កំពង់ឆ្នាំង ៖ តើលោកប្រាក់គឹមសេងអតីតប្រធានសហគមន៍មានឥទ្ធិពលអ្វីបានជាថ្លើមធំហ៊ានដើរចង្អុលដីរដ្ឋនៅចំណុចកំពង់ក្រៅជួរភ្នំថ្មសនិងភ្នំរបងលក់អោយឈ្មួញ?។
ឯណាដីគំរបព្រៃឈើរបស់រដ្ឋ?ឯណាទៅដីព្រះរាជក្រឹត្យតដែលគ្រប់គ្រងដោយមន្ត្រីបរិស្ថាននោះ ?តាមប្រភពពីប្រជាពលរដ្ឋបាននិយាយថាលោកប្រាក់គឹមសេងអតីតមេសហគន៍ដើរចង្អុលដីលក់អោយឈ្មួញរាប់ពាន់ហិចតាហើយនោះក្នុងនោះក៏មានជាប់ពាក់ពាន់ជាមួយអជ្ញាធរនឹងមន្ត្រីជំនាញមានអំណាចមួយចំនួនផងដែរ។
សូមបញ្ជាក់ដែរថាកាលពីដើមឆ្នាំ២០១៩នេះមានសេចក្តីរាយការណ៍ពីប្រជាពលរដ្ឋបានឱ្យដឹងថា លោកប្រាក់គឹមសេងបានទទួលប្រាក់២ ម៉ឺនដុល្លារអាមេរិកពីឈ្មួញមានអំណាចដើម្បីរៀបចំដីឲ្យគេ។ឈ្មួញនោះអ្នករៀបចំដីម្នាក់ឲ្យរៀបចំដីនៅចំណុចភ្នំជឺប្រះ ដែលមានទីតាំងស្ថិតនៅក្នុងឃុំជៀបស្រុកទឹកផុសខេត្តកំពង់ឆ្នាំងដែលមានផ្ទៃដីសរុប២៥០ ហិតា។នៅក្នុងនោះដីដែលមានច្បាប់ទម្លាប់ មានត្រឹមតែ៦៥ហិតាតែប៉ុណ្ណោះ រីឯដី១០០ ហិតាគ្មាន។
ប្រការនេះធ្វើឲ្យមានចម្ងល់ថា៖ដីទាំងអស់នោសុទ្ធតែជាដីព្រៃដែលគ្រប់គ្រងដោយរដ្ឋចុះហេតុអ្វីលោកប្រាក់គឹមសេងមានសិទ្ធិរៀបចំដីលក់ឲ្យឈ្មួញ?។
ប្រភពព័ត៌មានបានឲ្យដឹងដែរថា លោកប្រាក់គឹមសេងនេះ ធ្លាប់មានរឿងអាស្រូវជាច្រើន ពាក់ព័ន្ធជាមួយនឹងដីធ្លីតាំងពីលោកនៅធ្វើជាប្រធានសហគមន៍ក្នុងភូមិកោះខ្ទុំមកម្ល៉េះ។
មូលហេតុដើមចមដែលអាចឲ្យលោកប្រាក់គឹមសេងធ្វើព្យុះធ្វើភ្លៀងបានតាមចិត្តនោះដោយសារតែអាជ្ញាធរនៅក្នុងមូលដ្ឋានត្រូវបានលោកប្រាក់គឹមស្រេងសែនព្រេនរួចរាល់អស់ហើយក្នុងលក្ខណៈឃុបឃិតពុករលួយជាប្រព័ន្ធនៅក្នុងមូលដ្ឋាននេះ?។
ប្រជាពលរដ្ឋជាច្រើនគ្រួសារដែលធ្លាប់មានបញ្ហាជាមួយនឹងលោកប្រាក់គឹមសេងបានសម្តែងការព្រួយបារម្ភយ៉ាងខ្លាំងចំពោះរឿងលោកប្រាក់គឹមសេងនេះ ព្រោះរយៈពេលកន្លងមកលោកប្រាក់គឹមសេងធ្លាប់បានត្រូវប្រជាពលរដ្ឋពីរគ្រួសារប្ដឹងពាក់ព័ន្ធជាមួយនឹងការទិញដីគេហើយមិនឲ្យលុយនៅក្នុងទឹកដីភូមិកោះខ្ទុំភូមិតានៃឃុំជៀបស្រុកទឹកផុសខេត្តកំពង់ឆ្នាំងនេះរួចមកហើយដែរ ប៉ុន្តែគ្មានឃើញអាជ្ញាធរឬសមត្ថកិច្ចពាក់ព័ន្ធចាត់ការលើរឿងលោកប្រាក់គឹមសេងនេះបានឡើយ។
មិនអាចទាក់ទងសុំការបកស្រាយពីលោកប្រាក់គឹមសេងបានទេពីការចោទប្រកាន់នេះ?៕
