កំពង់ឆ្នាំង ៖ ប្រជាពលរដ្ឋជាង៦០គ្រួសារបានប្រតិកម្មតវ៉ា ទៅលើមន្ត្រីយោធាពាក់ស័ក្ត៤ម្នាក់ ឈ្មោះ ចាន់ ស៊ីយ៉ារ៉ា ជាឈ្មួញដីដ៏ធំនិងមានឥទ្ធិពល រំលោភឈូសឆាយដីធ្លី របស់គាត់ប្រពលរដ្ឋរងគ្រោះខាងលើមានលំនៅដ្ឋាន រស់នៅក្នុងឃុំក្រាំងល្វារ ស្រុកសាមគ្គីមានជ័យ ខេត្តកំពង់ឆ្នាំង ។
ការផ្ទុះការត៏វ៉ាចំពោះមន្ត្រីយោធាខាងលើខណៈ លោកវរសេនីយ៍ត្រី ចាន់ ស៊ីយ៉ារ៉ា បានដាក់គ្រឿងចក្រចូលឈូសឆាយដីរបស់ពួកគាត់។
ឯកសារដីធ្លីរបស់ប្រជាពលរដ្ឋចំនួន៣៦គ្រួសារហើយ ដែលអង្គភាពសារព័ត៌មានយើង ទទួលបាន ដោយស្នើសុំឲ្យជួយចុះផ្សាយ ដើម្បីនាំសារឬ ដំណឹងជូនដល់ថ្នាក់លើ ពិសេសគោរពស្នើសុំ ដល់សម្ដេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា មេត្តាជួយអន្តរាគមន៍ ដោះស្រាយផ្ដល់យុត្តិធម៏ដល់ពួកគាត់ ព្រោះមានតែសម្ដេចតេជោទេដែលអាចជួយពួកគាត់បាន។
បើតាមប្រភពព័ត៌មានខាងលើ បានឲ្យដឹងថា លោកវរសេនីយ៍ត្រី ចាន់ ស៊ីយ៉ារ៉ា (ជាមន្ត្រីយោធាស៊ីឈ្មោះគេ) នៅអង្គភាព វិស្វកម្ម សម្ដេចអគ្គមហាធម្មពោធិសាជា ស៊ីម ចំណុះនាយកដ្ឋានវិស្វកម្ម កាន់់់លិខិត្តបេសកកម្ម ចេញដោយលោកឧត្ដមសេនីយ៍ឯក ធន វិមានច័ន្ទ និងចុះថ្ងៃទី១៧ ខែឧសភា ឆ្មាំ២០១៩
ដោយដឹកអាគ្រឿងចក្រប៊ុល១គ្រឿងម៉ាកCATERPILLAR ដើម្បីឈូសឆាយដីអតីតកងកម្លាំងនិងគ្រួសារកងទ័ព។
ប៉ុន្តែករណីនេះ ត្រូវបានគេអះអាងថាគាត់ឈូសឆាយខុសទីតាំង ខណៈមតិរិះគន់និយាយជារួម គឺមន្ត្រីយោធានោះឃុបឃិតគ្នាជាប្រព័ន្ធ ចេញលិខិតបេសកកម្មដឹកគ្រឿងចក្រចូលមកឈូសឆាយ រំលោភយកដីរបស់ប្រជាពលរដ្ឋ នៅចំណុចអាច់សត្វ ក្នុងភូមិតាំងគ្រួស់កើត ឃុំក្រាំងល្វារ ស្រុកសាមគ្គីមានជ័យ ខេត្តកំពង់ឆ្នាំង។ លិខិតបញ្ជាបេសកកម្មនេះមានសុពលភាពត្រឹមថ្ងៃទី៣០ ខែឧសភា ឆ្នាំ២០១៩ប៉ុណ្ណោះ។
ពាក់ព័ត៌មានខាងលើសារព័ត៌មានយើងមិនអាចសុំការអត្ថាធិបាយបាននៅឡើទេព្រោះមិនមានលេខទំនាក់ទំនង។ចំណែកលោក សួន សុខារឹទ្ធី អភិបាលរងស្រុកសាមគ្គីមានជ័យទទួលបន្ទុកដោះស្រាយទំនាស់ដីធ្លីបានអោយដឹងថាដីចំណុចខាងលើជាដីអតីតយុទ្ធជន និងជាដីគម្របព្រៃរបស់រដ្ឋបាលព្រៃឈើប៉ុន្តែពួកប្រជាពលរដ្ឋទាំងនោះធ្លាប់អាស្រ័យផល ដូចនេះទើបមានការតវ៉ាបែបនេះ។ចំណែកពួកប្រជាពលរដ្ឋខាងលើអះអាងថាដីពួកគាត់សុទ្ធតែមានឯកសារត្រឹមត្រូវ ដូចនេះប្រជាពលរដ្ឋស្នើអោយអាជ្ញារជួយពិនិត្យនិងដោះស្រាយជូនពួកគាត់ផង៕