ភ្នំពេញ៖ ឯកឧត្តម ថៃ នរៈសត្យា រដ្ឋលេខាធិកាក្រសួងវប្បធម៌ និងវិចិត្រសិល្បៈកាលពីថ្ងៃទី១៥ ខែមិថុនា ឆ្នាំ២០១៩ បាន បង្ហាញមុខភរិយាថ្មីស្រស់ស្អាតឈ្មោះ ទេព សុធីតា ដោយរៀពីធីសេព្រេនសំពះផ្ទឹមពេលព្រឹកហើយពេល ល្ងាចរៀបចំពិធីឡើងផ្ទះវីឡាថ្មី នៅសង្កាត់ចោមចៅ ខណ្ឌពោធិសែនជ័យ រាជធានីភ្នំពេញ។
លោកជំទាវក្មេង ទេព សុធីតា បានថ្លែងអំណរគុណតាមហ្វេសប៊ុកថា៖ “នាងខ្ញុំនិងស្វាមីសូមអរគុណដល់ភ្ញៀវទាំងអស់ដែលបានចូលរួមពិធីឡើងគេហដ្ឋានរបស់នាងខ្ញុំចា៎សូមសុខសប្បាយនិងសុខភាពល្អទាំងអស់គ្នាណា៎”។
យោងតាមប្រភពព័ត៌មានបានបញ្ជាក់ថាភរិយាក្រោយរបស់ ឯកឧត្តម ថៃ នរៈសត្យា គឺជាប្អូនជីដូនអ្នកស្រី ងិន ម៉ានីយ៉ា (ភរិយាមុន) ក្នុងនោះផងដែល ឯកឧត្តម ថៃ នរៈសត្យា និងភរិយាក្រោយមានអាយុខុសគ្នាជិត៤០ឆ្នាំ។សូមបញ្ជាក់ដែរថា៖អតីតអ្នកនិពន្ធចម្រៀង អ្នកស្រី ងិន ម៉ានីយ៉ា បានលែងលះគ្នាជាយូរមកហើយ ប៉ុន្តែពុំដែលឮដំណឹងថា ឯកឧត្តម ថៃ នរៈសត្យា មានទំនាក់ទំនងស្នេហ៍ជាមួយនឹងនារីរូបណាឡើយ!គឺស្ងាត់ឈឹង។
អ្នកស្រី ងិន ម៉ានីយ៉ា ក៏បានបង្ហាញការភ្ញាក់ផ្អើលដែរ ក្នុងនោះគាប់ជួននៅថ្ងៃនោះក៏ជាថ្ងៃខួបកំណើតកូនស្រី អ្នកស្រី ងិន ម៉ានីយ៉ានិងឯកឧត្តមថៃនរ៖សត្យាដែរ ក៏បានធ្វើការជូនពរ កូនស្រីនិងរៀបរាប់ពីអារម្មណ៍រហូតដល់បានទម្លាយរឿងរ៉ាវយ៉ាងដូច្នេះថា «កាលពី ២៤ឆ្នាំមុន នៅពេលថ្មើរនេះម៉ាក់បានប្រសូតកូនស្រីម្នាក់ដែលស្អាតគួរជាទីស្រឡាញ់របស់គ្រួសារ បងប្រុសកូនទាំងពីរនាក់សើចញញឹមប្រលែងនឹងកូនមិនទៅណាឆ្ងាយពីអូនឡើយ ព្រោះខ្លាចមានគេមកដណ្ដើមយកកូនទៅ ព្រោះតែមានចាស់ៗជន្លលេងថាយកប្អូនហើយយកៗ ហេតុនេះទើបបងប្រុសកូនទាំងពីរមិនទៅណាឆ្ងាយពីកូនទេគឺនៅយាមអង្រឹងកូនម្ខាងម្នាក់»។
លោកស្រីបង្ហោះរៀបរាប់ទៀតថា «ម៉ាក់សប្បាយចិត្តខ្លាំងណាស់ទោះបីម៉ាក់ស្ថិតនៅក្នុងភាពល្វើយខ្សោយអស់កម្លាំងយ៉ាងណាក៏ដោយក៏មានកម្លាំងចិត្ត និងមានសុភមង្គលបំផុតព្រោះតែមានកូនប្ដីនៅជុំគ្នា។ពេលនោះប៉ារបស់កូនៗល្អខ្លាំងណាស់គឺជាឪពុកម្នាក់ដែលស្រលាញ់ប្រពន្ធស្រឡាញ់កូនស្រឡាញ់ក្រុមគ្រួសារគួរជាទីឱ្យគោរពជាទីបំផុត។
ប៉ុន្តែបន្ទាប់ពីកូនធំបន្តិចមកម៉ាក់ក៏បានទៅជួបគ្រួសារម្ដាយមីងបង្កើតគឺប្អូនរបស់ម្ដាយម៉ាក់បង្កើតរស់នៅឯកំពង់ឆ្នាំងដោយសារម៉ាក់យាយកូន គាត់ទាមទាររកប្អូននឹកប្អូនគាត់ខ្លាំងពេក ម៉ាក់ក៏តាមដើរស្វែងរករហូតទើបជួបគ្រួសារមួយនោះហើយក៏នាំយកចូលផ្ទះ។ តែបំផុតកូនដឹងហើយដូចសព្វថ្ងៃនេះស្រីម្នាក់នោះសាហាវខ្លាំងបំផុត គឺគេមិនបានគិតពីក្រុមគ្រួសារយើងទេ វានៅក្មេងសោះហើយមានប្ដីទៀតបែរជាលួចសហាយស្មន់នឹងគ្នានៅលើផ្ទះម៉ាក់ ទីបំផុតអ្វីៗដូចសព្វថ្ងៃនេះ»។ទោះជាយ៉ាងណាអ្នកដែលស្គាល់ឯកឧត្តមថៃនរៈសត្យានិយាយថាវាមិនមែនជាទះដៃម្ខាងឮទេរឿងគាត់មានភរិយាក្រោយនេះ?!៕