ភ្នំពេញ ៖ ជំទាវ យឹម ឆៃលីន ដែលជាភរិយារបស់លោក ហ៊ុនម៉ានីតំណាងរាស្ត្រនិងជាប្រធានសហពន្ធ័យុវជនកម្ពុជាត្រូវបានគេឃើញនៅលើកម្រាលព្រុំក្រហមមុខម៉ាស៊ីនថតរាប់រយនៅក្នុងទីក្រុងកានប្រទេសបារាំង។
ជំទាវយឹមឆៃលីនគឺជាស្ត្រីខ្មែរដំបូងបង្អស់ដែលត្រូវបានអញ្ជើញចូលរួមជាកិត្តិយសក្នុងមហោស្រពភាពយន្តពិភពលោកនៅទីក្រុងកានឆ្នាំ២០១៩ (Cannes film festival 2019) ដែលប្រជុំទៅដោយវត្តមាន តារាភាពយន្ត តារាបង្ហាញម៉ូត តារាចម្រៀងនិងបុគ្គលដ៍ល្បីល្បាញលំដាប់ពិភពលោក ។
អ្នកនាង ចន ច័ន្ទលក្ខិណា ប្រធានសមាគមសិល្បករខ្មែរ បានបញ្ជាក់ពីរឿងនេះថា៖ នេះ ថាលោកជំទាវ យឹម ឆៃលីន ពិតជាបានចូលរួមកម្មវិធីលំដាប់ពិភពលោកខាងលើពិតប្រាកដមែន។ ចំពោះមូលហេតុ ប្រភពដដែលបញ្ជាក់ថា លោកជំទាវដ៏ស្រស់ស្អាត មានទំនាក់ទំនងល្អជាមួយក្រុមការងារហូលីវូដមួយចំនួនដែលធ្លាប់បានចុះមកជួយរឿងការងារមនុស្សធម៌ ទាក់ទងនឹងរឿងកុមារៗនៅកម្ពុជា។ ដូច្នេះហើយ ទើបលោកជំទាវទទួលបានការអញ្ជើញពីក្រុមការងារបរទេសទាំងនោះ។
ការពិតវត្តមានលោកជំទាវយឹមឆៃលីននៅទិវាមហោស្រពទីក្រុងកានវាជារៀងមួយតែអ្វីដែលគួឲ្យចាប់អារម្មណ៍នៅត្រង់ថាស្ថិតក្នុងវយ៣៧ឆ្នាំភរិយាលោកហ៊ុនម៉ានីដែលមានបុត្របីនាក់ទៅហើយនៅតែរក្សាសម្រស់បានស្រស់បំព្រងមិនចាញ់តារាសម្តែងឡើយ។ទោះជាយ៉ាងណាគេកម្រឃើញរូបថតលោកជំទាវយឹមឆៃលីនមានវត្តមានរួមជាមួយស្វាម៉ីណាស់ក្រៅពីជាមួយកូនប្រុសស្រីសំណព្វចិត្តទាំងបី!៕
