កំពង់ឆ្នាំង ៖ ពលរដ្ឋខ្មែរឥស្លាមចំនួន១៧គ្រួសាររស់នៅចំណុចដីផ្នូរកប់សពជនជាតិខ្មែរឥស្លាមស្ថិតក្នុងភូមិទី៧ សង្កាត់ខ្សាមក្រុងកំពង់ឆ្មាំង ដែលមានទំនាស់ដីធ្លីជាមួយបុរសចំណាស់ម្នាក់ជាជនជាតិខ្មែរឥស្លាមដូចគ្នាឈ្មោះលោកតា ឯល សេន ដែលបានប្ដឹងផ្ដល់គ្នារយៈពេល៥ឆ្នាំមកហើយដែលសំណុំរឿងកំពុងស្ថិតក្នុងដៃតុលាការ ហើយតុលាការក៏បានចេញដីការរក្សារការពារ រហូតមក ពេលនេះពួកគាត់ទាំង១៧គ្រួសារកំពុងជួបការលំបាកយ៉ាងខ្លាំងបានសូមសំណូមពរស្នើសុំដល់ឯឧត្តមឈួរ ច័ន្ទឌឿនអភិបាលខេត្ត កំពង់ឆ្នាំងជួយពន្លឿនក្នុងការរកដំណោះស្រាយជូនពួកគាត់អោយបានឆាប់រហ័ស។
ពលរដ្ឋខ្មែរឥស្លាមចំនួន១៧គ្រួសារ ថារដូវនេះជារដូវភ្លៀង ពួកគាត់កំពុងជួបការលំបាកយ៉ាងខ្លាំងដោយគ្រួសារខ្លះត្រូវសុំក្រោមផ្ទះគេដេក ដែលទឹកដក់ពីក្រោមទាំងមានគេចាក់ដីព័ទ្ធជុំវិញនឹងពោរពេញទៅដោយសំបុកមូសនិងមេរោគ មើលទៅឃើញថាមហាសែនវេទនា ខ្លាំងណាស់។យោងតាមសម្ដីតំណាងប្រជាពលរដ្ឋម្នាក់ឈ្មោះម៉ាន បានអោយដឹងថា៖ដំបូងឡើយឈ្មោះឯល សេនបានទិញដីពីឈ្មោះចក់ដែលមានទំហំក្បាលដី១០០ម៉ែត្របណ្ដោយជាង១០០មែត្រចំណែកពួកគាត់ក៏បានទិញដីពីឈ្នោះចក់ដែរ ដែលមានទំហំក្បាលដីៈជាង៧០ម៉ែត្ររួមទាំងផ្នូរកប់សពផង ដោយរស់នៅរបៀបអង្កន់ចែកគ្នានៅមួយប្លង់ៗរៀបជាទទឹងតាមបណ្ដោយសាច់ដីតាមណ្ដោយផ្លូវ។
ប៉ុន្តែនៅពេលដីនៅតំបន់នោះមានហាងឆេង(មានតម្លៃខ្ទង់ម៉ឺនដុល្លា)ក្នុង១ប្លង់ៗ ព្រោះដីនោះជាប់តំបន់អភិវឌ្ឍន៍ផ្សារកំពង់ឆ្នាំងថ្មី ក្រុងកំពង់ឆ្នាំងផងទើបលោកតាឯល សេនថាដីនេះជាដីរបស់គាត់ទាំងអស់ ព្រោះគាត់បានទិញពីឈ្មោះចក់ហើយក៏មានកើតជម្លោះក្ដីក្ដាំគ្នារហូតមកដល់សព្វថ្ងៃ។
ប្រជាពលរដ្ឋទាំង១៧គ្រួសារសូមសំណូមពរស្នើសុំដល់ឯកឧត្តមអភិបាលខេត្តនិងឯកឧត្តមរដ្ឋមន្ត្រីក្រសួងយុត្តិធម៏មេត្តាជួយពន្លឿនការដោះស្រាយជូនពួកគាត់ផង។ព្រោះពួកគាត់សព្វថ្ងៃកំពុងជួបការលំបាកវេទនាខ្លាំងណាស់ដោយរដូវនេះជារដូវភ្លៀងពួកគាត់រស់នៅក្នុងថ្លុកទឹកដក់ពោពេញទៅដោយមូសនិងមេរោគ ចង់ធ្វើផ្ទះឬស្ទូចលើកផ្ទះក៏គេមិនអោយធ្វើ ដូចនេះពួកគាត់សូមសំណូមពរដល់ឯកឧត្តមមេត្តាជួយពួកគាត់ផង ៕