ព្រៃវែង ៖ ឃាតករំលោភសម្លាប់ក្មេងស្រីប្រុសពីរនាក់បងប្អូនបង្កើតនៅនៅភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ កាលពិថ្ងៃទី២៩ឧសភា ចាប់ខ្លួនបានហើយនៅថ្ងៃទី២មិថុនា នៅស្រុកមេសាង ខេត្តព្រៃវែង ។
ជនសង្ស័យឈ្មោះ មាង វិចិត្រ ភេទ ប្រុស អាយុ ២៦ឆ្នាំ ។ ក្រោយកើតហេតុនិងកំណត់មុខសញ្ញាបានជនសង្ស័យត្រូវបានកម្លាំង នគរបាលនាយកដ្ឋាននគរបាលព្រហ្មទណ្ឌ បានសហការណ៏ ជាមួយស្នងការដ្ឋានខេត្ត ព្រះសីហនុ, ស្នងការដ្ឋានខេត្ត ស្វាយរៀង និង ស្នងការដ្ឋានខេត្ត ព្រៃវែង បានបើកការស៊ើបអង្កេត រហូតថ្ងៃទី០២ ខែមិថុនា ឆ្នាំ២០១៩ឃាត់ជនសង្ស័យ នៅចំណុចខាងលើពេលជនសង្ស័យកំពុងសំងំលាក់ខ្លួននៅលើផ្ទះបងប្អូនជាមួយប្រពន្ធ។
ជនសង្ស័យ បានសារភាពថាមូលហេតុគឺដោយសារស្រវឹងក្រោយពីបានទិញគ្រឿងញៀនជក់ហើយផឹកស្រា។ពេលខ្លួនធ្វើសកម្មភាពលើក្មេងស្រីអាយុ០៧ឆ្នាំ ក្មេងប្រុសជាប្អូនអាយុ០២ឆ្នាំក៏បានចូលមកទាន់ ខ្លួនក៏បានទះ០២ដៃ ទាត់មួយជើងផ្ទប់នឹងជញ្ជាំង បណ្តាលឲ្យក្មេងប្រុសនោះស្លាប់តែម្តងទៅ ។
ក្រោយពីចាប់ខ្លួនបានសមត្តកិច្ចបាននាំមកនាយកដ្ឋានព្រហ្មទណ្ឌនិងបន្តបញ្ជូនមកខេត្តព្រះសីហនុទីកន្លែងកើតហេតុដើម្បីចាត់ការតាមច្បាប់។បន្តែនៅរសៀលថ្ងៃទី៣ ខែមិថុនា នេះសមត្តកិច្ចបានអាក់ខានមិនបញ្ជូនជនសង្ស័យមកធ្វើត្រាប់ទេខ្លាចមានអពោះហឹង្សាកើតឡើងដោយសា មានប្រជាពលរដ្ឋជាង១ពាន់នាក់ បានប្រមូលផ្តុំគ្នានៅចំណុចកើតហេតុ ទីដែលឃាតកបានធ្វើសកម្មភាពរំលោភសេពសន្ថវៈរួចសម្លាប់កុមារ២នាក់ នៅស្រុកព្រៃនប់ ដើម្បីរង់ចាំសមត្ថកិច្ច នាំខ្លួនឃាតកមកធ្វើត្រាប់នៃអំពើល្មើសនេះឡើងវិញ ។
សមត្ថកិច្ច ក៏ នឹងបញ្ជូនឃាតករូបនេះ ទៅតុលាការផងដែរ ដើម្បីចាត់ការតាមផ្លូវច្បាប់ ក្រោយបញ្ចប់នីតិវិធីរួចរាល់នៅដំណាក់កាលមន្ត្រីនគរបាលយុត្តិធម៌ ។ ទន្ទឹមនេះ សមត្ថកិច្ចក៏បានបង្ហាញមុខឃាតកនៅស្នងការដ្ឋាននគរបាលខេត្តព្រះសីហនុ ផងដែរ តែអនុញ្ញាតអោយប្រជាពលរដ្ឋមើលពីខាងក្រៅរបងប៉ុណ្ណោះ ។
បើតាមប្រភពពីមេភូមិដែលជនសង្ស័យទៅលាក់ខ្លួនឲ្យដឹងថាកាលពីអាយុ១៥ឆ្នាំជនល្មើសដែលមានឪពុកជាជនពិការម្តាយស្លាប់ចោលបាត់តាំងពីនៅតូចធ្លាប់បង្ករឿងចាប់រំលោភក្មេងស្រីដែលទៅមើលក្របីជាមួយគ្នាតែមិនបានសម្រេចហើយក៏គេចខ្លួនបាត់ទៅយូៗបានឃើញលួចមកលេងស្រុកម្តងដោយមាននាំប្រពន្ធ័មកជាមួយផង។
គួរបញ្ជាក់ថា ហេតុការណ៍នេះបានកើតឡើងកាលពីល្ងាច ថ្ងៃទី២៩ ខែឧសភា ឆ្នាំ២០១៩ នៅត្រង់ចំណុច ភូមិគគី ឃុំបិតត្រាំង ស្រុកព្រៃនប់ ខេត្តព្រះសីហនុ បណ្តាលឲ្យក្មេងប្រុសស្រី២នាក់ បងប្អូនបង្កើតរងគ្រោះរហូតដល់ស្លាប់ទាំង២នាក់ពេលឪពុកម្តាយមិននៅទៅថ្វើការបាត់ ។
ក្នុងនោះក្មេងប្រុសជាប្អូនបានស្លាប់ភ្លាមៗនៅក្នុងផ្ទះ ហើយក្មេងស្រីជាបងត្រូវបានក្រុមគ្រួសារព្យាយាមដឹក មកសង្គ្រោះរហូតដល់រាជធានីភ្នំពេញដែរ តែមិនអាចជួយសង្គ្រោះជីវិត និងបានស្លាប់បាត់បង់ជីវិតនៅលើរថយន្តវេលាម៉ោង ៨យប់ថ្ងៃដដែលនោះ។ កុមារារងគ្រោះមានឈ្មោះ ផា សុខលី អាយុ២ឆ្នាំ និងកុមារីជាបងមានឈ្មោះ ផា ស្រីល័ក្ខ អាយុ៧ឆ្នាំ។
