ភ្នំពេញ ៖ នាថ្ងៃទី០៨ ខែមិថុនា ឆ្នាំ២០១៩ តាមរយៈហ្វេសប៊ុកផេក យុវជនសំរាម គេបានឃើញឃ្លីប វីដេអូមួយបង្ហាញពីសកម្មភាពរបស់ យុវជនសំរាមនៅតាមប្រឡាបង្ហូរទឹកបឹងត្របែក ដោយមានការចូលរួមមកពីអង្គការផ្សេងៗ និងជនបរទេស ជប៉ុន បារាំង និងអាមេរិច មកបោសសម្អាត រើសសំរាម និងដាំផ្កា ដែលជាគំរូល្អមួយក្នុងការជួយធ្វើឲ្យមានបរិស្ថានល្អ ដើម្បីសុខភាពបងប្អូនប្រជាពលរដ្ឋដែលរស់នៅម្តុំទីតាំងខាងលើ។
ម្ចាស់ហ្វេសប៊ុកមួយឈ្មោះតេងវាសនាផេក( Teng Veasna Pages) ក៏សសេរសារ ភ្ជាបជាមួយរូបភាពបញ្ជាក់បន្ថែមឲ្យដឹងទៀតថា៖ “ថ្ងៃនេះយុវជនយើងបានរួមគ្នាជាមួយបងប្អូនមកពីអង្គការផ្សេងៗរួមជាមួយជនបរទេសមកពីជប៉ុនបារាំងនិងអាមេរិចដើម្បីបោសសម្អាត រើសសំរាម និងដាំផ្កា រួមគ្នាថែរក្សាការពារបរិស្ថាន ដើម្បីកម្ពុជាស្អាតៗ”។
មហាជនជាច្រើនមានការកោតសរសើរនូវទឹកចិត្តរបស់ពួកយុវជនក្មេងៗទាំងនោះ ជាពិសេសនោះ ជនបរទេសដែលបានមកជួយសំអាតបរិស្ថាននោះ ថែមទាំងជួយឧបត្ថម្ភទឹកសុទ្ធ ដល់ក្រុមយុវជនសំរាមទៀតផង។ ដើម្បីជ្រាប កាន់តែច្បាស់។គេមិនដឹងថាហេតុដូចម្តេចបានជាមិនឃើញមានការចូលពីអាជ្ញាធរពិសេសអង្គភាពជំនាញខាងសាធារណៈការរាជធានីរួមចំណែកនោះទេ?ឬក៏មិនសប្បាយចិត្តចមពោះសកម្មភាពរំខានការងាររបស់គេ?៕
