ភ្នំពេញ ៖ កាលពីយប់ថ្ងៃទី៧មិថុនាលោកសង្ឃនិងសិស្សលោកនៅវត្តសារាវន្ត័កុដិលេខ២៣រត់ចែកចើងគ្នាដោយសារតែនារីម្នាក់ដកកាំភ្លើងខ្លីបាញ់ ២គ្រាប់ ។បន្ទាប់មកបានសមត្ថកិច្ចខណ្ឌដូនពេញចេញមកអន្តាគមទាំងយប់ដកហូតបានអាវុធ ១ ដើមនិងសំបកគ្រាប់ដែលបានផ្ទុះរួចហើយនិង ឃាត់ខ្លួននារីចិត្តស្លុយយកមកសួរនាំនៅអធិការនគរបាលខណ្ឌដូនពេញ ភ្លាមៗតែម្ដង។
តាមប្រភពព័ត៍មាននៅកន្លែងកើតហេតុនិងតាមការសាកសួរពីសមត្ថកិច្ចបានឲ្យដឹងថា ៖នៅមុនពេលកើតហេតុត្រូវបានគេឃើញមាននារីក្លាហានម្នាក់វ័យប្រមាណជា៣០ឆ្នាំបានមកឈរពីមុខកុដិព្រះសង្ឃលេខ៣និងបានធ្វើសកម្មភាពរះ០២ គ្រាប់ សង្ស័យមានគំនុំជាមួយនឹងព្រះសង្ឃបង្កជាការភ្ញាក់ផ្អើលដល់សមត្ថកិច្ចជួយអន្តរាគមន៍បានទាន់ពេលវេលា នាំយកមកសួរនាំនៅអធិការដ្ឋានខណ្ឌដូនពេញ។
តាមប្រភពបានបង្ហើបឲ្យដឹងទៀតថា កន្លងមកពាក់កណ្តាលឆ្នាំ២០១៧ប្តីរបស់នារីក្លាហានបានធ្លាប់ទៅរកព្រះសង្ឃនៅកុដិលេខ២៣នាមពិសីឲ្យធ្វើមន្តអាគមន៍ដាក់អោយប្រពន្ធស្រឡាញ់កាន់តែខ្លាំង ។តែចាប់តាំងពីបានរកព្រះសង្ឃឲ្យជួយដាក់មន្តអាគមន៍រួចមកប្តីចេះតែឈឺមិនដែលលស់ថ្ងៃសោះ។ ដោយមានការអន់ចិត្តស្ត្រេសពេកទើបនារីក្លាហានទៅប្រទេសថៃទិញអាវុ ធមួយមកដាក់២ គ្រាប់បន្ធូរអារម្មណ៌ចឹងទៅ?តែមិនបណ្តាលឲ្យនរណាម្នាក់រងរបួសឡើយ ។
នៅចំពោះមុខសមត្ថកិច្ច ជនបង្កបានសារភាពថា អាវុធខ្លីខាងលើខ្លួនបានទិញក្នុងតម្លៃ ១,៥០០ដុល្លារ នៅប្រទេសថៃ កាលពីដើមខែមេសា ឆ្នាំ២០១៩ ថ្មីៗនេះ ហើយខ្លួនពិតជាបានបាញ់ប្រហារមែន។បើតាមការពិនិត្យស្រីចិត្តស្លុយខាងលើអាចទាក់ទងទិញបានកាំភ្លើងម៉ាកទំនើបនិងប្រើកាំភ្លើងបាញ់ដោយមិនតក់ស្លុតចឹងបានសេចក្តីថានាងមិនមែនជាស្រីធម្មតានោះទេ?។
បច្ចុប្បន្នជនសង្ស័យសមត្ថកិច្ចឃាត់ខ្លួនបណ្ដោះអាសន្ននៅអធិការដ្ឋាននគរបាលខណ្ឌដូនពេញ ដើម្បីកសាងសំណុំរឿងចាត់ការតាផ្លូវច្បាប់ដែលប្រសិនគ្មានលុយទប់ទេដឹងតែពីជាប់គុកតិចក៏៦ខែដែរ។សូមបញ្ជាក់ថាកាលពីព្រឹកក្នុងកិច្ចប្រជុំគណៈរដ្ឋមន្ត្រីសម្តេចតេជោហ៊ុនសែនបានប្រកាសថាអ្នកណាបាញ់បោះសេរីត្រូវបកសក្តិចាប់ញាត់គុកឲ្យស្មើភាពគ្នា!៕
