ភ្នំពេញ៖ លោកសួនបវរចេញពីចៅហ្វាយខេត្តបន្ទាយមានជ័យហើយតម្លើងលោកអ៊ុំរាត្រីពីអភិបាលរងមកជាចៅហ្វាយខេត្តវិញ។នេះបើយោងតាមរយៈលិខិតចុះថ្ងៃទី០៨ ខែឧសភា ឆ្នាំ២០១៩សម្តេចតេជោ នាយករដ្ឋមន្ត្រី ហ៊ុន សែនទូលស្នើសុំព្រះមហាក្សត្រដែលកាសែតទទួលបាន។
ក្នុងលិខិតនោះដែរ សម្តេចតេជោ ហ៊ុន សែន ក៏បានស្នើសុំផ្ទេរបញ្ចូលលោក គឹង វណ្ណៈ ពីក្របខណ្ឌមន្ត្រីនគរបាលជាតិកម្ពុជា មកក្របខណ្ឌមន្ត្រីរដ្ឋបាលជាន់ខ្ពស់ ក្រសួងមហាផ្ទៃ ដើម្បីតែងតាំងជាអភិបាលរងខេត្តបន្ទាយមានជ័យ។
សូមរម្លឹកថាថ្មីៗនេះមានស្រី្តម្នាក់ឈ្មោះសុភី ចេញមុខមកឡាំប៉ា ប្រកាសថា ជាស្រីស្នេហ៍របស់លោក សួន បវរ៥ឆ្នាំ ហើយមកទាមទារឲ្យលោក លោកសួនបវរ អភិបាលខេត្តបន្ទាយមានជ័យដែលបោះបង់នាងចោលចេញមកទទួលខុសត្រូវ។ក្រោយកើតរឿងនេះមានពតិមានថាលោកសួនបវរ កាលពីថ្ងៃទី២២ ខែមេសា ឆ្នាំ២០១៩ បានដាក់លិខិត ជម្រាបជូនសម្តេចតេជោ ហ៊ុន សែន ដើម្បីស្នើសុំលាលែងតំណែងអភិបាលខេត្តបន្ទាយមានជ័យ។
ប្រសិនបើចឹងមែនបង្ហាញថាលោកសួនបវរចិត្តសឿងមានការទទួលខុសត្រូវក្នុងតួនាទីក្រោពីបានប្រព្រឹត្តកំហុសរំលោភច្បាប់ឯកពន្ធភាព។ទោះជាយ៉ាងណានៅថ្ងៃទី៣០មេសាលោកសួនបវរនិងស្រីស្នេហ៍ឈ្មោះសុភីបានបញ្ចប់រឿងរ៉ាវក្រោយពីលោកសួនបវរចេញសំណង២ម៉ឺនដុល្លារអាមេរិកដោយមានលោកឥន្ទយឿនមេធាវីនិងជាទីប្រឹក្សាឧបនាយករដ្ឋមន្ត្រីកែគឹមយ៉ានជាសាក្សីផងដែរ។
សូមរម្លឹកថា៖ លោក សួន បវរ កាលពីលោកមិនទាន់មកកាន់ជាអភិបាលខេត្តលោកជា មេបញ្ជាការរងយោធភូមិភាគទី៥ ប្រចាំខេត្តបាត់ដំបង ។លោកសួន បវរ ត្រូវបានតែងតាំងជាអភិបាលខេត្តបន្ទាយមានជ័យ ជំនួសលោកគោស៊ុំ សារឿត ដែលនឹងទទួលបានតំណែងជារដ្ឋលេខាធិការក្រសួងធនធានទឹក និងឧតុនិយម តាមព្រះរាជក្រឹត្យរបស់ព្រះមហាក្សត្រ កាលពីព្រឹកថ្ងៃទី២៨ ខែមីនា ឆ្នាំ២០១៦ ក្រោមអធិបតីភាពសម្តេចក្រឡាហោម ស ខេង រដ្ឋមន្ត្រីក្រសួងមហាផ្ទៃ និងលោកកែ គឹមយ៉ាន ប្រធានអាជ្ញាធរជាតិប្រយុទ្ធប្រឆាំងគ្រឿងញៀន។
