ខេត្តកំពង់ឆ្នាំង៖ លោកស៊ុំ សុជាតិស្នងការរងនគបាលខេត្តកំពង់ឆ្នាំងដែលពី មុននេះជាគូរប្រជែងជាមួយលោក ខូវ លី រត់ការយកតំណែងស្នងការខេត្តកំពង់ឆ្នាំងជំនួសលោកឡុច វណ្ណារាតែរាជ័យនោះ ពេលនេះ ត្រូវបានមន្ត្រីជលផលប្តឹងជាមួយនឹងកូន ចៅម្នាក់ទៀតឈ្មោះ ម៉ូត សម្បត្តិ ពីបទកាប់រុករាន ទន្ទ្រាន ឈូស ឆាយ រំលោភយកដីព្រៃលិចទឹកដែលជាដីដែននេសាទសាធារណ:របស់រដ្ឋនៅក្នុងភូមិសាស្ត្រឃុំច្រ ណូក ស្រុកកំពង់លែង ជាប់នឹងព្រំប្រទល់ខេត្តកំពង់ធំ មកធ្វើជាកម្មសិទ្ធផ្ទាល់ខ្លួន ។
លោកស៊ុំ សុជាតិ វិញត្រូវបានលោកព្រះរាជអាជ្ញា កោះ ហៅមកសាកសួរ កាលពីថ្ងៃទី១១ ខែមេសា ឆ្នាំ២០១៩ គឺនៅមុនពិធីបុណ្យចូលឆ្នាំខ្មែរមកម្លេះ។
ក្រោយពីសាកសួរអ្នកពាក់ព័ន្ធចប់សព្វគ្រប់ទៅតាមនិតិវិធីហើយនោះ លោកព្រះរាជអាជ្ញា បានសម្រេចបញ្ជូនសំណុំរឿងនេះទៅកាន់ចៅក្រមសើបសួរដើម្បីបន្តនិតិវិធីតែមកដល់ពេលនេះនៅស្ងាត់នៅឡើយ។
ប្រជាពលរដ្ឋនៅស្រុកកំពង់លែង ដែលសុំមិនបញ្ចញឈ្មោះបានលើកឡើងថា បច្ចុប្បន្នលោក ស៊ុំ សុជាតិ ដែលជាស្នងការរងនគរបាលខេត្តកំពង់ឆ្នាំងកំពុងកាន់កាប់ដីនៅតំបន់លិចទឹក ក្នុងភូមិសាស្ត្រឃុំច្រណូក មានចំនួនដល់ទៅជិត១០០០ ហិកតា ក្នុងនោះដីមួយចំនួន លោកស៊ុំ សុជាតិទិញពីមន្ត្រីសាលាស្រុកកំពង់លែង ពីមន្ត្រីនគរបាល មន្ត្រីអាវុធហត្ថ មន្ត្រីយោធា ដែលគេអង្កន់ចែកគ្នា កាលពីពេលកន្លងទៅ និងមានផ្ទៃដីមួយចំនួនទៀត ត្រូវបានលោក ស៊ុំ សុជាតិ ឈូសឆាយរំលោភយកដីព្រៃលិចទឹករបស់រដ្ឋបន្ថែមតែម្តង។
គួររំលឹកផងដែរថា ដីនៅចំណុចខាងលើ កាលពីអឡុងឆ្នាំ២០០៨ :២០១០ជំនាន់លោកប៉ា ហមផាននៅកាន់តំណែងជាអភិបាលរងខេត្តកំពង់ឆ្នាំង នៅឡើយ កាលនោះ ខ្មោចលោកឌុល គឹមឌឹតអតីតមេឃុំច្រណូកចាស់បានឃុបឃិតជាមួយលោកមាន អ៊ានលីអតីតអភិបាលស្រុកកំពង់លែងបានលក់ដីនៅចំណុចតំបន់គោកព្រះប្រសាទបាក់ និងម៉ៅពកករចំនួន៧០០០ហិចតាអោយទៅក្រុមហ៊ុនមួយឈ្មោះខូវ ប៊ុនឆាយក្នុងតម្លៃ៣៥០ដុល្លាក្នុង១ហិចតា ក្រោយមកដោយដោយសារការបែងចែកទឹកលុយមិនស្មើគ្នាក៏បានបែកធ្លាយព័ត៌មានដឹងដល់អ្នកការសែត ហើយក៏បានចុះផ្សាយព័ត៌មានដឹងដល់ឯកឧត្តមបណ្ឌឹតអ៊ុក រ៉ាប៊ុនរដ្ឋកាលឯកឧត្តមនៅជារដ្ឋមន្ត្រីក្រសួងកសិកម្ម។
ឯកឧត្តមក៏បានចាត់កម្លាំងអធិការកិច្ចចុះមកពិនិត្យក៏បានឃើញពិតជាមានករណីលក់ដីដែននេសាទសាធារណ:របស់រដ្ឋមែន ដែលដីនោះជាដីរបស់ប្រជាពលរដ្ឋកំពុងកាន់កាប់អាស្រ័យផលជាលក្ខណ:គ្រួសារជារៀងរាល់ឆ្នាំ ទើបឯកឧត្តមលើកយករឿងលោកឌុលគឹម ឌឹតលក់ដីចំនួន៧០០០ហិចតាដែលជាដីព្រៃលិចទឹកលក់ទៅអោយក្រុមហ៊ុនចិនឈ្មោះខូវ ប៊ុនឆាយនេះទៅប្រជុំពិភាក្សានៅក្នុងជួរគណ:វិវាទដីធ្លីថ្នាក់ជាតិ និងគណ:កម្មាការគ្រប់គ្រងអច្ចលន:ទ្រព្យថ្នាក់ជាតិ ទើគណ:កម្មាការថ្នាក់ជាតិក៏សម្រេចដកយកដីចំណុចខាងលើយកមកដាក់ជាដីដែននេសាទសាធារណ:របស់រដ្ឋវិញនិងអោយប្រជាពលរដ្ឋកាន់កាប់អាស្រ័យផលលើដីដែលខ្លួនធ្លាប់កាន់កាន់កាប់ជាធម្មតាប៉ុន្តែហានកាប់រានបន្ត។
