគេបង្ហោះនៅលើហ្វេសប៊ុក។ ភិក្ខុ វាន វន្នីចៅអធិការវត្ត បានបដិសេធថា រូបភាពដែលបានបង្ហោះតាមហ្វេសប៊ុកនេះ មិនមែនជារូបពិតទេ គឺត្រូវបានជនខិលខូចកាត់ត ដើម្បីបង្អួចកិត្តិយសរបស់ព្រះអង្គ និងតម្លៃព្រះពុទ្ធសាសនា។
ចំណែក កញ្ញាស្រស់សោភាឈ្មោះ លប ធីតា ជាម្ចាស់រូបដែលត្រូវបានគេបង្ហោះលើហ្វេសប៊ុក និងរងការចោទប្រកាន់ថា ជាស្រីស្នេហ៍របស់ ភិក្ខុ វ៉ាន វន្នី បានអះអាងថា នាងពុំមានទំនាក់ទំនង អ្វីជាមួយសង្ឃវ៉ាន វន្នី ទេ ។ លោក ប្រាក់ ពិន ប្រធានការិយាល័យធម្មការ និងសាសនាខណ្ឌពោធិ៍សែនជ័យ ក៏ជឿថា រូបថតដែលគេបង្ហោះនៅលើហ្វេសប៊ុកនេះ ជារូបភាពកាត់តដែរ។ចឹងបានន័យថារឿងត្រូវបញ្ចប់!?។ទោះជាយ៉ាងណាតាមបណ្តាញសង្គមនៅមានការិះគន់ថាអ្នកវាយតម្លៃរូបមិនចេះជំនាញអាយធីព្រោះគេអាចរករូបភាពផ្សេងដែលសង្ស័យមកវាយតម្លៃបានតើ។
ព្រះធម្មបញ្ញាមុនី ព្រះអនុគណស្តីទីសង្ឃខណ្ឌពោធិសែនជ័យ បានអំពាវនាវសូមឲ្យព្រះមន្ត្រីសង្ឃខណ្ឌ ជួយផ្សព្វផ្សាយដល់ព្រះសង្ឃទាំងអស់ ឲ្យមានការប្រុងប្រយ័ត្ន ចំពោះការលេងលើបណ្តាញសង្គមហ្វេសប៊ុក ព្រោះអាចធ្វើឲ្យប៉ះពាល់ដល់គុណតម្លៃព្រះសង្ឃខ្មែរទាំងអស់ ជាពិសេសព្រះពុទ្ធ សាសនាជាសាសនារបស់រដ្ឋ ស្របតាមការដឹកនាំរបស់រាជរដ្ឋាភិបាល។
