ភ្នំពេញ៖ ថៅកែក្លឹបកម្សាន្ត «លុច្សសារី» ត្រូវបាននគរបាលរកឃើញនិងចាប់បញ្ជូនទៅកាន់តុលាការក្រុងភ្នំពេញហើយកាលពីរសៀលថ្ងៃទី១៧ ខែមិថុនា ឆ្នាំ២០១៩ពាក់ព័ន្ធបទល្មើសគ្រឿងញៀននៅក្លឹប (លុច្សសារី) ក្រោយចាប់ខ្លួនបានកាលពីថ្ងៃម្សិលមិញតាមដីការបង្គាប់របស់ លោក កូយ សៅ ចៅក្រមស៊ើបសួរនៃសាលាដំបូងរាជធានីភ្នំពេញ។
ជនសង្ស័យឈ្មោះ ហួន ទួច អាយុ៤០ មានទីលំនៅបច្ចុប្បន្ន នៅភូមិទួលច្រេស ឃុំកំពង់អំពិល ស្រុករំដួល ខេត្តស្វាយរៀង ដែលត្រូវសមត្ថកិច្ចចាប់ខ្លួនបាន កាលពីថ្ងៃទី១៦ ខែមិថុនា នៅទីប្រជុំជនស្រុកកំរៀង ខេត្តបាត់ដំបង។
បុន្តែបន្ទាប់ពីការចាប់ខ្លួនេះវាលេចនូវពតិមានថាបង្ហាញថាថៅកែកាស៊ីណូលុច្សសារីមិនមែនជាមនុស្សខ្មែរសុទ្ធខ្មៅសាច់អត់ហុងស៊ុយចឹងទេ?។ព្រោះបើផ្អែកតាមនេះជារូបភាពអ្នកកាត់ខ្សែបូណ៌ក្រហមបើកសម្ពោធ Luxurious Club នៅភ្នំពេញកាលពីថ្ងៃទី ១៩ តុលា ២០១៨ បង្ហាញថាបុគ្គលថៅកែកាស៊ីណូលុច្សសារីជាជនជាតិយួន មកពីហាណូយ ឈ្មោះង្វៀនថាញ់ទឺ(Nguyen Than Tu )មានទំនាក់ទំនងជាមួយ ឧកញ៉ាក្មេងៗ នៅស្រុកខ្មែរអ្នកមានលុយ រកស៊ីបើកក្លឹបដូចគ្នា និងមានអំណាច នៅភ្នំពេញ ។
បើបុរសឈ្មោះ Nguyen Than Tu នេះមិនមែនជាម្ចាស់ក្លឹប Luxurious Club តើជាអ្នកណា ?ព្រោះជនឈ្មោះហួន ទួច អាយុ៤០ មានទីលំនៅបច្ចុប្បន្ន នៅភូមិទួលច្រេស ឃុំកំពង់អំពិល ស្រុករំដួល ខេត្តស្វាយរៀងមិនមានមុខក្នុងថ្ងៃសម្ពោធកាស៊ីណូនោះទេ?។
ក្រោយពីបែកធ្លាយពតិមាននេះមកស្នងការនគរបាលរាជធានីភ្នំពេញបានចេញការបកស្រាយថា៖“សេចក្តីបកស្រាយបំភ្លឺរបស់ក្រុមប្រតិកម្មរហ័សនៃស្នងការដ្ឋាននគរបាលរាជធានីភ្នំពេញ សូមឆ្លើយតបទៅនឹងសារព័ត៌មានមួយដែលបានចុះផ្សាយនៅថ្ងៃនេះថា “ ចំណែកបុរសសម្បុរខ្មៅម្នាក់ដែលបានចាប់ខ្លួនមកពីស្រុកកំរៀង ខេត្តបាត់ដំបង ស្នាក់នៅបន្ទប់ជួលនោះ…..បើជាម្ចាស់ក្លឹប ម្តេចមិនឃើញហំហែងឡើងកាត់ខ្សែបូពណ៌ក្រហម” ?។
ស្នងការដ្ឋាននគរបាលរាជធានីភ្នំពេញសូមបញ្ជាក់យ៉ាងច្បាស់ជូនមហាជនអោយបានជ្រាបថា :
១. បុរសសម្បុរខ្មៅម្នាក់ដែលមានឈ្មោះ ហួន ទូច ភេទប្រុស អាយុ៤០ឆ្នាំ ជនជាតិខ្មែរ ត្រូវបានចាប់ខ្លួន នៅសង្កាត់ស្ទឹងមានជ័យទី១ ខណ្ឌមានជ័យ រាជធានីភ្នំពេញ កាលពីថ្ងៃទី១៦ ខែមិថុនា ឆ្នាំ២០១៩ គឺជាអង្គរក្សនៅក្លឹបលុច្សសារី។
២. បុរសម្នាក់ទៀតដែលត្រូវបានចាប់ខ្លួននៅភូមិដូង ឃុំបឹងរាំង ស្រុកកំរៀង ខេត្តបាត់ដំបង កាលពីថ្ងៃទី១៦ ខែមិថុនា ឆ្នាំ២០១៩ ដែលមានឈ្មោះ ឡេង សុខគង់ ភេទប្រុស អាយុ៤៩ឆ្នាំ ជនជាតិខ្មែរ គឺជាប្រធានសន្តិសុខប្រចាំមជ្ឈមណ្ឌលកំសាន្តរ៉ុក។បើចឹងថៅកែលុច្សសារីពិតដែលសមត្តកិច្ចចុះបង្ក្រាបចាប់មនុស្សជាង៤០០នាក់និងរឹបអូសគ្រឿងញៀនបាននោះមិនទាន់ចាប់បានទេ? ចាំមើលលោក ស ថេត គិតម៉េចវិញ?៕
