ភ្នំពេញ ៖ បន្ទាប់ ព័ត៌មានស្នេហាត្រីកោណរបស់ ម្ចាស់ផលិតកម្មLDជាមួយតារាស្រីសាឡាត់ស្រីឡាងបានបញ្ចប់រួចមក ស្រាប់តែថ្មីៗនេះ អតីតភរិយាលោកលៀកលីដាម្ចាស់ផលិតកម្មLD គឺអ្នកនាង សុទ្ធ បញ្ចកាដែលមានកូន២ បានធ្វើភាពភ្ញាក់ផ្អើលមួយ អំពីទំនាក់ទំនងស្នេហាថ្មីរបៀបដូចពាក្យខ្មែរថាដាច់សេះយកសេះតាមចឹងដែរ។
គូស្នេហ៏ថ្មីរបស់អ្នកស្រី សុទ្ធ បញ្ចកា ត្រូវបានគេស្គាល់ថាជាតារាសម្ដែងប្រុស ដ៏ល្បីព្រមទាំងរូបរាងសង្ហារគឺ លោក អេដវីន។ ថ្មីៗនេះ ពួកគេទាំងពីរបានបង្ហាញចំណងស្នេហ៍កាន់តែស្អិតរមួត រៀងរាល់ថ្ងៃ។ គេតែងសង្កេតឃើញ គូស្នេហ៏មួយគូនេះ បណ្ដើរគ្នាទៅចូលរួមកម្មវិធីផ្សេងៗដូចជាទទួលសញ្ញាបត្រ័ជាដើម ព្រមទាំងចំណាយពេលវេលារួមគ្នាជាច្រើនទៀតផង។
តាមរយៈគណនីហ្វេសប៊ុករបស់ អ្នកមេម៉ាយនាងបញ្ចកា តែងតែបង្ហោះនូវរូបថតរវាងនាង និង អេដវីន អមដោយការសរសេរសារ ផ្អែមៗជាប្រចាំ។ នាងបានបង្ហោះរូបថតមួយសន្លឹក ដែលបានឈរអោបម្ចាស់បេះដូងពីខាងក្រោយ ដែលធ្វើឲ្យហ្វេនៗរបស់លោក យិត មាសឧស្សាហ៍ ហៅ អេដវីន ឃើញហើយមានចិត្តច្រណែនយ៉ាងខ្លាំង។យ៉ាងណាសូមអបអរសាទរចំពោះអ្នកស្រីបញ្ចការដែលរកបានអ្នកស្អំបេះដូងស្រស់សង្ហារ៕
