ខេតព្រះវិហារ ៖ នៅរសៀលថ្ងៃទី២២ ខែមិថុនាឆ្នាំ២០១៩ នាទីនៅចំណុចមុខខារ៉ាអូខេផ្កាយមាស ស្ថិតនៅភូមិស្រអែមខាងត្បូង ឃុំកន្ទួត ស្រុកជាំក្សាន្ត ខេត្តព្រះវិហារ លើផ្លូវលេខ៦៩Bចន្លោះគីឡូម៉ែត្រលេខ១ និងលេខ២ មាន គ្រោះថ្នាក់ចរាចរណ៍មួយបង្កឡើងដោយរថយន្តម៉ាកRangerពណ៌សពាក់ស្លាកលេខ2AY9595បុកម៉ូតូហុងដា១២៥ពាក់ស្លាកលេខព្រះវិហារ1c7555បណ្តាលឲ្យមានមនុស្ស៣នាក់ស្លាប់ភ្លាមនៅកន្លែង។
អ្នកបើកបរត្រុវបានគេស្គាល់ថាមានតួនាទីជានាយផ្នែករដ្ឋបាលព្រៃឈើនៅស្រុកជាំក្សាន្ត ខេត្តព្រះវិហារ ឈ្មោះគឹម ចេត្ថាវី បានបិទសាប៊ូរត់គេចខ្លួនក្រោយកើតហេតុ។ជនរងគ្រោះជា អ្នកបើកបរម៉តូឈ្មោះ ចំរើន ណារ៉ុង ភេទប្រុស អាយុ១៧ឆ្នាំ មុខរបរសិស្ស នៅភូមិទំពាំងធំ ឃុំទឹកក្រហម ស្រុកជាំក្សាន្ត ខេត្តព្រះវិហារ ស្លាប់នៅកន្លែងកើតហេតុ។ ទី២ ឈ្មោះជូ ណាក់ ភេទប្រុស អាយុ១៦ឆ្នាំ មុខរបរសិស្ស នៅភូមិកន្ទួត ឃុំកន្ឋួត ស្រុកជាំក្សាន្ត ខេត្តព្រះវិហារ បានស្លាប់ក្រោយបញ្ជូនដល់មន្ទីរពេទ្យអគ្គស្រអែម និងទី៣ ឈ្មោះកែវ ណារ៉ាក់ ភេទប្រុស អាយុ១៧ឆ្នាំ មានទីលំនៅភូមិជាំក្សាន្ត ឃុំទឹកកជាំក្សាន្ត ស្រុកជាំក្សាន្ត ខេត្តព្រះវិហារបានស្លាប់នៅនឹងកន្លែងកើតហេតុ។
វត្ថុតាងបានយកទៅរក្សាទុកនៅអធិការដ្ឋាននគរបាលស្រុកជាំក្សាន្តនិងស្រាវជ្រាវចាត់ការបន្តតាមនីតិវិធី។ សូមបញ្ជាក់ថាលោក គឹម ចេត្ថាវី ម្នាក់នេះធ្លាប់មានហេតុការណ៍គ្រោះថ្នាក់ក្រឡាប់ឡានម្តងរួចមកហើយដោយសារតែផឹកស្រាវឹងជោកជាំបាត់បង់ស្មារតីគ្រប់គ្រងខ្លួនឯង បានក៏ជ្រុលចង្កូតធ្លាក់ផ្លូវក្រឡាប់។ ជាចុងក្រោយ ប្រជាពលរដ្ឋរស់នៅស្រុកជាំក្សាន្តខេត្តព្រះវិហារ សូមធ្វើការសំណូមពរដល់លោកព្រះរាជអាជ្ញាអមសាលាដំបូងខេត្តព្រះវិហារ ក៏ដូចជាលោកអភិបាលខេត្ត និងលោកស្នងការ ជួយមានវិធានការទៅលើជនបង្កឈ្មោះ គឹម ចេត្ថាវី ដែលមានតួនាទីជានាយផ្នែករដ្ឋបាលព្រៃឈើជាំក្សាន្តនេះផង។
