ខេត្តបន្ទាយមានជ័យ÷នៅថ្ងៃទី២១ ខែ ឧសភា ឆ្នាំ២០១៩ ប្រជាពលរដ្ឋរស់នៅក្នុងក្រុងប៉ោយប៉ែតបានរាយការណ៍ប្រាប់អ្នកកាសែតអោយដឹងថា ÷ លោកវរ:សេនីយ៍ឯកសូ ចាន់ណារី មេបញ្ជាការ កងវរៈសេនាតូចនគរបាលការពារព្រំដែនគោកលេខ៩១១ ដែលជាម្ចាស់អាជីវកម្មរណ្ដៅដីជម្រៅក្បាលប្រេដ បានប្រើប្រាស់រថរបស់រដ្ឋជាច្រើនគ្រឿង ដែលជាអំណោយរបស់ សម្ដេចតេជោ ហ៊ុន សែន ដឹកជញ្ជូនដីលក់យ៉ាងអនាធិបតេយ្យពេញក្រុងប៉ោយប៉ែត ។
ប្រភពបានបន្ថែមថា លោកវរសេនីយ៍ឯក សូរ ចាន់ណារី មិនត្រឹមតែជាមេបញ្ជាការនគរ បាលវរ:ការពារព្រំដែនគោលេខ៩១១រកស៊ីបើកច្រករបៀងឲ្យពលករនិងទំនិញគេចពន្ធចេញចូលយកលុយដាក់ហោប៉ៅទេ តែក៏ជាជំនួយការរបស់ឯកឧត្ដមឧត្តមសេនិយ៍ឯក ខេង សាម៉េត អគ្គស្នងការរងនគរបាលជាតិផងទើបមានអំណាចពេញដៃ ហ៊ានយករថយន្ដរដ្ឋដែលជាអំណោយរបស់សម្ដេចតេជោ ហ៊ុនសែន មកធ្វើអាជីវកម្មដឹកអាចម៍ដីលក់យ៉ាងអនាធិបតេយ្យបែបនេះ។
ការជីកកកាយដីជម្រៅឃើញក្បាលប្រេដរបស់លោកវរសេនីយ៍ឯក សូរ ចាន់ណារី ស្ថិតនៅចំណុច ភូមិសិលាខ្មែរ ឃុំអូបីជាន់ យកមកលក់នៅក្រុងប៉ោយប៉ែតខេត្តបន្ទាយមានជ័យ ។ គេមិនដឹងថា ការធ្វើអាជីវកម្មជីកកាយ រណ្តៅដីដឹកជញ្ជូនលក់របស់លោក សូ ចាន់ណារី នៅចំណុច ខាងលើនេះមានច្បាប់ពីក្រសួងស្ថាប័នពាក់ព័ន្ធថែរ ឬ អត់នោះទេ ?
ប៉ុន្តែអ្វីដែលមហាជនចាប់អារម្មណ៍ខ្លាំង គឺការយក រថយន្តបែនរបស់រដ្ឋជាច្រើនគ្រឿងដែលជាអំណោយរបស់ សម្តេចតេជោ ហ៊ុន សែន យកទៅដឹកដីលក់យ៉ាងអនាធិបតេយ្យ តាមអំពើចិត្ត ប្រៀបដូចជាកម្មសិទ្ធរបស់ខ្លួនអញ្ចឹង ។ មហាជននិងមន្ត្រីរាជការ ពិសេសកងកម្លាំងនគរបាលជាតិក្រោមឱវាទរបស់លោក សូ ចាន់ណារី មានការ ថ្នាំងថ្នាក់ចិត្តចំពោះ ករណីលោក សូ ចាន់ណារី យកឡានរដ្ឋ ទៅធ្វើអាជីវកម្មប្រមូលលុយដាក់ហោប៉ៅផ្ទាល់ខ្លួនបែបនេះ?។
ប្រជាពលរដ្ឋសំណូមពរ សុំអោយអគ្គស្នងការនគរបាលជាតិ នាយឧត្តមសេនីយ៍ នេត សាវឿន និងលោកឧត្តមសេនីយ៍ឯក ខេង សាម៉េតអគ្គរង ចាត់វិធានការទប់ស្កាត់ ឬ ដកហូតយករថយន្ត របស់សម្តេចតេជោទុកបំរើផលប្រយោជន៍ជាតិ និង ប្រជាពល រដ្ឋវិញផង ។
ជុំវិញសេចក្តីរាយការណ៍របស់ប្រជាពលរដ្ឋខាងលើ នេះ អង្គភាពយើងខ្ញុំ មិនអាចសុំការបំភ្លឺពីលោក សូ ចាន់ណារី បានទេ ព្រោះពុំ មាន លេខទូរស័ព្ទ ។ ការិយាល័យយើង រីករាយនឹងទទួលស្វាគមន៍ នូវការបំភ្លឺពីភាឝីពាក់ព័ន្ធរាល់ម៉ោងធ្វើការងារ ៕