ភ្នំពេញ ៖ លោកនាយឧត្តមសេនីយ៍ ឈុំ សុជាតនៅថ្ងៃទី១៨មិថុនាបន្ទាប់ពីនាយកហ្វេសប៊ុកPheng Vannak News បានប្រាប់កាសែតថា៖ «លោក ផែង វណ្ណៈ អស់ក្របខណ្ឌហើយ គឺត្រូវគិតចាប់តាំងពីលោក មានសាលក្រមស្ថាព»។
លោកឈុំបញ្ជាក់ថា «តាមគោលការណ៍ យោធិនដែលមានទោសព្រហ្មទណ្ឌ គឺត្រូវតែដកហូតតួនាទី និងក្របខណ្ឌជាបណ្តោះអាសន្នសិន ដើម្បីឱ្យតុលាការស៊ីវិលអនុវត្តតាមនីតិវិធី ព្រោះថាគេមិនអាចយកយោធិនទៅកាត់ទោស ដោយមិនបានដកហូតតួនាទី និងការអនុញ្ញាតអង្គភាពសាមីបានទេ»។
យោងតាមមាត្រា២៨ ច្បាប់ស្តីពីលក្ខន្តិកៈទូទៅចំពោះយោធិននៃកងយោធពលខេមរភូមិន្ទ ចែងថា អាចត្រូវតែងតាំងជានាយទាហានអាជីពបាន ចំពោះជនណាដែល៖ មានសញ្ជាតិខ្មែរ, មានលិខិតថ្កោលទោសដែលបញ្ជាក់ថាគ្មានទោស, មានសម្បទាតាមតម្រូវការដើម្បីបំពេញមុខងារ។យោងតាមច្បាប់នេះអាចបង្ហាញយ៉ាងច្បាស់ថា លោក ផែង វណ្ណៈ មានលិខិតថ្កោលទោសដោយបញ្ជាក់ថា ធ្លាប់មានទោស ដូច្នេះមិនអាចធ្វើជាមន្ត្រីយោធាបានទៀតទេ។ទោះយ៉ាងណាលោកឈុំសុជាតិមិននិយាយថាបើមានលិខិតសុំលើកលែងពីព្រះមហាក្សត្រនោះទេ!។
លោក ផែង វណ្ណៈ ត្រូវបានកម្លាំងអាវុធហត្ថលើផ្ទៃប្រទេស ចាប់ឃាត់ខ្លួននៅព្រឹកថ្ងៃទី០២ ខែមេសា ឆ្នាំ២០១៩ តាមដីការបស់ព្រះរាជអាជ្ញាបញ្ជាឱ្យចូលខ្លួន ដើម្បីសាកសួរពាក់ព័ន្ធ នឹងករណីញុះញង់ឱ្យប្រព្រឹត្តបទឧក្រិដ្ឋជាអាទិ៍ និងបរិហាកេរ្តិ៍ជាសាធារណៈ។ ដល់ថ្ងៃទី១៤មិថុនាបានសវនាកាត់ទោសតម្រឹមដោះលែងថ្ងៃទី១៧មិថុនាទៅ។
ដោយឡែកជុំវិញ ការប្រកបវិជ្ជាជីវៈសារព័ត៌មានវិញលោក អ៊ុក គឹមសេង អ្នកនាំពាក្យក្រសួងព័ត៌មាន ថ្លែងប្រាប់ កាសែត ថា ក្នុងករណីតុលាការ មិនបានកំណត់ ថា ជនជាប់ចោទ មិនអាចប្រកបវិជ្ជាជីវៈសារព័ត៌មាន បាន មានន័យថា អ្វីៗជាធម្មតា ។ “គ្មានច្បាប់ណាហាមឃាត់ បើសិនតុលាការមិនកំណត់ គាត់មានសិទ្ធិសេរីភាព ដូចគេដូចឯងដែរ អត់ពាក់ព័ន្ធនឹងប្រកាសរបស់ក្រសួងព័ត៌មានទេ”។ចឹងលោកផែងវណ្ណៈអាចធ្វើសកម្មភាពហ្វេសប៊ុកបន្តទៀតប្រសិនបើមានការបើកភ្លើងខៀវពីមេផែងវណ្ណៈ!។គេសម្គាល់ថា កាលពេលប្រកាសសាលក្រម គឺ តុលាការពុំបានកំណត់អំពីការហាមឃាត់មិនអោយលោក ផែង វណ្ណៈ ប្រកបវិជ្ជាជីវៈសារព័ត៌មាននោះទេ៕
