ភ្នំពេញ ៖ មន្ត្រីប៉ូលីសព្រហ្មទណ្ឌក្រសួងមហាផ្ទៃ ម្នាក់ពាក់សក្តិ៥បានជិះរថយន្តដេញបាញ់ប្រហារទៅលើប្រជាពលរដ្ឋជិះរថយន្តរ៉ែងរ៉ូវឺ( RANGE ROVER )ដូចក្នុងរឿងកុនផ្អើលគេឯង កាលពីវេលាម៉ោង ១យប់ ថ្ងៃទី២ ខែឧសភា ឆ្នាំ២០១៩ នៅចំណុចក្បែរអធិការដ្ឋាននគរបាលខណ្ឌច្បារអំពៅ តាមបណ្ដោយផ្លូវ៣៦៣ កែងផ្លូវលេខ៦២៨ ក្នុងសង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញតែមេថាឲ្យសម្រួលគ្នាសិនទៅ។
ជនរងគ្រោះនៃអពំពើបាញ់ប្រហារមានឈ្មោះ ភូរីស្ស ស្តូរ៉ាន់ អាយុ៣៤ឆ្នាំ ស្នាក់នៅសង្កាត់ព្រែកប្រា ខណ្ឌច្បារអំពៅ ជាអគ្គនាយកក្រុមហ៊ុនសន្តិសុខ CPS និងប្រពន្ធមានឈ្មោះ តាំង សុខឡេង អាយុ៣១ឆ្នាំ មុខរបប បុក្គលិក ណាហ្គាវើល។ ជនបង្កមានឈ្មោះ ដួង ណាគ្រី អាយុ៤៧ឆ្នាំ មានមុខងារជាអនុនាយកដ្ឋានព្រហ្មទណ្ឌក្រសួងមហាផ្ទៃពាក់សក្តិ៥ ស្នាក់នៅផ្ទះលេខ943 ផ្លូវលេខ៣៦០ សង្កាត់បឹងកេងកងទី៣ ខណ្ឌចំការមន។
ជនរងគ្រោះប្រាប់ឲ្យដឹងថា នៅមុនពេលកើតហេតុ រូបគាត់ និងប្រពន្ធ បានបើករថយន្តម៉ាក រ៉ែងរ៉ូវែ(RANGE ROVER)ពណ៌កណ្ដុរល្មេះ ពាក់ស្លាកលេខ ភ្នំពេញ 2U-4448 ចេញពីហូបអីនៅម្ដុំផ្សារដើមគរ ហើយក៏ត្រឡប់មកផ្ទះវិញនៅសង្កាត់ព្រែកប្រា ខណ្ឌច្បារអំពៅ ។ពេលបើករថយន្តមកដល់មុខអតីតក្លឹបកម្សាន្ត រ៉ុក ក៏ស្រាប់តែមានជនបង្ក២នាក់ បើករថយន្តមួយគ្រឿងម៉ាកឡិចស៊ិស៣៣០( LEXLIS RX330 )ពណ៌ស ពាក់ស្លាកលេខ សៀមរាប 2B-5153 មកពីក្រោយ ហើយចុចស៊ីផ្លេយ៉ាងខ្លាំងដាក់រូបគាត់។
គាត់បន្ថយល្បឿនឈប់ចុះមកសួរ ថាមានរឿងអី ? រីឯជនបង្កឆ្លើយថា អាញ់
ចាប់ហែង..! រួចជនរងគ្រោះក៏ឆ្លើយតបវិញថា ខ្ញុំខុសអី បន្ទាប់មក ជនរងគ្រោះពីរនាកប្តីប្រពន្ធក៏ឡើងលើរថយន្តបើកចេញទៅស្របពេលនោះជនបង្កបានបើករថយន្តតាមពីក្រោយហើយមកគៀឲ្យបើករថយន្តមកអធិការខណ្ឌច្បារអំពៅ រីឯជនរងគ្រោះក៏សុខចិត្តបើករថយន្តមកមុន ។
ពេលមកជិតដល់របងអធិការដ្ឋាននគរបាលខណ្ឌច្បារអំពៅទៅហើយ ស្រាប់តែជនបង្ក បើករថយន្តមកកាក់ពីមុខ ជនរងគ្រោះក៏បើកថយក្រោយបត់ក្បាលរថយន្តចេញ និង មានជនបង្កម្នាក់ចុះមកបាញ់ប្រហាទៅលើជនរងគ្រោះក្រោយរថយន្ត RANGE ROVER ចំនួន5គ្រាប់ ធ្វើឲ្យកញ្ចក់រថយន្តបែកធ្លុះធ្លាយ និងបណ្ដាលឲ្យស្ត្រីជាប្រពន្ធភ័យស្លន់ស្លោរហូតដល់សន្លប់បាត់ស្មារតី។
ប្រភពដដែលបានបន្តទៀតថាបន្ទាប់ពីបង្កហេតុរួច ជនបង្កបានបើករថយន្តចេញពីកន្លែងកើតហេតុបាត់តែ មួយសន្ទុះក្រោយក៏ត្រឡប់មក កន្លែងកើតហេតុវិញ ក៏ត្រូវសមត្ថកិច្ចចេញមកអន្តរាគមន៍ ឃាត់ខ្លួនជនបង្ក ទាំង២នាក់ភ្លាមៗតែម្តង។ បុរសរងគ្រោះបានដាក់ពា្យបណ្ដឹងទៅលើជនបង្កទាំង២នាក់នៅអធិការដ្ឋាននគរបាលខណ្ឌច្បារអំពៅ ដើម្បីឲ្យសមត្ថកិច្ចជំនាញចាត់ការតាមនីតិវិធី ។តែមានពិតមានថាលោកនាយឧត្តមសេនីយ៍នេតសាវឿនជាមេបានតម្រុវឲ្យមកសម្រួលគ្នាសិនដោយមិនទាន់មានវិធានការបែបណានោះតេ។តែសម្រាប់ជនរងគ្រោះបានទារសំណងរដ្ឋប្បវេណីយ៍ចំនួន៣៥០០០ដុល្លារអាមេរិកដោយប្រគល់រថយន្តឲ្យជនបង្ក។សូមបញ្ចាក់ថាមហាជនជាពិសេសសមាជិកឧត្តមក្រុមប្រឹក្សាពិគ្រោះយោបល់លោកពេជ្រស្រស់និងលោកវិល្លៀមបានស្នើរឲ្យដាក់ទោសធ្ងន់ធ្ងចំពោះមន្ត្រីនគរបាលបាលគ្មានវិន័យរូមនេះ៕
