បន្ទាយមានជ័យ ៖ មនុស្សចំនួន១៥៥នាក់ភាគច្រើនខ្មែរ (ក្នុងនោះស្រី២នាក់) និងរឹបអូសបានវត្ថុតាងគ្រឿងញៀនជាច្រើនប្រភេទក្នុងប្រតិបត្តិការបង្ក្រាបសាខាកាស៊ីណូឡាក់គីវីន ស្ថិតនៅក្រុងប៉ោយប៉ែត កាលពីរសៀលថ្ងៃទី១៨មិថុនាឆ្នាំ២០១៩តែម្ចាស់ទីតាំងមិនត្រូវបានចាប់ខ្លួននោះទេ?។
លោកវរៈសេនីយ៍ឯក ធិន ស៊ិនដេត អធិការនគរបាលក្រុងប៉ោយប៉ែតបានឲ្យដឹងនៅព្រឹកថ្ងៃទី១៩ ខែមិថុនា ឆ្នាំ២០១៩ថា ប្រតិបត្តិការបង្ក្រាបកាស៊ីណូយីហោឡាក់គី ក្នុងក្រុងប៉ោយប៉ែត គឺចាប់ផ្តើមពីម៉ោង៣ និង៣០នាទីរសៀលថ្ងៃទី១៨ ខែមិថុនា រហូតដល់យប់រំលងអធ្រាត្រឈានចូលថ្ងៃទី១៩ ខែមិថុនា ឆ្នាំ២០១៩ ដោយបានឃាត់ខ្លួនជនសង្ស័យជាបន្តបន្ទាប់នៅក្នុងបរិវេណកាស៊ីណូឡាក់គីសរុបចំនួន១៥៥នាក់ ក្នុងនោះមានស្រី២នាក់ព្រមរឹបអូសវត្ថុតាងមានគ្រឿងញៀនប្រភេទមេតំហ្វេតាមីនប្រភេទគ្រាប់ ហៅយ៉ាម៉ានិងម្ស៉ៅពណ៌សផ្លាហៅខេទឹកកក និងថ្នាំទឹកជាប្រភេទថ្នាំក្រវី ព្រមទាំងវត្ថុតាងជាច្រើនទៀត។ វត្ថុតាងទាំងនោះត្រូវបានបញ្ជូនទៅស្នងការដ្ឋាននគរបាលខេត្តបន្ទាយមានជ័យទាំងកណ្តាលយប់។
សមត្តកិច្ចបានឲ្យដឹងថា ជនសង្ស័យដែលឃាត់ចំនួន១៥៥នាក់ គឺមានសន្តិសុខកាស៊ីណូ មេការកាស៊ីណូ និងបុគ្គលឹកកាស៊ីណូ និងជនល្មើសជួញដូរ ចែកចាយ និងប្រើប្រាស់គ្រឿងញៀន បច្ចុប្បន្នកំពុងត្រូវធ្វើការសាកសួរដើម្បីចាត់ការតាមនីតិវិធី។
សូមបញ្ជាក់ថា៖ប្រតិបត្តិការបង្ក្រាបខាងលើដមបូងសមត្ថកិច្ចបានឃាត់ខ្លួនជនសង្ស័យប្រើប្រាស់ថ្នាំញៀននៅនឹងកន្លែងបានចំនួន៣០នាក់និងម្នាក់ជាអ្នកចែកចាយឈ្មោះ សុខ សៀងធីភេទប្រុសអាយុ២៥ឆ្នាំ ដកហូតវត្ថុតាងថ្នាំញៀនបានមួយចំនួន៥៤គ្រាប់ក្រហមម្ស៉ៅស៥ថង់តូច ទូស្លុតម៉ាសុីនចំនួន១៤គ្រឿង និងទូហ្គេមបាញ់ត្រីចំនួន៨គ្រឿង។
ប្រភពបានអោយដឹងថាទីតាំងជួញដូរនិងសេពថ្នាំញៀនដែលរងការបង្ក្រាបដោយសមត្ថកិច្ចនគរបាលក្រុងប៉ោយប៉ែតនោះ គឺទទួលបានអាជ្ញាបណ្ណ័អាជីវកម្មពីម្ចាស់ក្រុមហ៊ុនកាស៊ីណូឡាគី (ឈ្មោះភួន ភេង)។យ៉ាងណានារសៀលម្សិលមិញនេះ សារព័ត៌មានយើងមិនទាន់រកប្រភពអោយភួន ភេង បញ្ជាក់បាននៅឡើយទេ ជុំវិញករណីផ្តល់អាជ្ញាបណ្ណ័អោយទៅតតីជនប្រើប្រាស់នោះ ? ។
មន្ត្រីប៉ូលិសថា៖ ហេតុការណ៍បង្ក្រាបក្នុងកាស៊ីណូឡាគីវីននោះសមត្ថកិច្ចឃាត់ខ្លួនបានអ្នកជួញដូរបានតែម្នាក់ទេ ដោយឡែកមនុស្សផ្សេងដែលឃាត់ខ្លួនជាក់ស្តែងគឺជាអ្នកសេព ។ មានការកត់សម្គាល់ថាប៉ុន្មានថ្ងៃនេះនៅប៉ោយប៉ែតមានការឆ្មក់ចូលបង្ក្រាបតាមបនបារខារ៉ាអូខេនិងកាស៊ីណូដែលល្មើសច្បាប់ដឹងតាំងពីកាលរាប់តាំងពីជួញគ្រឿងញៀននិងបើកឲ្យខ្មែរចូលលេងល្បែងដោយខុសច្បាប់ដែលគេឆ្ងល់ថាតើសមត្តកិច្ចនៅទីនោះទីងមោ់ងទេឬបានជាមិនដឹង?ព្រោះឮថានៅទីនោះមានមន្ត្រីប៉េអឹមបន្ទាយមានជ័យម្នាក់ឈ្មោះបូរិនជាអ្នកមើលការខុសត្រុវ?។
ទោះជាយ៉ាងណាការបង្ក្រាបបានធ្វើឡើងក្រោយពេលបទបញ្ជាររបស់ សម្តេចក្រឡាហោម សខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃដែល បានថ្លែងកាលពីថ្មីៗនេះថាសមត្ថកិច្ចត្រូវតែបោសសំអាតថ្នាំញៀនអោយអស់ពីក្លិបកម្សាន្ត ខារ៉ាអូខេ និងកាស៊ីណូជាដើម ៕
