តាកែវ៖កាលពីថ្ងៃទី១៨មិថុនាមានកើតព្រិត្តិការណ៍ភ្ញាក់ផ្អើលមួយគឺថាមានស្ត្រីឆ្លងទន្លេម្នាក់រងការឈឺចាប់ប៊ិះស្លាប់ដោយសាតែពេទ្យឆ្មបខេត្តតាកែវភ្លេចយកបង់កំប្រេសចេញពីស្បូន។តែខាងមន្ទីរពេទ្យបកស្រាយថាមិនមេនកំហុសពេទ្យទេគឺកំហុសខាងសាម៉ីខ្លួនស្ត្រីមកឆ្លងទន្លេទៅវិញ?។
យោងតាមសេចក្ដីបំភ្លឺរបស់មន្ទីរពេទ្យបង្អែកខេត្ត បានបកស្រាយថា ក្នុងករណីសម្រាលកូន ស្រីរូបនេះ គឺសម្រាលដោយមានកាត់ទ្វារមាស និងបូមជំនួយ ដូច្នេះដំណើរការសម្រាល់មានការហូរឈាមខុសធម្មតា ហើយតាមបច្ចេកទេសគ្រូពេទ្យ ឬឆ្មប ដែលផ្ដល់ការសម្រាលត្រូវធ្វើការញាត់កុំប្រេស ដើម្បីឃាត់ទាម ដោយទុករយៈពេលជាមធ្យមពី ២៤ទៅ៤៨ម៉ោង។
បើតាមមន្ទីរពេទ្យបង្អែកខេត្ត ពេលសម្រាលរួចស្ដ្រីខាងលើ បានចេញពីមន្ទីរពេទ្យ ដោយសន្យាថា នឹងមករកពេទ្យឆ្មបសំអាតតាមក្រោយ តែផ្ទុយទៅវិញ គាត់មិនបានហៅពេទ្យមកសំអាតទេ គាត់សំអាតដោយខ្លួនគាត់ ដោយយកកុំប្រេស២ដុំ?!។
សូមបញ្ជាក់ថា ហ្វេសប៊ុកឈ្មោះ នួន ឈិន ដែលជាប្តីរបស់ស្ត្រីរងគ្រោះ បានសរសេរលើហ្វេសប៊ុក ឲ្យដឹងថា ភរិយាខ្ញុំរួចផុតពីគ្រោះថ្នាក់ហើយ ខ្លាចហើយពេទ្យផ្នែកសម្ភព នៅមន្ទីពេទ្យបង្អែកខេត្តតាកែវ សំអាតមិនស្អាតហើយថែម ទាំងមានបង់រុំរបួសក្នុងស្បូនទៀត។
គណនីហ្វេសប៊ុកឈ្មោះនួន ឈិន សរសេររៀបរាប់ថា៖«(18/06/2019)ពេលនេះភរិយាខ្ញុំរួចផុតពីគ្រោះថ្នាក់ហើយ ខ្លាចហើយពេទ្យផ្នែកសម្ភពនៅមន្ទីពេទ្យបង្អែកខេត្តតាកែវ សំអាតមិនស្អាតហើយថែមទាំងមានបង់រុំរបួសក្នុងស្បូនទៀត ពិតជាខកចិត្តខ្លាំងណាស់ដែលសំរេចចិត្តទៅសំរាលនៅពេទ្យនោះ ខ្លាចហើយរៀងហើយ»។
លោកបានបន្តថា ស្វាគមន៍កូនប្រុស និន វិសុទ្ធារ័ត្ន ទំងន់ 3,3kg ប្រសូតវេលាម៉ោង 10:50នាទីព្រឹកថ្ងៃសុក្រទី7ខែមិថុនាឆ្នាំ2019 ត្រូវនិងថ្ងៃ៥កើត ខែជេស្ធ ឆ្នាំកុរ ព.ស២៥៦៣
ជូនពរកូនប្រុសសុខភាពល្អ ប្រាជ្ញាឈ្លាសវៃ រៀនពូកែ ក្លាយជាកូនល្អ មិត្តល្អ សិស្សល្អ និងក្លាយជាពលរដ្ឋល្អក្នុងសង្គម ដើម្បីជួយដល់គ្រួសារយើងនិងសង្គមជាតិ នាពេលអនាគត។លោកបានបន្ថែមថា “ខ្ញុំសូមបញ្ចប់រឿងត្រឹមនេះចុះ មិនដេញដោលអ្វីទៀតទេ ចំពោះខ្ញុំគ្រាន់តែចង់សំណូមពរឲ្យគ្រូពេទ្យទាំងអស់ បន្ថែមការយកចិត្តទុកដាក់ និងប្រុងប្រយត្ន័ឲ្យបាន ខ្ពស់តាមដែលអាចធ្វើទៅបាន ដើម្បីឲ្យអ្នកជំងឺទាំងអស់ មានភាពកក់ក្តៅ ទុកចិត្ត និងគ្មានការព្រួយបារម្ភ…”។
លោក មុន ឈិន ជាប្ដីស្ត្រីរងគ្រោះ បានឲ្យដឹងថា ប្រពន្ធរបស់ខ្លួនបានមកឆ្លងទន្លេកាលពីថ្ងៃទី៧ ខែមិថុនា ឆ្នាំ២០១៩ នៅមន្ទីរពេទ្យបង្អែកខេត្តតាកែវ ដោយឆ្លងទន្លេធម្មតា ដោយមានពេទ្យឆ្មបស្ត្រីម្នាក់ឈ្មោះ សុធា ជាអ្នកបង្កើត។
លុះបង្កើតហើយបាន ៣ថ្ងៃ ខ្លួននាំប្រពន្ធមកសម្រាកនៅផ្ទះក្នុងស្រុកសំរោង បានមួយថ្ងៃ ស្រាប់តែប្រពន្ធរបស់ខ្លួនចុកពោះយ៉ាងខ្លាំង ហើយក្រុមគ្រូសារបានយកទៅពេទ្យកជនក្នុងឃុំ ត្រូវពេទ្យពិនិត្យឃើញកំប្រេសនៅក្នុងស្បូន ហើយក៏វះយកតែហូឈាមចេញច្រើនពេក ពេលនោះក្រុមគ្រូសារ ក៏បានបញ្ជូនបន្តមកព្យាបាល នៅមន្ទីរពេទ្យកាល់ម៉ែត។
