(កំពង់ឆ្នាំង) ៖ យោងប្រភពព័ត៌ពីប្រជាពលរដ្ឋបានអោយដឹងថា មានស្ត្រីម្នាក់ឈ្មោះយក់ បឿននឹងប្តីឈ្មោះធុច អឿនដើរចង្អុលដីដែនជំរកសត្វព្រៃនៅចំណុចអ្នកតាពរខាងត្បូងរម្មណីយ៏ដ្ឋានបវៀត ស្ថិតនៅក្នុងភូមិកោះខ្ទុម ឃុំជៀប ស្រុកទឹកផុស ខេត្តកំពង់ឆ្នាំងកំពុងកាប់ដុតទន្ទ្រានយកដីដែនជម្រកសត្វព្រៃឱរ៉ាល់ទាំងនោះលក់យ៉ាងអនាធិបតេយ្យបំផុតដូចស្រុកអត់មានអាណាទទួលខុសត្រូវចឹង?។
ប្រភពព័ត៌មានពីប្រជាពលរដ្ឋដែលរស់នៅក្នុងភូមិខាងលើបានឲ្យដឹងថាទាំពីរនាក់ប្ដីប្រពន្ធកំពុងកាប់ឆ្ការទន្ទ្រានយកដីព្រៃមួយកន្លែងដែលមានទំហំជាង១០០ ហិកតាហើយបានកាប់ឆ្ការរួចពី៥០ទៅ៦០ភាគរយ ទើប លក់ទៅឲ្យប្រជាពលរដ្ឋនៅតំបន់នោះខ្លះនិងលក់ទៅឲ្យឈ្មួញអ្នកនៅឆ្ងាយតំបន់នោះខ្លះរួចហើយប្ដីប្រពន្ធទាំងពីនាក់ខាងលើនិងនិងកូនចៅបានបន្តកាប់ឆ្ការនិងដុតព្រៃនៅចំណុចអ្នកតាពរខាងត្បូងជាប់នឹងរមណីយដ្ឋានទឹកធ្លាក់បរវៀតដើម្បីយកលក់ឲ្យឈ្មួញបន្តទៀតតែពុំមានសមត្ថកិច្ចណាទប់ស្កាត់ឬឃាត់នោះឡើយ។
ចំណែកលោកម៉ឹង ហ៊ីមប្រធានស្នាក់ការបរិស្ថានដែនជម្រកសត្វព្រៃភ្នំឱរ៉ាល់ដែលមានទីស្នាក់ការនៅចំការម៉ុចបានឲ្យដឹងថា៖ពីរនាក់ប្ដីប្រពន្ធខាងលើពិតជាបានកាប់ទន្ទ្រានយកដីដែនជម្រកសត្វព្រៃនៅតំបន់នោះពិតប្រាកដមែនហើយលោកក៏បានធ្វើកិច្ចសន្យាជាច្រើនលើកសារមកហើយដែរនឹងបានកសាងសុំណុំរឿងរាប់រយសំណុំរឿងដាក់ទៅដល់តុលាការខេត្តហើយតែពុំឃើញតុលាការចាត់ការនោះឡើយដូចនេះលោកមិនដឹងធ្វើរបៀបណាទៀតនោះទេ(ស៊ិក)។
មេបរិស្ថានរូបនេះបានបន្តទៀតថាឲ្យគាត់ចាប់ពីរនាក់ប្ដីប្រពន្ធនោះយកទៅកន្លែងណាទៀតបើតុលាការមិនចំណាត់ការផង?។បើថា្នក់លើនឹងតុលាការមិនចំណាត់ការនូវសុំរឿងរបស់គាត់ ចឹងគាត់ក៏គិតពីសុវត្តភាពរបស់ពួកគាត់ដែរព្រោះស្នាក់ការរបស់ពួកគាត់នៅច្របូកច្របល់ជាមួយប្រជាពលរដ្ឋ។
តែប្រជាជនដែលរស់នៅតំបន់នោះដាក់ការសង្ស័យថាប្រធានស្នាក់ការបរិស្ថានរូបនេះជាប់ពាក់ព័ន្ធនឹងឃុបឃិតបើកដៃឱ្យពីរនាក់ប្ដីប្រពន្ធនេះបន្តកាប់ឆ្ការយកដីលក់បន្តទៀត ព្រោះពីនាក់ប្តីប្រពន្ធខាងលើបានផ្អាកអស់មួយរយះមកហើយអត់ហ៊ានកាប់ដុតទន្ទ្រានទេព្រោះកាលនោះជាប់បណ្តឹងជាមួយប្រជាពលរដ្ឋលើករណីបំផ្លិចបំផ្លាញទ្រព្យសម្បត្តិរបស់ប្រជាពលរដ្ឋ។
ប្រជាពលរដ្ឋរស់នៅតំបន់នោះបានឲ្យដឹងថាពួកគាត់បានទិញដីពីនាប្ដីប្រពន្ធពីរនាក់ហ្នឹងដើម្បីយកមកធ្វើចំការតែត្រូវបានប្ដីប្រពន្ធខាងលើបង្កអុកឡុក រំខានដោយដុតព្រៃបណ្ដាលឱ្យឆេះចំការពួកគាត់និងបិទទឹកដែលអង្គការតទុយោបង្ហូរពីលើភ្នំសម្រាប់ស្រោចស្រប់ដំណាំរបស់ប្រជាពលរដ្ឋនិងការកាប់បំផ្លាញទូយោដែលអង្គការតភ្ជាប់ពីលើភ្នំនោះនិងកាប់បំផ្លាញទុយោនិងបំផ្លាញដំណាំនិងដុតម៉ូតូពួកគាត់ទៀតផង។
កន្លងមកពួកគាត់បានដាក់ពាក្យប្ដឹងប្តីប្រពន្ធជើងខ្លាំងខាងលើដែលចេះតែបង្កអុកឡុកប្រជាៈលរដ្ឋ។ចំណែកតុលាការអស់រយៈពេលជាង២ ឆ្នាំមកហើយនៅមិនទាន់មានចំណាត់ការជូនគាត់នៅឡើយទេ។
ពាក់ព័ន្ធនឹងព័ត៌មានខាងលើនេះបងប្អូនប្រជាពលរដ្ឋដែលរស់នៅភូមិកោះខ្ទុម ឃុំជៀប ស្រុកទឹកផុស ខេត្តកំពង់ឆ្នាំងសូមសំណូមពរដល់ឯកឧត្តម ឈូរ ច័ន្ទឌឿនភិបាលនៃគណៈអភិបាលខេត្តកំពង់ឆ្នាំងមេត្តាជួយចាត់វិធានការនិងរកយុត្តិធម៌ជូនពួកគាត់ផង។
