កំពង់ឆ្នាំង: អតីតសកម្មជន គណបក្សសង្គ្រោះជាតិ ម្នាក់ ត្រូវបានសមត្ថកិច្ចនគរបាលខេត្ត កំពង់ឆ្នាំង ធ្វើការចាប់ខ្លួននៅព្រឹកថ្ងៃទី១៧ ខែឧសភាឆ្នាំ២០១៩ ដែលធ្វើឲ្យមានការចោទសួរថាជាសកម្មភាពនយោបាយគម្រាមអតីតមន្ត្រីគណបក្សសង្គ្រោះជាតិ? ។
តែសម្រាប់ ការចាប់ខ្លួននេះ ត្រូវបានអ្នកនាំពាក្យរបស់ស្នងការនគរបាលខេត្តកំពង់ឆ្នាំង លោក អៀរ ប៊ុនធឿន បានបញ្ជាក់ថា ការចាប់ខ្លួនលោក ប៉ុល ទិត្យធានី មានមុខរបរជាគ្រូបង្រៀនគឺ មិនមែនជារឿងនយោបាយនោះទេ ។ – ការចាប់ខ្លួននេះគឺតាមដិការរបស់ អយ្យការសាលាដំបូងខេត្ត តាមបណ្ដឹងរបស់មន្ទីរសុខាភិបាលខេត្ត តែប៉ុណ្ណោះ។
លោកបានបញ្ជាក់ថាការចាប់ខ្លួនតាមដីការបស់តុលាការ បែបនេះគឺបានបញ្ជូនទៅ អយ្យការ សាកសួរភ្លាមៗដោយមិនមានយកមកកាន់ស្នងការនគរបាលខេត្តឡើយ។
តែយ៉ាងនេះក្តីរហូតដល់ម៉ោង១២ ព្រឹកថ្ងៃទី១៧ ខែឧសភានេះ ជនសង្ស័យត្រូវបាន យកទៅឃុំខ្លួននៅពន្ធនាគារជាបណ្ដោះអាសន្នហើយ។
សូម រម្លឹកថាលោក ប៉ុល ទិត្យធានី ជាអតីត ប្រធានគណនេយ្យហិរញ្ញិក របស់គណបក្សសង្គ្រោះជាតិ ខេត្តកំពង់ឆ្នាំង មានទីលំនៅភូមិឈូកក្រញ៉ាស់ ឃុំឈូកស ស្រុកកំពង់ត្រឡាច ខេត្តកំពង់ឆ្នាំង។
សូមបញ្ជាក់ថាប៉ុន្មានថ្ងៃកន្លងមកនេះមន្ត្រីនិងសកម្មជនអតីតគពបក្សសង្គ្រោះជាតិនៅខេត្តបាត់ដំបងនិងនៅកំពង់ធំប្រមាណ៦០នាក់ត្រូវបានតុលាការនិងនគរបាលកោះហៅទៅសួររឿងជួបជុំគ្នាគាំទ្រការវិលត្រឡប់ចូលស្រុកវិញរបស់លោកសមរង្ស៊ី!។
