កំពង់ឆ្នាំង ៖ កាលពីព្រឹកថ្ងៃទី១០ ខែមិថុនា ឆ្នាំ២០១៩ មានពលករចំនួន២៥នាក់មកពី រាជធានី ភ្នំពេញ,បាត់ដំបង,កំពង់ធំ ដែលដាក់ពាក្យទៅធ្វើការ នៅប្រទេសកូរ៉េតាមរយៈសាលាកូរ៉មួយឈ្មោះអានសាន់ បានមកដាក់ពាក្យបណ្ដឹងនៅសាលាដំបូងខេត្តកពង់ឆ្នាំងពីករណីយ៍បោកប្រាស់។
ប្រជាពលករបាន ប្ដឹងនាយកសាលា ភាសាកូរ៉េ(អានសាន់)ឈ្មោះ រឿន រដ្ឋា ភេទប្រុសអាយុប្រហែលជាង៤០ឆ្នាំ ដែលទីតាំងសាលា(អានសាន់) ពីមុនមានទីតាំងស្ថិតនៅក្នុងភូមិឃ្លាំងប្រាក់ សង្កាត់ប្អេរ បច្ចុប្បន្នសាលា(អានសាន់)នេះត្រូវបានបិទទ្វារ (មិនដំណើរការ) ចាប់តាំងពីដើមខែ ឧសភា មកម្លេះពីបទឆបោក និងទាមទារឲ្យសងលុយពួកគេវិញ។
បើតាមសម្តីប្រជាពលរដ្ឋទាំងនោះបានឲ្យដឹងថា៖នាយក សាលា(អានសាន់)បានតម្រូវឲ្យពួកគេបង់ប្រាក់អោយសាលាដោយធានាថា បន្ទាប់ពីបានបង់លុយរួចគឺនឹងត្រូវបានបញ្ជូនទៅធ្វើការនៅប្រទេសកូរ៉េ។តែអ្នកខ្លះពេលបញ្ជូន ខទៅដល់ប្រទេសកូរ៉េហើយគ្មានការងារធ្វើហើយត្រូវត្រឡប់មកវិញ ។
ប្រជាពលរដ្ឋដែលជាសិស្សសាលាភាសាកូរ៉េនិងត្រៀមថាបានចេញទៅធ្វើការនៅប្រទេសកូរ៉េឈ្មោះ អូយរដ្ឋា អាយុ២៨ឆ្នាំមានទីលំនៅខេត្តកណ្តាលបានអោយដឹងតាមទូរសព្ទ័ថា៖គាត់បានបងលុយអោយទៅសាលាភាសាកូរ៉េ អាន់សាន់ ដែលមានទីស្នាក់ការនៅខាងមុខបន្ទាយយោធាខេត្តកំពង់ឆ្នាំងដោយដំបូងមានការចចាគ្នាដោយតម្រូវអោយបង់លុយតៗគ្នា ។ ឈ្មោះគាត់គេប្រាប់ថាត្រូវបានទៅហើយដោយារធ្វើតេសឈាមជាប់ត្រូវចេញនៅថ្ងៃទី២៧មេសាកន្លងទៅ។បន្ទាប់មកបង់លុយទៅពួគេ២០០០ដុល្លាតែគាត់អត់លុយសុំបង់១០០០ដុល្លាសិនសម្រាប់បពេញការងារនៅប្រទេសកូរ៉េរយះពេល៦ខែដោយស្របច្បាប់ ។
តំណាងសិស្សដែលរៀនភាសាកូរ៉េនៅសាលា អាន់សាន់ ខាងលើបានអោយដឹងថា៖ក្រោយពីការទទួលលុយរួចហើយស្រាប់តែបិទទូសព្ទ័ធ្វើអោយពួគគាត់អស់សង្ឃឹងដឹងថាចាញ់បោកគេណាមួយលុយពួគគាត់បានខ្ចីបុលពីធនាគាយកមកបង់ដើម្បីថាបានទៅធ្វើការនៅប្រទេសគេយកលុយសងធនាគានិងនៅសល់គ្រាន់បានដោះស្រាយជីវភាពគ្រួសារ ។
គាត់ថា មិនថាតែរូបគាត់មានខ្លះបានបង់លុយអោយសាលា អាន់សាន់ នេះមានចាប់ពី១០០០ដុល្លា ២០០០ដុល្លាទៅរហូតដល់៥០០០ដុល្លាហើយសិស្សសាលានេះមានមកតាំងពី កំពង់ធំ ខេត្តកណ្តាល កំពង់ចាម បាត់តំបង ព្រៃវែង ។ល។
ចំនួនប្រាក់ដែលពលករបានបង់អោយទៅសាលាបង្រៀនភាសាកូរ៉េអានសាន់នេះគឺក្នុងមួយនាក់ចាប់ពី១០០០ដុល្លាររហូតដល់៥០០០ដុល្លារអាមេរិកក៏មាន ៕
