ក្រចេះ៖ នារសៀលថ្ងៃទី០៣ ខែមិថុនា ឆ្នាំ២០១៩ វេលាម៉ោង១៥:០០នាទី កម្លាំងកងរាជអាវុធហត្ថក្រុងក្រចេះ ក្រោមការចង្អុលបង្ហាញពីលោកឧត្តមសេនីយ៍ត្រី សាន្ត ប៊ុនថាន មេបញ្ជាកាកងរាជអាវុធហត្ថខេត្ត ដឹកនាំដោយលោកវរៈសេនីយ៍ត្រី ផាត សុភក្ត្រ័វាសនា មេបញ្ជាការក្រុង ដោយមានការសម្របសម្រួលពីលោក ជា សុភក្ត្រ័ ព្រះរាជអាជ្ញារងខេត្តក្រចេះ ចុះប្រតិបត្តិការបង្ក្រាបមុខសញ្ញាជួញដូរ និងប្រើប្រាស់គ្រឿងញៀន នៅចំនុចសណ្ឋាគារ ហ៊រ ប៊ុន្នី ស្ថិតនៅភូមិស្រែស្ដៅ សង្កាត់អូរឬស្សី នៅក្រុងក្រចេះ។
ក្នុងប្រតិបត្តិការបង្ក្រាបករណីគ្រឿងញៀនដ៏ក្តៅខាងលើ កងកម្លាំងកងរាជអាវុធហត្ថក្រុងក្រចេះ ឃាត់ជនមុខសញ្ញាជួញដូរនិងប្រើប្រាស់គ្រឿងញៀនបានចំនួន ៣នាក់។ ១.ឈ្មោះ ឡា វិច្ឆិកា ភេទប្រុស អាយុ២៣ឆ្នាំ ជនជាតិ ខ្មែរ មុខរបរមិនពិតប្រាកដ រស់នៅភូមិអូរឬស្សី២ សង្កាត់អូរឬស្សី ក្រុងក្រចេះ ខេត្តក្រចេះ។
២.ឈ្មោះ នាង សង្វាវង្សហៅ(ជី វា) ភេទប្រុស អាយុ ១៨ឆ្នាំ ជនជាតិខ្មែរ មុខរបរ(សិស្ស) រស់នៅភូមិដូនជ្រាំ សង្កាត់ក្រចេះ ក្រុងក្រចេះ ខេត្តក្រចេះ។
៣.ឈ្មោះ ម៉េង កក្កដា ភេទប្រុស អាយុ២២ឆ្នាំ ជនជាតិ ខ្មែរ មុខរបរ (មិនពិតប្រាកដ) រស់នៅភូមិទួលមនោរម្យ សង្កាត់ក្រគរ ក្រុងក្រចេះ ខេត្តក្រចេះ។
ដកហូតវត្ថុតាងប្រើប្រាស់មួយចំនួន និងម៉ូតូម៉ាក់សង់ឌ្រីម ២គ្រឿង ស៊េរីឆ្នាំ២០១០ មួយគ្រឿង ស៊េរីឆ្នាំ២០១៤ មួយគ្រឿង។
បច្ចុប្បន្ន ជនសង្ស័យ និងវត្ថុតាង ឃាត់ខ្លួននិងរក្សាទុកនៅមូលដ្ឋានកងរាជអាវុធហត្ថក្រុងក្រចេះ ដើម្បីបន្ត
និតិវិធី៕ ដោយ កិះខន
