បន្ទាយមានជ័យ៖ បុរសវ័យចំណាស់ម្នាក់រស់នៅភូមិបាលិលេយ្យពីរសង្កាត់និងក្រុងប៉ោយប៉ែត ខេត្តបន្ទាយមានជ័យ កាលពីថ្មីៗនេះបានទៅពឹងពាក់អ្នកសារព័ត៌មានអោយផ្សព្វផ្សាយករណី មានជនមិនស្គាល់មុខម្នាក់បាន សសេរសារគំរាមក្នុងអត្ថន័យថា ដីពីរល្វែងកែង អ្នកទិញប្រយត្ន័រឿង នៅលើស្លាកនោះ ដោយបានលេខទូរសព្ទ័០១១៥៧៧ ៧៧៧ ទៀតផង ។
ម្ចាស់ដីពីរល្វែងនោះ ឈ្មោះ ថាច់ អៃ ភេទប្រុសមានអាយុ៧០ឆ្នាំ ដែលគេស្គាល់ថា ជាដង្ខៅលក់ដីល្វែង ស្ថិតក្នុងភូមិមិត្តភាព សង្កាត់និងក្រុងប៉ោយប៉ែត បានចេញមុខមកប្រតិកម្មនិងជនអណាមិកនោះ ដោយ ចោទអ្នកសសេរថា មានចេតនាឃាតកម្មទុកជាមុនមកលើរូបលោកជាម្ចាស់ដីមានបណ្ណ័កម្មសិទ្ធិស្របច្បាប់ ។
លោក ថាច់ អៃ បានអោយដឹងកាលពីប៉ុន្មានថ្ងៃមុននេះ ថា៖ ដីល្វែងខាងលើនេះគឺជាដីដែល គាត់បានពុះនិងកាត់ប្លង់បំបែកក្បាលដី លក់អោយអតិថិជន ម្នាក់ឈ្មោះម៉ៅ ផានី ហៅពៅ ភេទប្រុសមានអាយុ២៨ឆ្នាំ ដែលជាជាងសំណង់របស់គាត់(លក់អោយក្នុងតម្លៃ១៥០០០$ក្នុង/ល្វែង ដោយរូបលោកថាច់ អៃ អោយឈ្មោះ ម៉ៅ ផានី បង់រំលស់ក្នុង១ខែ ចំនួន៨០០$។ លោកបន្តថា កាលនោះកូនបំណុលលោកបានបង់ប្រាក់អោយលោកបានមួយខែចំនួន៨០០$ ហើយក៏ឈប់បង់តែម្តង ។
លុះក្រោយមក លោកបានប្រាប់ទៅកូនបំណុល ឈ្មោះ ម៉ៅ ផានី អោយបង់លុយបន្ត តែម៉ៅ ផានី ថាឈប់បង់ហើយ ព្រោះរត់មិនរួច។ ភ្លាមនោះលោក ថាច់ អៃ ថា លោកបានអោយឈ្មោះម៉ៅ ផានី យកប្លង់ដីដែលលោកបានផ្ទេរសិទ្ធិនោះប្រគល់មកអោយលោកវិញ តែម៉ៅ ផានី ថា ប្លង់នោះបានបាត់ហើយរកមិនឃើញទេ ។ លោកថាច់ អៃ ដែលជាម្ចាស់ដីដើម ក៏បានអោយឈ្មោះម៉ៅ ផានី ផ្តិតមេដៃផ្ទេរសិទ្ធិត្រឡប់អោយ ម្ចាស់បំណុលវិញ ក្រោយពីបានដាក់បណ្តឹងសារទុកនៅសាលាសង្កាត់រួចរាល់ហើយ ។ មិនតែប៉ុណ្ណោះ ទេលោកថាច់ អៃ ដែលជាម្ចាស់ដីបានបន្តនិតិវិធីរហូតដល់តុលាការខេត្តបន្ទាយមានជ័យ ចេញសាលក្រមប្រគល់ដីពីរល្វែងខាងលើជូនលោកវិញ ដោយបង្គាប់អោយលោកបិទក្រដាស់សាលដីការនោះនៅកន្លែងដីនោះទៀតផង ។
លោក ថាច់ អៃ បានអោយដឹងទៀតថា ស្រាប់តែនៅដើមខែមិថុនាឆ្នាំ២០១៩នេះ ជនងណាមិក បានមកសសេរអក្សរគំរាមរូបលោក បន្ទាប់ពីលោកបានដាក់ស្លាកលក់ដីខាងលើ។លោកថា អ្នកដែលសសេរអក្សរគំរាមរូបលោកនោះ គឺឈ្មោះ ហុង រស្មី ដែលគេស្គាល់ថា ជាថៅកែលក់រថយន្ត ដ៏ធំនៅក្រុងប៉ោយប៉ែតខេត្តបន្ទាយមានជ័យ ជាអ្នកសសេរ ស្លាកនៅលើដីនោះ ។ លោកថាច់ អៃ ថា នៅថ្ងៃខាងមុខនេះលោកនឹងដាក់ពាក្យ បណ្តឹងប្តឹងឈ្មោះហុង រស្មី ទៅស្ថាបន័រដ្ឋអំណាចជាក់ជាមិនខាន ព្រោះឈ្មោះនេះ បានសសេរអក្សរគំរាម លោក នៅកន្លែងដីរបស់លោក ។
ពាក់ពន្ធ័និងបញ្ហានេះ បុរសម្នាក់ដែលមានលំនៅក្បែរដី ឈ្មោះ ថាច់ អៃ បានអោយដឹងថា អ្នកសសេរអក្សរនៅលើជញ្ជាំងនោះជាប់ដីនោះ គឺពិតជា ឈ្មោះ ហុង រស្មី មែន ព្រោះមុនពេលសសេរ លោក ហុង រស្មី ក៏បានប្រាប់ថា ដីពីរល្វែងកែងហ្នឹងជាដីរបស់លោក ហើយមានបណ្ណ័ត្រឹមត្រូវទៀតផង ។
យ៉ាងណាក្តីកាលពីរសៀលថ្ងៃទី១០ខែមិថុនាឆ្នាំ២០១៩ លោកហុង រស្មី បានអោយដឹងថា ដីពីរល្វែងដែលមានទីតាំងនៅចំណុចភូមិមិត្តភាពនោះ គឺជាដីរបស់លោកបានទិញពីឈ្មោះ ម៉ៅ ផានី ក្នុងតម្លៃ ជាងពីរម៊ឺនដុល្លារសហរដ្ឋអាមេរិក បានផ្ទេរសិទ្ធិតាមរយភូមិសង្កាត់ និងក្រុង ដោយមានលោកមេភូមិមិត្តភាព ឈ្មោះ សន មុនី ធ្វើជាសាក្សីដឹងឮផងដែរ ។
ពាក់ពន្ធ័និងបញ្ហាដ៏ស្មុគស្មាញនេះ គេសង្ឃឹមថា អាជ្ញាធរដោះស្រាយវិវាទដីធ្លីសង្កាត់ប៉ោយប៉ែតគប្បីកោះអញ្ជើញភាគី មានវិវាទទាំងសង្ខាងរកដំណោះស្រាយដោយសន្តិវិធី ដើម្បីដោះបញ្ហានេះអោយបានឆាប់ពុំនោះទេ បញ្ហាជម្លោះដីធ្លីនៅតែបន្តកើតមានជាបន្តបន្ទាប់ជាក់ជាមិនខាន ៕
