ភ្នំពេញ៖ ជនជាប់ចោទ ឈ្មោះ យិន ឃុនម៉ី ហៅ យិន ម៉ាណា ដែលគេដឹងម៉ានគររឿងបើកឡានលឿនបុក និស្សិតស្រីម្នាក់ ស្លាប់ទាន់ហន់លើផ្លូវថ្នល់នៅរាជធានីភ្នំពេញកាលពីថ្ងៃទី២៦កុម្ភៈឆ្នាំ២០១៩ ត្រូវបាន សាលាដំបូងរាធានីភ្នំពេញ ផ្តន្ទាទោស ដាក់ពន្ធនាគារ ១ឆ្នាំ ប៉ុន្តែអនុវត្តទោសតែចំនួន ២ខែ ទោសនៅសល់ត្រូវព្យួរ។
ការប្រកាសសាលក្រមផ្តន្ទាទោស ធ្វើឡើង នៅ រសៀលថ្ងៃទី១៧ ខែឧសភា ឆ្នាំ២០១៩ ដោយ លោក អ៊ុក សុវណ្ណរិទ្ធ ប្រធានក្រុមប្រឹក្សាជំនុំជម្រះ និងមានអ្នកស្រី ស៊ឺ វណ្ណនី ជាតំណាងអយ្យការ ។
សូមជម្រាបជូនថា បន្ទាប់ពីឃាត់ខ្លួនបញ្ជូនទៅកាន់តុលាការ លោក ប៊ុន ធី ចៅក្រមស៊ើបសួរនៃសាលាដំបូងរាជធានីភ្នំពេញ កាលពីថ្ងៃទី២៩ ខែមីនា ឆ្នាំ២០១៩ ចេញដីការឱ្យឃុំខ្លួនជនជាប់ចោទឈ្មោះ យិន ម៉ាណាជាបណ្តោះអាសន្ននៅពន្ធនាគារ រាជធានីភ្នំពេញ(PJ)។
សម្រាប់ជនរងគ្រោះក្រៅពីលុយចូលបុណ្យ៥០០០ដុល្លារអាមេរិកបណ្តាលឲ្យលោកផែងវណ្ណៈជាប់គុកទល់ថ្ងៃនេះទាំងមិនកាត់ទោសនោះក្រោយមកលោកយិនង៉ិចម្ចាសសណ្ឋារគាដ៏ធំមួយនៅខេត្តសៀមរាបនិងជាមាជិកក្រុមប្រឹក្សាខេត្តសៀមរាបបានផ្តល់សំណងរដ្ឋប្បវេណីយ៍ចំនួន៧ម៉ឺនដុល្លារអាមេរិកជូនគ្រួសារជនរងគ្រោះដោយមានមេធាវីស្មគ្រចិត្តតេជោចូលរួមជាសាក្សីផងដែរ។
សូមរម្លឹកថា ករណីគ្រោះថ្នាក់ចរាចបង្កដោយម៉ាក Range Rover ព័ណ៌ ខ្មៅ ពាក់ស្លាកលេខ ភ្នំពេញ 2AF-7777 បើកបរដោយ ឈ្មោះ យិន ឃុនម៉ី ហៅ យិន ម៉ាណា បានបុកជនរងគ្រោះឈ្មោះ ឌុំ រីដា ពេលជិះម៉ូតូទៅសាលាបណ្តាលឲ្យស្លាប់ស្លាប់កាលពីថ្ងៃទី២៦ ខែមីនា ឆ្នាំ២០១៩នៅតាមដងផ្លូវក្នុងខណ្ឌទួលគោករាជធានីភ្នំពេញ។