ភ្នំពេញ ៖ ជនជាតិវៀតណាមចំនួន១២នាក់ដែលឃុបឃឹតជាមួយអាជ្ញាធរយកគ្រឿងចក្រចូលឈូសឆាយដីព្រៃឧទ្យានជាតិវិរៈជ័យ ដោយខុសច្បាប់ ត្រូវបានតុលាការខេត្តរតនៈគីរីចេញដីការដោះលែងប្រញិបប្រញ៉ាប់ទាំងយប់បាត់ហើយកាលពីថ្ងៃទី៣០ឧសភាឆ្នាំ២០១៩។នេះបើតាមប្រភពពីមន្ត្រីពន្ធនាគារខេត្តរតនគិរី ឲ្យដឹងនៅថ្ងៃទី០១ ខែមិថុនា ឆ្នាំ២០១៩។
លោក អ៊ុក គឹមជុន ប្រធានពន្ធនាគារខេត្តរតនគិរី បានឲ្យកាសែតដឹង ថា លោករ៉ាបូរ៉ាន់ឌីចៅក្រមស៊ើបសួរក្នុងសំណុំរឿងបានចេញដីកាបង្គាប់ឲ្យជនត្រូវចោទទាំង១២នាក់នេះកាលពីម៉ោង៥ល្ងាច ថ្ងៃទី៣០ ខែឧសភា ឆ្នាំ២០១៩ ដោយមានជនជាតិវៀតណាមបើកឡានមកទទួលដល់ពន្ធនាគារតែម្តង?។
ការដោះលែងក៏មានការឯកភាពព្រះរាជអាជ្ញាផងដែរ។
សូមបញ្ជាក់ថាកម្មករជនជាតិវៀតណាម១២នាក់ដែលបានយកគ្រឿងចក្រចូលឈូសឆាយដីព្រៃឧទ្យានជាតិវិរៈជ័យដោយខុសច្បាប់ ត្រូវបានលោក ឡេង វណ្ណរិទ្ធ ចៅក្រមស៊ើបសួរនៃសាលាដំបូងខេត្តរតនគិរី សម្រេចចេញដីកាបង្គាប់ឲ្យឃុំខ្លួនជាបណ្តោះអាសន្ន កាលពីព្រឹកថ្ងៃទី២១ ខែមេសា ឆ្នាំ២០១៩បន្ទាប់ពីត្រូវបានកម្លាំងកងរាជអាវុធហត្ថខេត្តរតនគិរី ចាប់ខ្លួនកាលពីថ្ងៃទី១៦ ខែមេសា ឆ្នាំ២០១៩ ជាមួយគ្រឿងចក្រចំនួន៦គ្រឿងនៅតំបន់ព្រំដែន ក្នុងដីក្រុមហ៊ុននុភា សុភាព ក្នុងភូមិសាស្ត្រ ស្រុកតាវែង ពេលឈូសឆាយដីព្រៃខ្មែរដោយខុសច្បាប់យកប្រគល់ឲ្យនគរបាលអន្តោប្រវេសន៍នៃស្នងការដ្ឋាននគរបាលខេត្តរតនគិរី។
ក្រុមជនជាតិវៀតណាមទាំង ១២នាក់នេះ បានឆ្លងចូលទឹកដីកម្ពុជាដោយខុសច្បាប់តាមច្រកក្នុងព្រៃ ចំណុចបង្គោលការពារព្រំដែនលេខ១៤ ក្នុងភូមិសាស្ត្រប៉ុស្តិ៍នគរបាលការពារព្រំដែនគោកលេខ៥០៥(ប៉ុស្តិ៍ភូមិចង) ខេត្តរតនគិរីជាប់ព្រំប្រទល់ជាមួយនឹងប៉ុស្តិ៍ការពារព្រំដែនលេខ៧១១ ស្រុកម៉រៃ ខេត្តកន្ទូមប្រទេសវៀតណាម។
ប្រភពពីសមត្ថកិច្ចឲ្យដឹងថា៖ ជនជាតិវៀតណាមទាំង១២នាក់បានឆ្លងដែនចូលប្រទេសកម្ពុជា តាមរយៈឈ្មោះ សេក វិរៈ ជាតំណាងក្រុមហ៊ុន នុភាព សុភី និងឈ្មោះ VO NGU YEVSAជាជនជាតិវៀតណាម (មានអត្តសញ្ញាណប័ណ្ណជនជាតិខ្មែរ)។
បើគិតមកដល់ពេលនេះ ការឃុំខ្លួនជនជាតិវៀតណាមទាំង១២នាក់នេះ មិនបានមួយខែផង ត្រូវបានគេរត់ការប្រញិបប្រញ៉ាប់ដោះលែងទាំងយប់ រួចដឹកតាមរថយន្តចេញទៅប្រទេសវៀតណាមទាំយប់នោះតែម្តង តាមច្រករបៀងព្រំដែនមួយ ក្នុងស្រុកអណ្តូងមាស ខេត្តរតនគិរី។
ប្រជាជន និងមន្ត្រីរាជការ នៅខេត្តរតនគិរី ដែលបានដឹងរឿងរ៉ាវពុករលួយឃុបឃឹតគ្នាក្បត់ជាតិមួយនេះ បានសម្តែងការខកចិត្តយ៉ាងខ្លាំង ចំពោះការសម្រេចរបស់ស្ថាប័នតុលាការខេត្តរតនៈគិរី ។ព្រោះការដោះលែងនេះចង់ឬមិនចង់ឬគេឃុបឃឹតគ្នាបំបិទរឿងក្បត់ជាតិជាថ្នូរនិងលាភសក្ការៈយ៉ាងពិតប្រាកដដែលទាមទារសុំឲ្យមានការស៊ើបអង្កេតពីអង្គភាពប្រឆាំងអំពោះពើពុករលួយប្រសិនបើចង់ឲ្យសង្គមមានតម្លាភាព។
លោក រ៉ា បូរ៉ាន់ឌី ចៅក្រមស៊ើបសួរដែលចេញដីកាបង្គាប់ឲ្យដោះលែង និងលោកព្រះរាជអាជ្ញា ជា ពេជ្រអ្នកសារពតិមាន មិនអាចសុំការបញ្ជាក់បានទេ ៕
