ភ្នំពេញ ៖ ទីបំផុតនៅព្រលប់ថ្ងៃទី៣ ខែឧសភា ឆ្នាំ២០១៩នេះ អនុប្រធាននាយកដ្ឋានព្រហ្មទណ្ឌលោកវរសេនីយ៍ ឌួង ណាគ្រី ដែលបាញ់ប៉ង សម្លាប់ប្រជាពលរដ្ឋ ២នាក់ប្តីប្រពន្ធកាលពីវេលាម៉ោង ១យប់ ថ្ងៃទី២ ខែឧសភា ឆ្នាំ២០១៩ នៅចំណុចក្បែរអធិការដ្ឋាននគរបាលខណ្ឌច្បារអំពៅ តាមបណ្ដោយផ្លូវ៣៦៣ កែងផ្លូវលេខ៦២៨ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ ត្រូវបានព្រះរាជអាជ្ញារងអមសាលាដំបូងរាជធានីភ្នំពេញ លោក រៀល សុភិន សម្រេចចោទប្រកាន់ចំនួន២បទល្មើស «ប៉ុនប៉ងមនុស្សឃាត និងប្រើប្រាស់អាវុធដោយមិនមានការអនុញ្ញាត»។
នេះបើតាមអ្នកនាំពាក្យអយ្យការអមសាលាដំបូងរាជធានីភ្នំពេញ លោក លី សុផាន់ណា ។ ជនត្រូវចោទ ឌួង ណាគ្រី នឹងត្រូវបញ្ជូនទៅកាន់ចៅក្រមស៊ើបសួរ នៅថ្ងៃស្អែក ដើម្បីចាត់ការបន្តទៀត។
សូមបញ្ជាក់ដែរថាលោក នាយឧត្តមសេនីយ៍សន្ដិបណ្ឌិត នេត សាវឿន អគ្គស្នងការនគរបាលជាតិដែលកាលពីថ្ងៃទី២ឧសភាតម្រូវឲ្យជនបង្កនិងជនរងគ្រោះសម្រួលគ្នានិងឲ្យបញ្ជូលទៅអនុវត្តវិន័យរដ្ឋបាលរបស់កងកម្លាំងបានប្តូរចិត្តវិញនៅថ្ងៃរសៀលទី៣មេសា ដោយបានបញ្ជាឲ្យចាប់បញ្ជូនជនបង្ក ឌួង ណាគ្រី ទៅកាន់អយ្យការអមសាលាដំបូងរាជធានីភ្នំពេញ ពាក់ព័ន្ធបទល្មើសការបាញ់ប៉ងសម្លាប់ជនរងគ្រោះទាំងពីរនាក់ប្ដីប្រពន្ធ កាលពីយបថ្ងៃទី១ឧសភា។
ការប្តូចិត្តនេះគឺក្រោយពីមានប្រតិកម្មពីសារពតិមាននិងអ្នកលេងបណ្តាញសង្គមនិងមានបញ្ជាររបសឲ់លោកអ៊ុកសាវុធអគ្គរាជអាជ្ញាសាលាឧទ្ធរណ៍ឲ្យរាជអាជ្ញាតុលាការភ្នំពេញចាត់ចាត់ការរឿងប្រើអាវុធដេញបាញ់ប្រហារទាំងកម្រោលនេះ។
សូមបញ្ជាក់ថាជនរងគ្រោះមានឈ្មោះ ភូរីស្ស ស្តូរ៉ាន់ អាយុ៣៤ឆ្នាំ ស្នាក់នៅសង្កាត់ព្រែកប្រា ខណ្ឌច្បារអំពៅ ជាអគ្គនាយកក្រុមហ៊ុនសន្តិសុខ CPS និងប្រពន្ធមានឈ្មោះ តាំង សុខឡេង អាយុ៣១ឆ្នាំ មុខរបប បុក្គលិក ណាហ្គាវើលនៅថ្ងៃទី២ឧសភាត្រូវបានសមត្តកិច្ចសម្លុតឲ្យបញ្ចប់រឿងដោយឲ្យព្រមទទួលយកសំណង៥ពាន់ដូល្លារអាមេរិក។
ពេលដែលបានដាក់ពាក្យប្តឹងទារ៣៥០០០ដុល្លារដោយមិនយកឡានម៉ាក រ៉ែងរ៉ូវែ(RANGE ROVER)ពណ៌កណ្ដុរល្មេះ ពាក់ស្លាកលេខ ភ្នំពេញ 2U-4448ដែលរងការបាញ់៥គ្រាប់បែកកញ្ចក់ក្រោយ វិញទេ។ មានការកត់សម្គាល់ថាជនបង្ក២នាក់(តែម្នាក់ទៀតត្រូវបានគេលាក់អត្តសញ្ញាណ) បើករថយន្តមួយគ្រឿងម៉ាកឡិចស៊ិស៣៣០( LEXLIS RX330 )ពណ៌ស ពាក់ស្លាកលេខ សៀមរាប 2B-5153 ។
