ភ្នំពេញ៖ យោងតាមលិខិតដែលកាសែតទទួលបានគឺ ក្រសួងមហាផ្ទៃ បានកោះអញ្ជើញលោកស្នងការរងនគរបលខេត្តកណ្តាលចំនួន៦នាក់ ដើម្បីមកបំភ្លឺនៅថ្ងៃទី២៨ ខែឧសភា ឆ្នាំ២០១៩រឿង បណ្តឹងអានាមិក ប្តឹងលោកអ៊ាវចំរើន ស្នងការខេត្តកណ្តាល ១៦ករណីផ្សេងគ្នា នៅអគ្គាធិការដ្ឋាន(អគារជាន់ទី៣) នៃក្រសួងមហាផ្ទៃ។
លោកស្នងការរងនគរបាលខេត្តកណ្តាលទាំង៦នាក់ ដែលត្រូវចូលខ្លួនមកអគ្គាធិការដ្ឋានក្រសួងមហាផ្ទៃរួមមាន៖១-លោកឧត្តមសេនីយ៍ត្រី រឿន ណារ៉ា ស្នងការរង វេលាម៉ោង៨ព្រឹក.។២-លោកឧត្តមសេនីយ៍ត្រី វ៉ែន សុវិន ស្នងការរង វេលាម៉ោង៩ព្រឹក។៣-លោកឧត្តមសេនីយ៍ត្រី ចាន់ សាវឿន ស្នងការរង វេលាម៉ោង១០ព្រឹក។៤-លោកឧត្តមសេនីយ៍ត្រី តុប សុវណ្ណ ស្នងការរង វេលាម៉ោង១៤រសៀល។៥-លោកឧត្តមសេនីយ៍ត្រី សេង គីមឃន ស្នងការរង វេលាម៉ោង១៥រសៀល។៦-លោកឧត្តមសេនីយ៍ត្រី ឈឿន សុចិត្ត ស្នងការរង វេលាម៉ោង១៦រសៀល។តែគេមិនសង្ឃឹមថាអាចធើអីលោកឧត្តមសេនីយ៍អ៊ាវចំរើនបានឡើយ។
សូមរំលឹកថា៖ ករណិយ៍ពាក់ពន្ធជាមួយលោកស្នងការអ៊ាវចំរើនក្នុងនោះមានបណ្ដឹងមួយដែលបានផ្ញើជូនទៅ សម្ដេចក្រឡាហោម ស ខេង កាលពីថ្ងៃទី១៩ ខែមេសា ឆ្នាំ២០១៩កន្លងមកគឺមាន ក្រុមមន្ត្រីនគរបាលខេត្តកណ្ដាល បានចោទលោក អ៊ាវ ចំរើន ថា បានប្រើអំណាចផ្ដាច់ការ និងប្រព្រឹត្តអំពើពុករលួយសរុប១៦ករណីយ៍។
បណ្ដឹងអមទៅដោយស្នាមមេដៃ និងគ្មានឈ្មោះនោះក្រុមមន្ត្រីនគរបាលខេត្តកណ្ដាលបានស្នើទៅសម្តេចក្រឡាហោម ស ខេង ឲ្យដកហូតតំណែងស្នងការនគរបាលខេត្តកណ្ដាលរូបនេះ។
គួរបញ្ជាក់ថា បណ្តឹងរបស់កូនចៅក្រោមឱវាទលោកឧត្តមសេនីយ៍ទោ អ៊ាវ ចំរើន ស្នងការនគរបាល ខេត្តកណ្តាល បានផ្ទុះឡើងបន្ទាប់ពីស្នងការខេត្តរូបនេះ បានចេញសេចក្តីសម្រេចដកតំណែង មន្ត្រីនគរបាលស្រុកស្អាងចំនួន៣នាក់ បន្ទាប់ពីរកឃើញថា ពួកគេមានការជាប់ពាក់ព័ន្ធ នឹងអំពើកាង បនល្បែងស៊ីសងខុសច្បាប់ក្នុងមូលដ្ឋានដែលពួកគេគ្រប់គ្រង ។
លោកវរសេនីយ៍ឯក សេង សុជាតិ អធិការនគរបាលស្រុកស្អាង, លោកវរសេនីយ៍ទោ ស៊ុប លាងសែ ឈ្មោះដើម ហូ សែ អធិការរងនគរបាលស្រុកស្អាង និងលោកអនុសេនីយ៍ទោ ជៃ សំអាត នាយប៉ុស្តិ៍នគរបាលរដ្ឋបាលព្រែកអំបិល ត្រូវដកបញ្ឃរជើងនៅស្នងការដ្ឋាននគរបាលខេត្ត ប៉ុន្តែពួកគេមិនដែលបង្ហាញខ្លួនឡើយ ទោះបីកោះហៅប៉ុន្មានដងក៏ដោយ។
សូមបញ្ជាក់ថា៖ទីតាំងលេងល្បែងស៊ីសងខុសច្បាប់ មានដូចជា សង្វៀនបញ្ជល់មាន់ និងវង់អាប៉ោង នៅចំណុច ភូមិពាមប្រជុំ ឃុំព្រែកអំបិល ស្រុកស្អាង ខេត្តកណ្ដាល លេងយ៉ាងគគ្រឹកគគ្រេង រយៈពេល៥ថ្ងៃ ដោយមានអ្នកលេងប្រមាណ៣០០នាក់ បែរជាមិនបង្ក្រាប រហូតកម្លាំងស្នងការខេត្តកណ្តាល បើកប្រតិបត្តិការបង្ក្រាបកាលពីថ្ងៃទី១៤ ខែមេសា ឆ្នាំ២០១៩។
ក្រៅពីទីតាំងជល់មាន់ អាប៉ោង នៅចំណុចភូមិពាមប្រជុំ ឃុំព្រែកអំបិល ស្រុកស្អាង ក៏នៅមានទីតាំងល្បែងស៊ីសងខុសច្បាប់ មួយចំនួន ទៀត នៅក្នុងស្រុកស្អាង ដូចជានៅឃុំស្វាយប្រទាល ឈ្មោះ ហុង ជាមេសង្វៀន និងនៅឃុំខ្ពប និងនៅឃុំទឹកវិល…។ល ដែលក្នុងមួយវង់ៗមនុស្សមិនក្រោម២០០នាក់ ចូលលេងនោះទេ។ នៅស្វាយប្រទាល មានមេបាញ់អាប៉ោង ឈ្មោះ ស៊ ម៉ាន់ ភេទប្រុស អាយុ៥០ឆ្នាំ មានទីលំនៅ ភូមិពោធិប៉ាង ឃុំស្វាយប្រទាល ស្រុកស្អាង ដោយបើកលេងនៅភូមិព្រែកតាតិន ៕
