ភ្នំពេញ ៖ លោកឧត្តមសេនីយ៍សថេតស្នងការនគរបាលរាជធានីភ្នំពេញបានចេញលិខិតមួយបញ្ឈរជើងនគរបាលខណ្ឌមានជ័យម្នាក់ក្រោយពីបែកធ្លាយរឿងផាកពិន័យអ្នកប្រព្រឹត្តបទល្មើសចរាចរដោយមិនចេញវិក័យបត្រ័។
នគរបាលចំណាស់ផ្នែកចរាចរដែលរងទណ្ឌកម្មពីស្នងការនេះមានឈ្មោះលោកអនុសេនីយ៍ឯក ស៊ីម ប៊ុនធឿន មានឋានៈនាយរងផ្នែកការពារ និងអន្តរាគមន៍ ចំណុះអធិការដ្ឋាននគរបាលខណ្ឌមានជ័យ នៃស្នងការដ្ឋាននរបាលរាជធានីភ្នំពេញ ។
លោក អនុសេនីយ៍ឯក ស៊ីម ប៊ុនធឿន ក៏ត្រូវប្រឈមក្នុងការដាក់វិន័យ កងកម្លាំងទៀតផងតែមិនដឹងថាត្រូវបញ្ជូនទៅតុលារការដែរឬអត់នោះទេព្រោះបើតាមច្បាប់ប្រឆាំងអំពើរពុករលួយគឺចាប់ពី៥ដុល្លារត្រូវជាប់គុក។
សូមបញ្ជាក់ថា ករណីផាកពិន័យមិនត្រឹមត្រូវរបៀបករណិយ៍លោកអនុសេនីយ៍ឯក ស៊ីម ប៊ុនធឿននេះ បានកើតឡើងនាពេលថ្មីៗនេះ ដែលទទួលរងការរិះគន់ ជាខ្លាំងពីមហាជនផងដែរ។
មហាជនដែលឃើញរឿងនេះបានចាត់ទុកចំណាត់ការរបស់លោកឧត្តមសេនីយ៍សថេតថាជាការអាករមាន់បន្លាចស្វាតាមអភិក្រមទី៥របស់នាយករដ្ឋមន្ត្រី!៕
