សៀមរាប ៖ លោកនាប វ៉ិតអាយុ៣៦ឆ្នាំ រស់នៅភូមិត្រត្រាំងថ្ម ឃុំតាសៀមស្រុកស្វាយលើខេត្តសៀមរាប ឲ្យដឹងថា៖នៅថ្ងៃទីខែ០២ខែឩសភា ២០១៩គាត់ បានទាក់ទងទៅឈ្មោះ ចាន់ដោយមានការស្គាល់គ្នា ទើបពឹងពាក់ឲ្យគាត់ជួយរកអេស្កាវ៉ាទ័រ ។
នៅពេលនោះឈ្មោះចាន់ បានបង្ហាញរូបថតអេស្កាទ័រមកឲ្យខ្ញុំមើល និងឲ្យខ្ញុំទៅជួបឈ្មោះ ណាក់ អាយុប្រហែល៤៨ រស់នៅភូមិត្រពាំងសេះសង្កាត់គោកចកក្រុងសៀមរាបខេត្តសៀមរាប ដែលជាអ្នកលក់អេវ៉ាស្កាទ័រ ។ បន្ទាប់មកទៅជួបឈ្មោះ ណាក់ ហើយបានទៅមើលអេស្កាទ័រ ពេលឃើញហើយក៏តថ្លៃ ឈ្មោះណាក់ចំនួន ៤១០០០ដុល្លារអាមេរិក ។តែខ្ញុំមានប្រាក់សុទ្ធចំនួន១០០០០ដុល្លារអាមេរិក។ ឈ្មោះណាក់ប្រាប់ថាអាចបង់រំលោះបាន ដោយគាត់សន្យានឹងរត់ការខ្ចីប្រាក់ពីធនាគារឲ្យមកខ្ញុំបាន ។
ចំណែកឈ្មោះ ចាន់ បាននិយាយថាប្រសិនបើខ្ញុំមិនបានអេស្កាវ៉ាទ័រទេ ខ្ញុំចាន់សុខចិត្តលក់អេស្ការបស់គាត់យកលុយមកឲ្យខ្ញុំ នាបវ៉ិតវិញ។ ដោយមានការទុកចិត្ត ទើបខ្ញុំព្រមបង់រំលោះ ពេលនោះឈ្មោះណាក់ ឲ្យខ្ញុំបង់ចំនួន ២០០០ដុល្លាអាមេរិក ។ បន្ទាប់មកថ្ងៃទី០៣ខែឩសភាខ្ញុំទៅជួបឈ្មោះណាក់ ម្ដងទៀត ហើយឈ្មោះណាក់ បានតម្រូវឲ្យប្រគល់ប្រាក់ចំនួន ៧៥០០ដុល្លារអាមេរិក សរុប៩៥០០ដុល្លារអាមេរិក និងបានធ្វើលិខិតលក់ទិញរថយន្ដ និងត្រាក់ទ័រ ចុះថ្ងៃទី០៣ខែឩសភា ដោយដាក់ឈ្មោះកូនស្រីគាត់ឈ្មោះ ថាប់ធិញយិកជី ជាអ្នកលក់អេស្កាទ័រមកឲ្យខ្ញុំបាទ ។
សាក្សីគឺប្រពន្ធគាត់ជាអ្នកផ្ដិតមេដៃ ព្រមទាំងឲ្យខ្ញុំភ្ជាប់ឯកសារប្លង់ដី អត្តសញ្ញាណប័ណ្ណ និងសៀវភៅស្នាក់នៅ ដើម្បីភ្ជាប់ជាឯកសារឲ្យឈ្មោះណាក់រត់ការទៅខ្ចីប្រាក់ពីធនាគារ ABA តែធនាគារបានប្រាប់ថាខ្ចីប្រាក់មិនបានទេ។ ក្រោយមកខ្ញុំទៅជួបឈ្មោះណាក់ ដើម្បីទារយកប្រាក់វិញ តែឈ្មោះណាក់មិនព្រមប្រគល់ប្រាក់ឲ្យវិញទេ។
ដូច្នេះបានជាប្ដឹងឈ្មោះណាក់ និងឈ្មោះថាប់ ធិញយិកជី ទៅតុលាការពីបទឆបោក ទាមទាប្រាក់ដើមចំនួន៩៥០០អាមេរិក និងជម្ងឺចិត្ត៣៥០០ដុល្លារអាមរិក ព្រមទាំងសូមឲ្យតុលាការផ្ដន្ទាទោសជនល្មើសតាមច្បាប់ ។ ថ្ងៃសុក្រ១៣រោច ត្រូវនិងថ្ងៃទី៣១ខែឩសភា ២០១៩ ឈ្មោះចាន់ពេលសួរតាមទូរស័ព្ទថា ឈ្មោះវ៉ិតពឹងបងឲ្យរកទិញអេស្កា និងប្រគល់ប្រាក់ចំនួន២០០០ដុល្លាអាមេរិក?។
លោកចាន់ឆ្លើយថា ពិតមែនតែលោកប្រាប់ឈ្មោះនាបវ៉ិត ទៅជួបឈ្មោះណាក់។ ពេលសួរថា ឥឡូវនេះធនាគាមិនឲ្យប្រាក់ឈ្មោះណាក់ទេ លោកចាន់ឆ្លើយថា ខ្ញុំចាន់បានប្រាប់ណាក់ ឲ្យសងប្រាក់ទៅនាបវ៉ិត វិញទៅ ។ជុំវិញការចោទប្រកាន់នេះ អ្នកសារព័ត៌មានយើងបានទាក់ទងទៅឈ្មោះណាក់នៅសង្កាត់គោកចក ថ្ងៃទី៣០ខែឩសភា គ្រាន់តែដឹងថាអ្នកកាសែតភ្លាម ឈ្មោះណាក់ស្ទុះនិងហៅប្រពន្ធចេញពីបន្ទប់មិនព្រមឲ្យកាសែតសួរឡើយ?។