ភ្នំពេញ ៖ យុវជនម្នាក់ក្នុងចំណោមយុវជនដែលស្មគ្រចិត្តនាំគ្នាជិះកង់អស់រៃអង្គាសប្រាក់ជួយពេទ្យគន្ធបុប្ផាកាលពីឆ្នាំ២០១៤បានចំនួនជាង១ម៉ឺនដុល្លារអាម៉េរិកអាឡូវជួបគ្រោះថ្នាកចរាចរត្រដរខ្យល់កំពុងសំរាកព្យាបាល នៅបន្ទប់សង្គ្រោះបន្ទាន់ នៅមន្ទីរពេទ្យលោកសង្ឃស្វែងរកការជួយឧប្ថម្ភ។
នេះបើយោងតាមហ្វេសប៊ុករបស់លោកធូវិសាល( Thul Visal )ដែលកាលពីថ្ងៃទី៥ឧសភាបានបង្ហោះសារមួយពីរឿងប្អូនប្រុសម្នាក់ខាងលើ។
ម្ចាស់ហ្វេសប៊ុកបានភ្ជាប់សារមួយបញ្ជាក់ផងដែរថា៖ “ប្អូនប្រុស ង៉ែត វិចិត្រ ថ្ងៃដែលប្អូនបានចូលរួមលះបង់ជិះកង់ហាលថ្ងៃ ហាលខ្យល់៦៤ថ្ងៃជុំវិញប្រទេសដើម្បីប្រមូលថវិកា បានមួយម៉ឺនប្រាំមួយពាន់ដុល្លារអាម៉េរិក (160 330$)ជូនដល់លោកវេជ្ជបណ្ឌិតប៊ិតរិច្នឺ( Beat Richner)កាលពីឆ្នាំ2014។ ពេលនេះស្ថានភាពប្អូននៅធ្ងន់ធ្ងរខ្លាំងកំពុងសំរាកព្យាបាលនៅបន្ទប់សង្គ្រោះបន្ទាន់ មន្ទីរពេទ្យលោកសង្ឃ។ សង្ឃឹមថាប្អូននឹងឆ្លងផុតគ្រោះកាចនេះ។”។
សង្ឃឹមថាអំពើល្អរបស់ប្អូនប្រុសវិចិត្រនឹងទទួលបានការតបស្នងវិញ។សូមបញ្ជាក់ដែរថាតាមរយៈហ្វេសប៊ុកខាងលើគេបានឃើញមានសប្បុរសជនខ្មែរយើងជាច្រើនបានបរិច្ចាគថវិកាជួយដល់យុវជនដែលជួបគ្រោះថ្នាក់ខ្លះដែរហើយ!។សូមជូនពរប្អូនមានសំណាងល្អសុខភាពល្អ.៕
