ភ្នំពេញ ៖ ប្រតិបត្តិការចុះ កណ្តាលរាជធានីភ្នំពេញនេះ បានធ្វើឡើងនៅកាលពីវេលាម៉ោងប្រមាណ ៤រំលងអាធ្រាត្រឈានចូលថ្ងៃទី០៨ ខែមិថុនា ឆ្នាំ២០១៩នគរបាលក្រោមបញ្ជាលោកឧត្តមសេនីយ៍សថេតមានព្រះរាជអាជ្ញាផងបានសម្រុកចូលឆែកឆេរក្លឹបកម្សាន្ត ក្លឹបកម្សាន្ត «លុច្សសារី» LUXURIOUS ស្ថិតនៅតាមបណ្ដោយផ្លូវលេខ២១៤ កែងផ្លូវ៦៣ សង្កាត់បឹងរាំង ខណ្ឌដូនពេញ។
ក្រោយការឆែកឆេរកម្លាំងសមត្ថកិច្ចបានបិទក្លឹបជាបណ្តោះអាសន្នដោយចោទថាជួញដូរគ្រឿអញៀន និងបាននាំអ្នកលេងកម្សាន្តប្រមាណ ៤០០នាក់ទៅស្នងការដ្ឋាននគរបាលរាជធានីភ្នំពេញដែលមិនទាន់ដឹងថាចោទប្រកាន់ពីបញ្ហាអ្វីឡើយ។
សូមបញ្ជាក់ថា ប្រតិបត្តិការចុះឆែកឆេរក្លឹបកម្សាន្ត «លុច្សសារី» បានធ្វើឡើងតែប៉ុន្មានថ្ងៃប៉ុណ្ណោះ បន្ទាប់ពីមានករណីបុរសម្នាក់ជាកូនលោកស្រីអនុរដ្ឋលេខាធិការក្រសួងកិច្ចការនារីផងបានចូលទៅលេងក្នុងក្លឹបនេះ ហើយផ្ទុះអាវុធបណ្តាលឱ្យនារីម្នាក់រងរបួសភ្លៅ។មកទល់ថ្ងៃទី៨មិថុនាគេមិនទាន់ដឹងលទ្ធផលនៃការបង្ក្រាបនិងបទល្មើសរកឃើញត្រូវបានផ្សព្វផ្សាយនៅឡើយ!៕
