ភ្នំពេញ ៖ ចោរជើងឆើតចូលលួចបើកយរថយន្ដហាយឡឹនឌ័រមួយគ្រឿងដោយទាំងកូនក្មេងពីរនាក់ផងពេលម្តាយចតចុះទិញគ្រឿងហូបផ្អើលប៉ូលិសមួយក្រុងភ្នំពេញកាលពីនៅយប់ថ្ងៃទី១៤ ខែមិថុនា ឆ្នាំ២០១៩នេះ នៅចំណុចកន្លែងលក់ប្រហិតមួយ ស្ថិតនៅជិតគីរីរម្យ ក្នុងសង្កាត់អូឡាំពិក ខណ្ឌចំការមន រាជធានីភ្នំពេញ។
ក្រោយទទួលបានព័ត៌មាននេះ លោកឧត្តមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញ បានបញ្ជាកម្លាំងនគរបាលគ្រប់ខណ្ឌ័បើកការស្រាវជ្រាវភ្លាមៗ រហូតរកឃើញរថយន្ដដែលចោរលួចនោះ នៅលើផ្លូវ២៧១ ជិតរង្វង់មូលក្បាលថ្នល់ រួមទាំងក្មេងទាំង២នាក់ក្នុងរថយន្ដផងដែរដោយចោរផ្លុងចោលរួចរត់បាត់។
ម្តាយកុមារីទាំងពីរ(កូនស្រីបងអាយុ១១ឆ្នាំនិងកូនង៉ែតស្រីតូចអាយុ២ខែ)ដែលជាម្ចាស់រថយន្តបានឲ្យដឹងថានាងបានឈប់រថយន្តមួយគ្រឿង ម៉ាកហាយឡែនឌ័រ ពណ៍ទឹកប្រាក់ ពាក់ស្លាកលេខភ្នំពេញ2S-4126 នៅជិតផ្ទះដោយទុកកូន ក្នុងឡាន ក៏មានជនសង្ស័យមួយក្រុមធ្វើសកម្មភាពលួចយករថយន្តចេញមកដោយនាំទាំងក្មេងស្រីតូចទាំងពីរទៅជាមួយទៅ។
ក្រោយពីមានបញ្ជាតាមសមត្តកិច្ចបានរថយន្តដែលមានភិនភាគខាងលើ បើកលើផ្លូវ២៧១ ជិតរង្វង់មូលក្បាលថ្នល់។សមត្ថកិច្ចក៏ដេញចាប់តែក្រុមចោរបានឈប់ឡានហើយបើកទ្វាររថយន្តចុះរត់គេចខ្លួនបាត់ស្រមោលបន្សល់ទុកតែរថយន្តនិងកូនក្មេងទាំងពីរតូចតែប៉ុណ្ណោះ។សមត្តកិច្ចកំពុងបន្តស្រាវជ្រាវរកចោរជើងល្អ។