ខេត្តបន្ទាយមានជ័យ៖ បុរសម្នាក់បានបាត់ប្រពន្ធពីផ្ទះរកឃើញ ស្រាប់តែទៅតាមទាន់ឃើញប្រពន្ធខ្លួនកំពុងនៅជាមួយប្រុសក្នុងបន្ទប់ ហួសចិត្តក៏ឈរទ្រហោយំឱបកូនប្រុសអាយុជាង1ឆ្នាំ។ ហេតុការណ៌ខាងលើបានកើតឡើងនៅ ភូមិបាលិលេយ្យ2 សង្កាត់ប៉ោយប៉ែត កាលពីវេលម៉ោងជាង11ព្រឹក ថ្ងៃទី27 កក្កដា 2016 ចំណុចឃ្លាំងគីប(ខោអាវជជុះ)មួយ ក្នុងភូមិកើតហេតុខាងលើ ។
បុរសជាសាហាយនិងស្ត្រីខាងលើត្រូវបុរសជាប្តីប្តឹងសមត្ថកិច្ចក្របួចយកទៅសួរនាំនៅប៉ុស្តិ៍រដ្ឋបាលសង្កាត់ប៉ោយប៉ែត។ យ៉ាងណាក៏ដោយភាគីពាក់ព័ន្ធក្នុងរឿងនេះនៅមិនទាន់សាកសួរបំភ្លឺបានទេ តែបុរសជាប្តីដែលបីកូនប្រុសអាយុជាង1ឆ្នាំ យំបណ្ដើររៀបរាប់ប្រាប់ក្រុមអ្នកយកព័ត៌មានថា ប្រពន្ធតែងបាត់ពីផ្ទះខណៈកំពុងមានការសង្ស័យចៃដន្យមានគេឃើញមកចូលផ្ទះកើតហេតុខ្លួនក៏តាមរកស្រាប់តែឃើញស្បែកជើងនៅមុខបន្ទប់លុះ គោះទ្វារសុំជួបបែជាមិនព្រមបើក ទើបខ្លួនប្តឹងសមត្ថកិច្ចឲ្យក្របួចសួរនាំតែម្តងទៅ ។
សូមបញ្ជាក់ថា ស្ត្រីជាប្រពន្ធថាឈ្មោះរដ្ឋ ស្រីឌៀប អាយុ24ឆ្នាំ រីឯបុរសជាសាហាយមិនទាន់ស្គាល់អត្តសញ្ញាណទេ ដឹងត្រឹមថា ជាកម្មករយាមឃ្លាំងគីបចំណុចកើតហេតុ៕