ក្រោយពីរដ្ឋដកយកដីពីក្រុមហ៊ុន ចិនខាងលើរួចមកគេឃើញមានការឃុបឃិតគ្នាជាប្រព័ន្ធយកដីដែលរដ្ឋដកពីក្រុមហ៊ុននោះទៅអង្កន់ចែកគ្នាមានកងកម្លាំងប្រដាប់អាវុធទាំងបីប្រភេទនិងមន្ត្រីសាលាស្រុកមួយចំនួនរួមទាំងអាជ្ញាធរខេត្តផងដែរកាលពីជំនាន់លោកចេង ញ៉ាន់កាន់តំណែងជាអភិបាលរងខេត្តកំពង់ឆ្នាំង ។
ប្រភពពីប្រជាពលរដ្ឋថា៖ លោក ស៊ុំ សុជាតិបានទិញដីពីក្រុមកងកម្លាំងទាំ៣ប្រភេទនោះផងនិងកាប់រានទន្ទ្រានឈូសឆាយរំលោភបន្ថែមផងមិនមែនទិញដីពីកម្លាំងផ្ដាច់ខ្លួនខ្មែរក្រហមដូចលោកស៊ុំ សុជាតិលើកឡើងនោះទេ។ចំណែកដីរបស់កម្លាំងផ្ដាច់ខ្លួនប្រមាណ៦០០ហិចតានោះគឺគេលក់ទៅអោយប្រជាពលរដ្ឋម្នាក់ឈ្មោះ កែវ ស្រ៊ននៅស្រុកកំពង់លែងឯនោះទេមិនមែនលក់អោយលោកស៊ុំ សុជាតិទេ។
ប្រភពបានអោយដឹងទៀតថា លោកស៊ុំ សុជាតិបានធ្វើរោង បញ្ជូនគ្រឿងចក្រ និងដាក់កូនចៅឈ្មោះ ម៉ូត សម្បត្តិ ឲ្យទៅឈរជើងប្រចាំការមើលខុសត្រូវ និងរៀបចំដីនៅក្នុងតំបន់នេះ ប៉ុន្តែនៅពេលមានមន្ត្រីជលផលចុះទៅឃាត់និងដាក់ពាក្យប្តឹងទៅសាលាដំបូងខេត្ត ទើបផ្អាកសកម្មភាព។
បច្ចុប្បន្ននេះ លោក ស៊ុ សុជាតិ បានប្រើរូបភាពកាត់ដីនោះជា កង់ៗជួលទៅឲ្យមនុស្សជាច្រើននាក់ ដើម្បីធ្វើស្រែបំភាន់ភ្នែកកុំឲ្យគេមើលឃើញថា”លោកមានដីច្រើន”។ពាក់ព័ន្ធនិងការចោទប្រកាន់របស់ប្រជាពលរដ្ឋនេះអ្នកយកព័ត៌មានយើងបានសម្ភាសន៍សួរលោកស៊ុំ សុជាតិតាមទូរស័ព្ទកាលពីរសៀលថ្ងៃទី១២ ខែមិថុនាឆ្នាំ២០១៩ លោកថាលោកមានអ្នកនាំពាក្យបើចង់ដឹងអោយទៅសួរអ្នកនាំពាក្យរបស់លោកទៅ ។
ចំណែកលោក អៀរ ប៊ុនធឿន ស្នងការងនៃស្នងការដ្ឋានគបាលខេត្តកំពង់ឆ្នាំងនិងជាអ្នកនាំពាក្យស្នងកានគបាលខេត្តបានប្រាប់អ្នកយកព័ត៌មានយើងតាមទូរស័ព្ទអោយដឹងថានេះជារឿងបុគ្គល មិនមែនរឿងអង្គភាពទេ ដូចនេះមិនមានជាប់ពាក់ព័ន្ធអីជាមួយនឹងអ្នកនាំពាក្យនោះទេ។
ចំពោះការចោទប្រកាន់ពីប្រកាន់ពីប្រជាពលរដ្ឋទៅលើលោកស៊ុំ សុជាតិនេះសារព័ត៌មាន យើង មិនអាចសុំការបកស្រាយឬអត្ថាធិបាលណាមួយពី លោកស៊ុំ សុជាតិ បាននៅឡើយទេ ខណៈមជ្ឈដ្ឋាននានានៅក្នុងខេត្តកំពង់ឆ្នាំង កំពុងតែចាំមើលថា តើឯកឧត្តមអគ្គស្នងការនគបាលជាតិនិងអង្គភាពប្រឆាំងអំពើពុរលួយឬស្ថាប័នតុលាការនឹងមានចំណាត់ការបែប ណាចំពោះករណីនេះ?៕
