ភ្នំពេញ ៖ ក្រៅពីអង្គភាពប្រឆាំងភេរវកម្មកម្លាំងអង្គរក្ស័ទាហ៊ានឆត្រ័យោងកម្លាំងអន្តរាគមន៍អគ្គស្នងការនគរបាលជាតិរាជធានីភ្នំពេញនឹងមានកម្លាំងនគរបាលអត្តឃាតមួយក្រុមទៀតប្រសិនបើគ្មានការជំទាស់។
ក្រុមនគរបាលកម្មង៉ដូរនេះត្រូវបានលោកឧត្ដមសេនីយ៍ឯក ស ថេត អគ្គស្នងការរងនគរបាលជាតិ និងជាស្នងការនគរបាលរាជធានីភ្នំពេញក្នុងពេលទទួលជួបគណ:ប្រតិភូវៀតណាម ដែលមកបំពេញទស្សនកិច្ចនៅស្នងការដ្ឋាននគរបាលរាជធានីភ្នំពេញ នាព្រឹកថ្ងៃទី២១ ខែឧសភា ឆ្នាំ២០១៩បាន ស្នើភាគីវៀតណាម ឲ្យជួយបណ្ដុះបណ្ដាល និងបំប៉នជំនាញ ។ នេះបើតាមការចុះផ្សាយនៅលើទំព័រហ្វេសប៊ុករបស់ស្នងការដ្ឋាននគរបាលរាជធានី ការស្នើនេះធ្វើឡើងក្នុងពេលដែលលោកឧត្ដមសេនីយ៍ឯក ស ថេត បានទទួលជួប ។
លោកឧត្តមសេនីយ៍ ស ថេត ថ្លែងថា លោកបានមកកាន់តំណែងជាស្នងការនគរបាលរាជធានីភ្នំពេញ មិនទាន់បាន១ឆ្នាំនៅឡើយទេ តែលោកមានបំណងបង្កើតក្រុមកុម្ម៉ង់ដូដែលមានគ្នាប្រមាណជា៦០នាក់។ ក្រុមកុម្ម៉ង់ដូនេះ គឺត្រូវចេះរបៀបបាញ់កាំភ្លើងវែង កាំភ្លើងខ្លី និងរបៀបការពារថ្នាក់ដឹកនាំផងដែរ។
ដោយអះអាងពីធនធានមនុស្ស និងសម្ភារៈសម្រាប់បំពាក់នោះ គឺខាងស្នងការរាជធានីភ្នំពេញ បានជ្រើសរើស និងបញ្ជាទិញរួចរាល់ហើយ តែនៅខ្វះការបណ្ដុះបណ្ដាលលើជំនាញនេះប៉ុណ្ណោះលោកសថេតពន្យល់ពីមូលហេតុថា៖ចាប់ពីពេលនេះតទៅនៅប្រទេសកម្ពុជា នឹងមានកិច្ចប្រជុំធំៗជាច្រើន ហើយក្រុមកុម្ម៉ង់ដូនេះទៀតសោត ក៏ជួយបន្ថែមទៀតទៅលើការការពារសន្តិសុខ សណ្ដាប់ធ្នាប់ប្រជាពលរដ្ឋ នៅក្នុងរាជធានីភ្នំពេញ ឲ្យបានកាន់តែល្អប្រសើរថែមទៀតផង។
គណ:ប្រតិភូវៀតណាម បានសន្យាថា នឹងយកសំណើនេះទៅរាយការណ៍ជូនថ្នាក់ដឹកនាំរបស់ខ្លួន ដើម្បីពិចារណាទៅលើការជួយបណ្ដុះបណ្ដាល និងបំប៉នជំនាញដល់ក្រុមកុម្ម៉ង់ដូរបស់ស្នងការដ្ឋាននគរបាលរាជធានីភ្នំពេញ៕
