ប្រទេសថៃ-ស្រុកឆុនបុរី ៖ បន្ទាប់ពីប្តី ប្រពន្ធពីរនាក់ ដែលប្តីគឺជាជនជាតិថៃ និងប្រពន្ធ គឺជាជនជាតិខ្មែរ ព្រមទាំងជាស្ត្រីមេម៉ាយកូនមួយ ត្រូវនក្រុមតម្រួតថៃ ក្នុងខេត្តឆុនបុរី ឃាត់ខ្លួន កាលពីថ្ងៃទី ២៨ ខែកក្កដា ឆ្នាំ២០១៦ ពីបទ ប្តីបានប្រព្រឹត្តករណីរំលោភសេពសន្ថវៈ ទៅលើទារិកាដែលត្រូវជាកូនចុង និងទើបតែមានអាយុ១ខួបកន្លះ រហូតធ្វើអោយ រហែកប្រដាប់ភេទ ព្រមទាំងមានឈាមហូរឥតស្រាកផងដែរ ។ ដោយស្ត្រីជាម្តាយជាប់ចោទ ពីបទ ធ្វើទារុណកម្មលើអ្នកដទៃគឺម្តាយបានយកទឹកក្តៅទៅច្រកចូលមាត់អោយកូនផឹក រហូតបង្កអោយមានស្នាមដំបៅហើម និងពងបែកពេញមាត់ទារិកានោះផង ។
បច្ចុប្បន្ន កុមារីដ៏កំសត់នេះត្រូវបានក្រុមគ្រូពេទ្យកំពុងយកចិត្តទុកដាក់ក្នុងការព្យាបាល និងសង្គ្រោះដោយសារតែអាការៈកុមារីនេះមានបញ្ហាជាច្រើនដូចជា បែកក្បាល បាក់ដៃម្ខាង បាក់ជើងទាំងសងខាង និងរលាកហើមបបូរមាត់ ។
រយៈពេលប៉ុន្មានថ្ងៃនេះ កុមារីដ៏កំសត់ត្រូវបានប្រជាពលរដ្ឋដែលមានទាំងខ្មែរ និងថៃ បាននាំគ្នាទៅចោមរោមមើលដោយក្តីអាណិត ព្រមទាំងបានបរិច្ចាកជាថវិកាខ្លះៗ ក្នុងនោះ ក៏មានជាសម្ភារៈក្មេងលេងផង និងជាសម្លៀកបំពាក់ផងសម្រាប់ផ្តល់អោយ កុមារីរូបនេះ ដោយម្នាក់ៗបាននាំគ្នាដាក់ឈ្មោះអោយថា « ណងបៃបួ » ដែលប្រែ ជាភាសាខ្មែរ មានន័យថា កុមារស្លឹកឈូក ។ ហើយពួកគេក៏បានអំពាវនាវដល់ប្រជាពលរដ្ឋដទៃទៀត ដែលមានបំនងចង់ចូលរួមឧបត្ថម្ភសូមអញ្ជើញទំនាក់ទំនងទៅកាន់មន្ទីរពេទ្យខេត្តឆុនបុរី ត្រង់អគារពិគ្រោះយោបល់ ជាន់ទី១ រាល់ពេលម៉ោងធ្វើការ ៕
