កំពង់ចាម ៖ អស់រយ:ពេលប្រមាណជិត៣ខែមកហើយ បើគិតពីថ្ងៃទី ១៣ មីនា ២០១៩ មក តាមរយ: អាខោន Facebook មួយ ដែលមានឈ្មោះថា ស្រី រ៉េត ព្រែករំដេង ក៏ដូចជាអាខោនក្រុម សកម្មជនអ្នកលេង facebook មួយចំនួន ពិសេស អាខោន ឈ្មោះ ស្អែកស្លាប់ ស្អែកស្លាប់ បានឡាយ Videos ផ្សព្វ ផ្សាយជាច្រើនលើកច្រើនសារ ស្តីពីករណី ក្មេងស្រី ក្មេងប្រុស ស្រលាញ់ស្នហាគ្នា តែត្រូវម៉ែ ឪ សាច់ញាតិខាងស្រីរៀបគំរោង សហការជាមួយមន្ត្រីនគរបាលព្រហ្មទណ្ឌ អគ្គស្នងការនគរ បាលជាតិ និង ស្ថាប័នតុលាការធ្វើស៊ី ដោយប្តឹងទាមទារជម្ងឺចិត្តចំនួន៤០០០០ដុល្លារអាមេរិក ។
មហាជននិងប្រជាពល រដ្ឋ ដែលនិយមលេង facebook ពិតជាបានឃើញនូវឃ្លីប Videos ជាច្រើនមានទាំងការឡាយផ្ទាល់ពីម្ចាស់ អាខោន Facebook ឈ្មោះ ស្រី រ៉េត ព្រែករំដេង ដែលបានយំអង្វរ សុំ ដល់អស់លោកអ្នកកាន់ច្បាប់ នៅតុលាការរាជធានីភ្នំពេញ សូមជួយផ្តល់យុត្តិធម៌ដល់កូនប្រុសគាត់ ដែលទទួលរងការ ចោទប្រកាន់ដ៏អយុត្តិធម៌ ។
ប្អូនស្រី បានអះអាងថា ប្អូនជាស្ត្រី មេម៉ាយ រយ:ពេល៥ឆ្នាំជាងហើយ មានកូនប្រុស-ស្រីក្នុងបន្ទុក ទាំង៤នាក់ រស់នៅភូមិកំពង់ឪជ្រឹង ឃុំ ពង្រ ស្រុក កោះសូទិន ខេត្តកំពង់ចាម មានឈ្មោះ ចុះបញ្ជីក្នុងសៀវភៅ គ្រួសារ គឺឈ្មោះ ឌិន សុរ៉េត អាយុ ៣៧ឆ្នាំ មានមុខរបរ លក់បាយគុយទាវកាហ្វេ នៅផ្ទះ ។ តែអ្វីដែលជារឿងអកុសល និងឈឺចាប់ផ្លូវចិត្តនាពេលនេះ គឺកូនប្រុសរបស់ប្អូនស្រី ឈ្មោះ ហ៊ី វេហា អាយុ ១៩ ឆ្នាំ កំពុងជាប់ឃុំខ្លួនបណ្តោះអាសន្ននៅព័ន្ធ នាគារព្រៃ ស រាជធានីភ្នំពេញ ក្រោមបទចោទប្រកាន់ រំលោភ សេពសន្ធវ: តាមបញ្ញត្តិ មាត្រា ២៧២ និង បទ គំរាមកំហែងហែកកេរ្តិ៍ ដោយស្ថានទម្ងន់ទោស ដោយសារការអនុវត្តជាក់ ស្តែងនូវការគំរាមកំហែង តាមបញ្ញត្តិ មាត្រា៣៧២ និង មាត្រា ៣៧៤ នៃក្រមព្រហ្មទណ្ឌ ។
