ភ្នំពេញ ៖ កុមារីដែលជាមនុស្សពិការដៃជើងពីកំណើតម្នាក់ទទួលបានការយកចិត្តទុកដាក់ជួយឧបត្ថម្ភពីកាកបាទក្រហមនិងប្តីប្រពន្ធរដ្ឋមន្ត្រីក្រសួងពតិមានកាលពីថ្ងៃទី២៤ឧសភាឆ្នាំ២០១៩ដោយសារតែការព្យាយាមតស៊ូរៀនសូត្របានពូកែហើយ ត្រូវបានមហាជនជាច្រើនបានសម្តែងក្តីអាណិតអាសូរ និងកោតសរសើរចំពោះការតស៊ូរបស់នាង។
កុមារីកម្សត់មានឈ្មោះ ស៊ិន ស្រីហង្ស អាយុ ១៧ឆ្នាំ ជាសិស្សពូកែរៀនថ្នាក់ទី ១១ នៃវិទ្យាល័យសំឡូត ខេត្តបាត់ដំបងជាកុមារីពិការដៃជើងពីកំណើត។
ប្អូនស្រីក៏បានជួបជាមួយនឹង រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារីទ្ធ និងលោកជំទាវ ហើយប្អូនស្រីក៏បានសរសេរសារថ្លែងអំណរគុណដល់ឯកឧត្តម ខៀវ កាញារីទ្ធនិងលោកជំទាវដែលបានផ្តល់ម៉ូតូមួយគ្រឿងសម្រាប់ជាមធ្យោបាយទៅសាលារៀន អ្វីគួរឲ្យកោតសរសើរនោះ ប្អូន ស៊ិន ស្រីហង្ស សរសេរអក្សរបានស្អាតទោះបីជាពិការដៃជើងក្តី។
គួររំលឹកផងដែលថាកាលពីពេលថ្មីៗនេះ ប្អូន ស៊ិន ស្រីហង្ស ត្រូវបាន សម្តេចកិត្តិព្រឹទ្ធបណ្ឌិត នៅបានឧបត្ថម្ភថវិកាសម្រាប់ការសិក្សារហូតបញ្ចប់ថ្នាក់មធ្យមសិក្សាទុតិយភូមិទៀតផង៕
