ខេត្តរតន:គីរី ៖ ករណីដឹកជញ្ជូនឈើខុសច្បាប់ នៅតែបន្តកើតមានជារៀងរាល់ថ្ងៃ នៅតាមដងផ្លូវពីភូមិស្រែតាមី ឃុំតាឡាត ស្រុកសេសាន្ត ខេត្តស្ទឹងត្រែង ដឹកមកតាមផ្លូវវាលឆ្កែហត់ ឃុំត្រពាំងក្រហម ស្រុកកូនមុំ ខេត្តរតនៈគីរី ឆ្ពោះចេញទៅប្រទេសវៀតណាមតាមច្រកអន្តរជាតិ អូយ៉ាដាវ គ្មានស្រាកស្រាន បើទោះបីប្រមុខរាជរដ្ឋាភិបាលកម្ពុជា តែងតែប្រកាសឱ្យបញ្ឈប់នូវរាល់ការដឹកឈឺ ជួញដូរឈើ កាប់ឈើខុសច្បាប់នេះយ៉ាងណាក្ដី តែឈ្មួញខិលខូចរកស៉ីជំនួញនេះ នៅតែបន្តសកម្មភាពរបស់ខ្លួនយ៉ាងគឃ្លើន ។
ប្រជាពលរដ្ឋក្នុងភូមិ ឃុំខាងលើ បានដាក់ជាចម្ងល់ទៅអាជ្ញាធរពាក់ព័ន្ធនឹងករណីនេះថា តើពួកគាត់កំពុងតែធ្វើអ្វី? នៅទីណា ទៅណាអស់ហើយ តើដឹងដែរទេ ពេលមានករណីដឹងឈើប្រណិតឆ្លងកាត់ខ្វាត់ខ្វែងបែបហ្នឹង បានមិនឃើញចេញមុខមកទប់ស្កាត់ បង្ក្រាបករណីនេះសោះយ៉ាងដូច្នេះ?
ជុំវិញចម្ងល់ទាំងនេះ អ្នកយកព័ត៌មានយើងមិនទាន់អាចសុំការឆ្លើយបំភ្លឺពីសមត្តកិច្ចពាក់ព័ន្ធនៅតំបន់នោះបាននៅឡើយ ៕