នេះបើយោងតាម ដិកាសន្និដ្ឋាន អយ្យការអោយស៊ើបសួររបស់អយ្យការអសាលាដំបូងរាជធានី ភ្នំពេញ ចុះលេខ ៩៥០ អ យ ដ ចុះថ្ងៃទី ១៤ មីនា ២០១៩ ចុះហត្ថលេខា ដោយលោក ឡុង ជាប ព្រះរាជអាជ្ញារងសាលា ដំបូងរាជធានីភ្នំពេញ សម្រេចដាក់ឃុំខ្លួនបណ្តោះអាសន្នលើ ឈ្មោះ ហ៊ី វេហា។ ដើម្បីបើកការស៊ើបអង្កេតលើអង្គហេតុ ។ ប៉ុន្តែ ករណីនេះត្រូវបានប្អូនស្រី សុរ៉េត អះអាងថា រឿងនេះ ជារឿងភាគីខាងម្តាយកូនស្រីរៀបគំរោង ដោយសហការជាមួយ សមត្ថកិច្ចនគរបាលព្រហ្មទណ្ឌ និង តុលាការចាប់កូនប្រុសគាត់ដាក់គុក ធ្វើស៊ីដោយទាមទារលុយសងជម្ងឺចិត្ត៤០០០០ ដុល្លារអាមេរិក បើពុំមានលុយគ្រប់ចំនួនទេគឺកូនប្រុសគាត់ ត្រូវជាប់គុក ។
ប្អូនស្រីបានបង្ហាញភស្តុតាង មានទាំងឃ្លិប វីដេអូ និងសម្លេងនិយាយសាសងគ្នាឆាយតាម fb របស់កូនប្រុស និង កូនស្រី ឈ្មោះ ស្រេង ដាលីន ដែលជារឿង ក្មេងៗយុវវ័យស្រលាញ់ស្នេហាគ្នាដោយចិត្តនឹងចិត្ត ប៉ុន្តែ ត្រូវបានក្រុមគ្រួសារខាងស្រីរៀបចំគំរោង និងដាក់ពាក្យបណ្តឹង ប្តឹងទៅសមត្ថកិច្ចដើម្បីចាប់កូនប្រុសគាត់ដាក់គុក គាបយកលុយតែម្តង ។
តាំងពីកូនប្រុសគាត់ឃុំ ខ្លួនមករយ:ពេលជិត ៣ខែហើយ ទោះជារូបគាត់ខិតខំទៅអង្វរកខាងម្តាយកូនស្រី និងបង្ហាញភស្តុតាងគ្រប់បែបយ៉ាងសុំអោយក្មេងៗជួបជុំគ្នា ដោយសុខចិត្តរៀបការអោយពួកគេទាំង២នាក់ ក៏ភាគីខាង ស្រីមិនព្រមដាច់ខាត គឺគេទុកអោយច្បាប់ចាត់ការ ។ពេល នេះប្អូនស្រីសឹងតែបាត់បង់ស្មារតីរឹងមាំហើយ ជារៀងរាល់ថ្ងៃតែងតែ យំសំពះអង្វរកដល់អស់លោកអ្នកកាន់ច្បាប់ និង អ្នក ស្រលាញ់យុត្តិធម៌ក្នុងសង្គមអោយជួយជីវិតកូនប្រុសគាត់ផង ព្រោះពិតជារងគ្រោះដោយការចោទប្រកាន់លើសពីពិតទាំងស្រុង ។ ប្អូនស្រីមានឯកសារ ភស្តុតាង និងការបញ្ជាក់ ដឹងឮ ពីសាវតាកូនប្រុសរបស់ខ្លួនពីនាយកសាលា ក៏ដូចពឋិ អាជ្ធាធរមីលដ្ឋាន ថាកូនប្រុសរបស់ប្អូន ស្រីជាមនុស្ស ស្លូតបូត ទទួលបានកាេរគោរពស្រលាញ់ឞីប្រជាពលរដ្ឋ ។ដូច្នេះសូមអស់លោកអ្នកច្បាប់ជួយផ្តល់យុត្តិធម៌ដល់កូនគាត់ផង ។
