ភ្នំពេញ ៖ ដោយសារធ្លាប់ទទួលបានលោករដ្ឋមន្ត្រីពេជ្រស្រស់ជួយគាំទ្រអាឡូវអាចារ្យធំដែលកំពុងរងការរិះគន់ជុំទិសរឿងបែកស្លុយនិងជេរបញ្ចោរគេឯងនោះបានមករកលោករដ្ឋមន្ត្រីពេជ្រស្រស់មេបក្យយុវជនកម្ពុជាជួយសូវ៉ែ។
តាមរយៈហ្វេសប៊ុកលោកពេជ្រស្រស់បានសសេរថា៖អាចារ្យធំឥឡូវនេះគាត់នៅខេត្តសុរិនហើយបានខលប្រាប់ខ្ញុំនៅមុននេះថាគឺគាត់ឈប់ប្រើនូវពាក្យអសុរោះ និងជេរនរណាតទៅទៀត ហើយ ។ អ្វីដែលគាត់បានបញ្ជាក់បន្ថែមទៀតនោះថា៖អ្វីៗដែលគាត់ធ្វើកន្លងមកគឺជាកំហឹងដែលចង់កែប្រែនូវភាពភ្លើតភ្លើនរបស់ជនមួយចំនួនតែប៉ុណ្ណោះ គឺ គាត់មិនមានបំណងអាក្រក់អ្វីនោះទេ។
លោកពេជ្រស្រស់ជួយឃោសនាថា៖អាចារ្យធំនឹងមកដល់ខ្មែរ 02ថ្ងៃ ទៀត នេះ ដើម្បី ថតនូវ Video អប់រំស្តីអំពីរបត់បែកស្លុយឲ្យចប់ហើយសាច់រឿងនេះក៏មានរូបលោកចាងហ្វាងបណ្ឌិតABC សាន ប៊ុនធឿន(វរៈសេនីយ៍ត្រី) ចូលរួមថតជាមួយផងដែរ។ សូមជ្រាប !
សូមបញ្ជាក់ដែរថា៖ ជុំវិញរឿងរ៉ាវជម្លោះរវាងលោកជីដេវិឌតារាចម្រៀងនិងក្រោយពីផ្ទុះរឿងជម្លោះ និងរងការរិះគន់ពីមហាជនចំពោះ អាចារ្យ ធំ រួចមក លោកឯកឧត្តម ពេជ្រ ស្រស់ ប្រធានគណបក្សយុវជនកម្ពុជា ក៏បានមានជាប្រសាសន៍សូវ៉ែដោយលើកឡើងថា៖
«ខ្ញុំគាំទ្រអាចារ្យ ធំ ពីព្រោះខ្ញុំស្គាល់ចរិក អាចារ្យ ធំច្បាស់ ហើយខ្ញុំគាំទ្រអាចារ្យ ធំគឺជាសិទ្ធិរបស់ខ្ញុំ ហើយខ្ញុំធ្លាប់ផ្តល់ថវិកា 500$ ដល់អាចារ្យ ធំគឺក្នុងន័យខ្ចីពីខ្ញុំក៏ប៉ុន្តែខ្ញុំបាទមិនទទួលការសងត្រឡប់វិញទេ ដោយសារតែអាចារ្យ ធំគឺជាយុវជនមានគំនិតថែរក្សាវប្បធម៌ជាតិខ្មែររបស់យើង…។ ហើយខ្ញុំគាំទ្រអាចារ្យ ធំ មិនមែនត្រង់គាត់ ជេរគេទេ គឺខ្ញុំគាំទ្រត្រង់គាត់ ហ៊ានស្រែកការពារនូវវប្បធម៌ជាតិខ្មែរជាងអ្នកខ្លះ មិនបានធ្វើអ្វីសោះសម្រាប់វប្បធម៌ខ្មែរ»។ប្រភព៖ ហ្វេសប៊ុក
