បន្ទាយមានជ័យ៖ ជនជាតិចិន២ក្រុមដែល បានធ្វើសកម្មភាព ចាប់បង្ខាំងមនុស្ស (ជនជាតិចិន) ធ្វើទារុណកម្ម ជម្រិតទាប្រាក់ ពីសាច់ញាតិ ត្រូវបានបង្ក្រាបដោយ នគរបាលខេត្តបន្ទាយមានជ័យ កាលពី ថ្ងៃទី១៥ ខែមិថុនា ឆ្នាំ២០១៩ នៅចំណុចសណ្ឋាគារ សុផលថាវី បន្ទប់លេខ ២៣B និងផ្ទះសំណាក់ លី ហ៊ូវ បន្ទប់១០៣,១០៤,១០៩។
លោក អេង លីហួ អធិការង នគរបាល ក្រុងប៉ោយប៉ែត បានឲ្យដឹងថា ប្រតិបត្តិការចុះបង្ក្រាបនេះ សមត្ថកិច្ចយើងបានឃាត់ខ្លួន ជនសង្ស័យជនជាតិចិន បាន១២នាក់ និងបានជួយរំដោះ ជនរងគ្រោះជនជាតិចិន បានចំនួន៣នាក់។
ជនសង្ស័យជនជាតិទាំងនោះរួមមាន៖ ទីតាំងទី១ ឃាត់ខ្លួនជនជាតិចិន៦នាក់ នៅផ្ទះសំណាក់សុផលថាវី 1. ហេវូជុន(He wu jun )អាយុ 30ឆ្នាំ ។2.លីម៉េងហុយ( Liu Meng Hui )អាយុ 25ឆ្នាំ។3.ហ្សាងហាង( Zhang Hang០ អាយុ 22ឆ្នាំ។ 4.ហេហ្វាន( He. Fan) អាយុ 25ឆ្នាំ។ 5. ម៉ៀវយុន(Miao Yun.) អាយុ 20ឆ្នាំ។6.លីហុងហ្វូ( Li hong Fu )អាយុ 24ឆ្នាំ។ រំដោះបានជនរងគ្រោះម្នាក់ឈ្មោះយូស៊ីងយុន( Du Xing yun) ភេទ ប្រុស។
ទីតាំងទី២ ឃាត់បានជនសង្ស័យ៦នាក់ បន្ថែមទៀត៖ 1. វ៉ាងជួគាន់(Wang gua quan) អាយុ 22ឆ្នាំ ។2. យ៉ាងហ្សាវ(Yang Zhao.) អាយុ 24ឆ្នាំ។ 3. ម៉ាងចាវ(Mang Chao.) អាយុ 27ឆ្នាំ ។4. យ៉ាងតៀន(Yang Tian.) អាយុ 31ឆ្នាំ ។5. លាវយូហាង(Lie Yu Hang. )អាយុ 22 ឆ្នាំ។ 6.យិងជុន( Ding chun). អាយុ 18ឆ្នាំ ។រំដោះបានជនរងគ្រោះ ២នាក់ 1. ទូលីហ្គូល(Tuli Gule )អាយុ 18ឆ្នាំ។ 2. ទៀនចាង(Tian gang )អាយុ 36ឆ្នាំ។
ពាក់ពន្ធ័ករណីខាង លោកឧត្តមសេនីយ៍ត្រី សិទ្ធ ឡោះ ស្នងការរងផែនព្រហ្មទណ្ឌ នៃស្នងការដ្ឋាន នគរបាលខេត្តបន្ទាយមានជ័យ បានឲ្យដឹងថា ប្រតិបត្តិការចុះបង្ក្រាបខាងលើ គឺធ្វើឡើងក្រោយពីមាន សាច់ញាតិជនរងគ្រោះ នៅប្រទេសចិន បានប្តឹងចូលអគ្គកុងស៊ុលចិន ប្រចាំខេត្តសៀមរាប ឲ្យជួយអន្តរាគន៍ថា សាច់ញាតិរបស់ខ្លួន ត្រូវបានគេចាប់បង្ខាំងទុក វាយដំប្រើហឹង្សា និងបានផ្ញើរវីដេអូរ ឲ្យពួកគាត់មើល ហើយតម្រូវឲ្យវេលុយ ទៅឲ្យពួកគេក្នុងចំនួនច្រើន។
បច្ចុប្បន្នជនរងគ្រោះចិន ចំនួន០៣នាក់ ត្រូវបានបញ្ជូនទៅសង្គ្រោះ និងព្យាបាលនៅគ្លីនិកនគរាជ។ រីឯសង្ស័យជនជាតិទាំង១២នាក់ ត្រូវបានបានសមត្ថកិច្ចឃុំខ្លួន បណ្តោះអាសន្ន ដើម្បីសួរនាំ និងកសាងសំណុំរឿងបញ្ជូនទៅតុលាការ ចាត់ការតាមនិតិវិធីច្បាប់៕
