ខេត្តបន្ទាយមានជ័យ ៖ ព្រៃឈើក្នុងខេត្តព្រះវិហ៊ារនិងឧត្តរមានជ័យបន្ទាយមានជ័យបាននិងកំពុងរងការកាប់បំផ្លាញ មិនឈប់ឈរជារៀងរាល់ ដោយ ក្រុម បំផ្លាញជាតិមួយ ក្តាប់តូច យកដុតចេញជាធ្យួង រាប់ពាន់ការុងក្នុង១ថ្ងៃៗ ដឹកយកទៅលក់ឲ្យ សៀមតាមច្រក ច្រកតំបន់បឹងត្រកួន .និងច្រកតំបន់៥,ក្នុងស្រុកថ្មពួក ខេត្តបន្ទាយមានជ័យ ។
អ្នកយើញហេតុការណ៍នេះ បានត្រឹមតែនាំគ្នាធ្វើការ សោកស្តាយតែប៉ុណ្ណោះព្រោះបើគ្មានការទប់ស្កាត់តែនៅថ្ងៃមុខ ព្រៃឈើ ប្រាកដជា រលាយគ្មានសល់ហើយគ្រោះធម្មជាតិនឹងគម្រាមកំហែងក្មេងជំនាន់ក្រោយ ។
ប្រជាពលរដ្ឋឲ្យដឹងទៀតថា៖ រហូតមកដល់សព្វថ្ងៃនេះអ្នករកស៊ី ដុតធ្យូងលក់មិនប្រែប្រួលទេ ពោលគឺ ធ្យូងខ្មែរ នៅតែត្រូវបានឈ្មួញថៃ ចូលមកទិញដឹកចេញតាមច្រកតំបន់បឹងត្រកួនកាត់មុខស្ថាប័ន និងសមត្ថកិច្ចពាក់ព័ន្ធខ្មែរ ពិសេសគយនិងរដ្ឋាករច្រកតំបន់ យ៉ាងរលូន មិនខ្វល់ឲ្យតែបាន លុយចូលក្នងហោរប៉ៅ ជាការស្រេច ។
បើតាមសេចក្តីរាយការណ៍មកថា ក្នុងឡានដឹកទំនិញ១គ្រឿងប្រភេទហុកឡ ត្រូវបង់ឲ្យខាងទំនាក់ទំនងព្រំដែន៥មុឺនរៀល ប៉ូលិសព្រំដែន៨០៧ លោកឡុង
សំណាង ៥មុឺនរៀល ប៉េអិមលោកចេក សោម ៥មុឺនរៀលគណៈកម្មការច្រក៥មុឺនរៀល។
ចំណែកប្រភេទរថយន្តដឹកទំនិញ ចេញចូលតាមច្រកនេះក្នុង១ថ្ងៃៗ មានជាច្រើនគ្រឿង ដូចជាឡានដឹកជី ដំឡូង ម៉ូតូ។ល។ ទោះជាទំនិញនោះមានច្បាប់ឬអត់ច្បាប់ នៅតែពួកគែប្រឹងច្របាច់ករ ក្រុមអាជីវករយកលុយដ៏ដែល។ក្រៅពីទំនិញខាងលើ គឺឃើញមានឡានធ្យូង ដឹកយកទៅលក់នៅស្រុកថៃ ក្នុង១ថ្ងៃៗរាប់មុឺនការុង ទោះជាចេញនៅតាមច្រកតូចឬច្រកធំ ក៍នៅនៅតែបង់លុយជូនពួកគាត់ដែរ សូម្បីតែធ្យូងចេញនៅតាមច្រកតូច ប្រាសាទតាបែង នៅតែគយទៅតាមឲ្យបង់លុយ ក្នុង១ឡាន២០០០បាត។
គួរបញ្ជាក់ថា៖ សព្វថ្ងៃនេះមានត្រាក់ទ័រថៃ បានចូលមកដឹកធ្យូង លើទឹកដីខ្មែរជាហូហែរ បើទោះជាឈ្មួញកណ្តាល ជាខ្មែរ អះអាងថាពេលនេះ តម្លៃធ្យូងចុះថោក ជាងមុនបន្តិចក្តី គឺឈ្មួញថៃ ចូលមកទិញយ៉ាងគគ្រឹក គគ្រេងដដែលឲ្យតែខ្មែរមាន ធ្យូងលក់ដដែល ។ចំណែកខ្មែរវិញ កាប់ឈើគ្មានសល់ទេ ដែលធ្វើឲ្យគេនឹកឃើញដល់សម័យលង្វែកត្រូវហិនហោចដោយសារប្រាក់ឌួងសត្រូវសៀម។
ប្រជាពលរដ្ឋបានបញ្ជាក់ឲ្យដឹងទៀតថា ៖ ការនាំធ្យូងចេញទៅថៃកន្លងមកមាន ៣ក្រុមហ៊ុន ខ្លះបានផ្អាកពីការនាំចេញតាម ច្រកតំបន់បឹងត្រកួន ងាកទៅដឹកចេញតាមច្រករបៀងប្រាសាទត្បែង, ក្នុងឃុំបន្ទាយឆ្មា រជិតជើងភ្នំ ដងរែកវិញ តាមតម្រូវការឈ្មួញ ព្រោះចំណាយលុយឲ្យមន្ត្រីច្រកនិងមេព្រៃដូចគ្នា ។
រីឯការដឹកចេញអាស្រ័យលើឈ្មួញថៃ ជាអ្នករត់ការដោយខ្លួនឯង ចំណែកការ បង់ប្រាក់ ជូន មន្ត្រី នោះតាមនៅ ច្រក ចេញ ចូលព្រំដែន កម្ពុជា ថៃ ផងដែរ ៕