ខេត្តក្រចេះ៖ លោកលន់ សុផាត សមាជិកគណៈអចិន្ត្រៃយ៍គណបក្សខេត្តនិងជា ប្រធានក្រុមការងារចុះជួយចំនួន២ឃុំ ឃុំកោះខ្ញែរនិងឃុំសំបូរ ស្រុកសំបូរ បានមាន ប្រសាសន៍ទៅកាន់ក្រុមការងារទាំងចំនួនជាង២០០នាក់នៅរសៀលថ្ងៃសៅរ៍ទី៣០ កក្កដា ដោយបានស្នើរប្រធាននិងអនុប្រធានក្រុមការងារចុះពង្រឹងបក្សឃុំទាំង២ ត្រូវរក្សាសមាជិក ចាស់ បង្កើនសមាជិកថ្មីពិសេស្រទាប់យុវ័យដែលគ្រប់អាយុត្រូវបោះឆ្នោត និងខិតខំជំរុញ សមាជិកបក្សធ្វើអត្តសញ្ញាណប័ណ្ណឲ្យទាន់ពេលដើម្បីចូលរួមបោះ ឆ្នោតនៅពេលខាងមុខ នេះ។
ថ្លែងបន្តនៅក្នុងសាលប្រជុំគណបក្សប្រជាជនខេត្តក្រចេះ ស្តីពីការប្រជុំផ្សព្វផ្សាយ ការកែសម្រួលរបស់គណៈកម្មាធិការត្រួតពិនិត្យបក្ស លោកលន់ សុផាត សមាជិកគណៈ អចិន្ត្រៃយ៍គណបក្សខេត្តបានលើកឡើងទៀតថាការប្រជុំនេះ គឺក្នុងគោលបំណងដើម្បីផ្សព្វ ផ្សាយដល់គ្រប់ថ្នាក់ដឹកនាំនិងសមាជិកបក្សបានយល់ឲ្យកាន់តែច្បាស់ថែមទៀត អំពីតួនាទី ភារកិច្ច សិទ្ឋិអំណាច រចនាសម្ពន្ឋ័ចាត់តាំង និងរបៀបរបបធ្វើការងាររបស់គណកម្មាធិ ការត្រួតពិនិត្យបក្ស។
លោកលន់ សុផាត ថ្លែងសង្កត់ធ្ងន់ដល់មន្ត្រីខ.២៧ ដែលមានមូលដ្ឋានត្រូវចុះមូល ដ្ឋានឲ្យបានទៀងទាត់ ដើម្បីពង្រឹងកិច្ចការងារនយោបាយបក្ស និងត្រូវដោះស្រាយរាល់ បញ្ហាបន្ទាន់ដែល កើតមានចំបាច់ដល់សមាជិកបក្សមូលដ្ឋានធ្វើយ៉ាងណាឲ្យពួកគាតជឿ ជាក់មកលើគណបក្សប្រជាជន ដើម្បីចូលរួមប្រគួតប្រជែងការបោះឆ្នោតឃុំ-សង្កាត់ នា ពេលខាងមុខ។
ដោយលោក លន់ សុផាត បានរំពឹងថា ក្រុមការងារបក្សដែលបានចូលរួមប្រជុំនៅ រសៀលនេះ និងខិតខំយកចិត្តទុកដាក់កិច្ចការងារបក្សតាមមូលដ្ឋានអស់ពីកម្លាំងកាយចិត្ត ក្នុងស្មារតីយកចិត្តទុកដើម្បីត្រៀមពង្រឹងកិច្ចការងារបក្សឆ្ពោះទៅកាន់ការបោះឆ្នោត៕
ដោយ ៖ គិះ ខន