ពោធិសាត់ ៖ លោកហ៊នផានីត្រូវបានប្រជាពលរដ្ឋស្រុកវាលវែងប្រាប់ថាជាឈ្មួញកាប់ដឹកជញ្ជូនផលិតផលព្រៃឈើខុសច្បាប់ខ្លាំដៃម្នាក់ទោះបីកន្លងមកមេឈ្មួញ ហ៊ន ផានីធ្លាប់ មានសំណុំរឿងនៅក្នុងសាលាដំបូងខេត្តពោធិ៍សាត់ពីការប្រព្រឹត្តបទល្មើសព្រៃឈើ យ៉ាងណាក៏ដោយ ។
នាយផ្នែករដ្ឋបាលព្រៃឈើភ្នំក្រវាញ លោក សួស សុផានិត ត្រូវបានគេដឹងថា ជាអ្នកឃុបឃិតឲ្យមេឈ្មួញ ហ៊ន ផានី ដឹកជញ្ជូនឈើឆ្លងកាត់ស្រុកភ្នំក្រវាញ ចូលក្រុងពោធិ៍សាត់ ខេត្តកំពង់ឆ្នាំង និងរាជធានីភ្នំពេញ ។ តែគេជឿថាលោក សួស សុផានិត នាយផ្នែករដ្ឋបាលព្រៃឈើភ្នំក្រវាញរញូបនេះមិនអាច ហ៊ានធ្វើអ្វីៗតាមអំពើចិត្ត បើគ្មានបើកដៃពីសំណាក់លោក ឡាយ វិសិដ្ឋ ប្រធានមន្ទីរកសិកម្មខេត្តពោធិ៍សាត់ និងមេរដ្ឋបាលព្រៃឈើខេត្តពោធិ៍សាត់ នោះឡើយ។
ដោយសារតែស្ងាត់ស្ងៀមមិនកំរើកជាមួយឈ្មួញឈ្មោះហ៊នផានីចឹងចង់ឬមិនចង់គេជឿថាឈ្មួញឈើ ហ៊ន ផានីគឺ ជាប្រភពចំណូលរបស់ លោក សួស សុផានិត នាយផ្នែករដ្ឋបាលព្រៃឈើភ្នំក្រវាញ ក៏ដូចជាលោក ឡាយ វិសិដ្ឋ ប្រធានមន្ទីរកសិកម្មខេត្តពោធិ៍សាត់ តែម្តង។
សូមបញ្ជាក់ថថាកាលពីអំឡុងខែកក្កដា ឆ្នាំ២០១៧ សាលាដំបូងខេត្តពោធិ៍សាត់ ធ្លាប់ចាត់វិធានការតាមច្បាប់ទៅលើមេឈ្មួញ ហ៊ន ផានី ដែលល្បីល្បាញខាងបន្តកាប់ឈើនិងប្រមូលទិញឈើដឹកជញ្ជូនចេញពីស្រុកវាលវែង និងស្រុកភ្នំក្រវាញ ។ ប៉ុន្តែមួយរយៈចុងក្រោយនេះស្រាប់តែមេឈ្មួញ ហ៊ន ផានី បន្តធ្វើសកម្មភាពប្រមូលទិញឈើនិងដឹកជញ្ជូនឈើចេញពីស្រុកវាលវែង និងស្រុកភ្នំក្រវាញ យ៉ាងពេញបន្ទុកដដែល ។
មិនដឹងថាតើលោកវេង សាខុន រដ្ឋមន្ត្រីក្រសួងកសិកម្ម និងលោក កែវ អូមាលីស្ស ប្រធានរដ្ឋបាលព្រៃឈើ នៃក្រសួងកសិកម្ម បានប្រយោជន៍ពីលោក ឡាយ វិសិដ្ឋ ប្រធានមន្ទីរកសិកម្មខេត្តពោធិ៍សាត់និងលោក សួស សុផានិត នាយផ្នែករដ្ឋបាលព្រៃឈើភ្នំក្រវាញរឿងបិទភ្នែកឲ្យមេឈ្មួញ ហ៊ន ផានី បន្តប្រព្រឹត្តបទល្មើសព្រៃឈើដែរឬអត់នោះទេ?។
សូមបញ្ជាក់ដែរថាកាលពីថ្ងៃទី២៥ឧសភាសម្តេចក្រឡាហោមសខេងបានបញ្ជារឲ្យចៅហ្វាយខេត្តពោថិសាត់លោកម៉ៅធនិនសហការជាមួយលោករដ្ឋមន្ត្រីបរិស្ថានសាយសំអាល់ចុះមើលបទល្មើសព្រៃឈើដែលបង្កឡើងដោយក្រុមហ៊ុនលឹមសម្បត្តិមិនដឹងថាលោកទាំងពីរអាចមើលឃើញបទល្មើសបង្កឡើងដោយលោកហ៊នផានីដែរឬអត់នោះទេ?។
