ភ្នំពេញ៖ នៅព្រឹកថ្ងៃពុធ ៥កើត ខែពិសាខ ឆ្នាំកុរ ព.ស ២៥៦២ ត្រូវនឹងថ្ងៃទី៨ ខែឧសភា ឆ្នាំ២០១៩នេះ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៉ុន រ៉ានី ហ៊ុន សែនរៃលុយពីសប្បុរសជននានាបានជាង២០លានដុល្លារអាមេរិក។
ពិធីរៃលុយនេះធ្វើឡើងនៅទីស្នាក់ការកាកបាទក្រហមក្នុងពិធីអបអរសាទរខួបលើកទី១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ដែលមាន ប្រធានបទ “ខ្ញុំស្រលាញ់កាកបាទក្រហមកម្ពុជា I Love Cambodian Red Cross”។ ទន្ទឹមនឹងការប្រារព្ធពិធីអបអរសាទរ ខួបលើកទី១៥៦ ទិវាពិភពលោកកាកបាទក្រហម និងអឌ្ឍចន្ទក្រហម ៨ ឧសភាហើយនោះ ក៏មានការអបអរខួប ១០០ឆ្នាំ នៃការបង្កើតសហព័ន្ធអន្តរជាតិ នៃសមាគមកាកបាទក្រហម អឌ្ឍចន្ទក្រហម (១៩១៩-២០១៩) ផងដែរ។
បើតាមរបាយការណ៍ កាកបាទក្រហមកម្ពុជា ៨ ឧសភា ឆ្នាំ២០១៩ ដែលទទួលបានការឧបត្តម្ភពីសប្បុរសជននានា ដែលបាននាំគ្នាចូលរួមនោះ គឺមានចំនួន ២០,៧លានដុល្លារអាមេរិក ។នៅក្នុងឆ្នាំ២០១៨ មានចំនួន ១៨លាន និងក្នុងឆ្នាំ២០១៧ មានចំនួន ១៣,៤លាន ៕