ភ្នំពេញ ៖ កាលពីថ្ងៃទី២២ ឧសភា លោក ឧកញ៉ា ឡេង ណាវ៉ាត់ត្រាដែលជាអតីតពលករខ្មែរនៅស្រុកកូរ៉មួយរូបបាននាំយកថវិការប្រាក់រៀល៨០លានរៀលដាក់គរពេញតុជូណមូលនិធិគន្ធបុប្ផាបន្ទាប់ពីបានចូលបុណ្យកាកបាទក្រហមរួច។
យោងតាមរយៈគេហទំព័រ ហ្វេសប៊ុកផេក ហេង ឡុង ប្រធានសមាគមសិល្បករខ្មែរ បានបង្ហោះសារថា៖”តើបងប្អូនដឹងថា កុមារកម្ពុជាត្រូវបានសង្គ្រោះដោយមន្ទីរពេទ្យគន្ធបុប្ផាក្នុង១ឆ្នាំប៉ុន្មាននាក់ទេ? ចម្លើយគឺ កុមារខ្មែរ ៩០ម៉ឺននាក់ត្រូវបានសង្គ្រោះជីវិតដោយមន្ទីរពេទ្យទេវតាមួយនេះ។ ក្នុង១ឆ្នាំមន្ទីរពេទ្យត្រូវការថវិកា ៤២លានដុល្លារសម្រាប់ចំណាយ។
មន្ទីរពេទ្យនេះបានសង្គ្រោះកុមារខ្មែរអស់រយៈពេល ២៥ឆ្នាំហើយ។ សូមបងប្អូនខ្មែរទាំងអស់ជួយ share ចែករំលែកម្នាក់មួយដើម្បីទាក់ទាញសប្បុរសជនផ្សេងៗទៀតឲ្យចូលរួមឲ្យបានកាន់តែច្រើន។សូមកោតសសើរអតីតពលករមើលរូប ប្អូនឡេងណាវ៉ាត់ត្រានៅពេលដែលខ្លួនមានឱកាសក្លាយជាអ្នកមានទ្រព្យធនបានចែករំលែកសង្គ្រោះកុមារកម្ពុជាតាមរយៈការបរិច្ចាគទឹកប្រាក់ ៨០លានរៀលជូន មូលនិធិគន្ធបុប្ផាកម្ពុជា។
តំណាងឲ្យកុមារខ្មែរទូទាំងប្រទេសសូមគោរពថ្លែងអំណរគុណ សម្ដេចអគ្គមហាសេនាបតីតេជោ ហ៊ុនសែន និងសម្ដេចកិត្តិព្រឹទ្ធបណ្ឌិត ប៊ុនរ៉ានី ហ៊ុនសែន ដែលជាស្ថាបនិករបស់មូលនិធិគន្ធបុប្ផាកម្ពុជា”។សូមបញ្ជាក់ដែរថាសម្តេចកិត្តិព្រឹទ្ធបណ្ឌឹតប៊ុនរ៉ានីហ៊ុនសែនកាលពីថ្ងៃទី២២ឧសភាក៏ទើបនឹងនាំថវិការ១លានដុល្លារជូនមន្ទីរពេទ្យគន្ធបុប្ផាផងដែរ៕
