ភ្នំពេញ ៖ សាលាដំបូងរាជធានីភ្នំពេញនៅថ្ងៃទី២៩ ខែមេសា ឆ្នាំ២០១៩ បានសម្រេចបញ្ជូនជនជាតិចិនទាំង ០៣នាក់ ទៅឃុំខ្លួននៅពន្ធនាគារ PJ ហើយ ពាក់ព័ន្ធនឹងការនាំប្រាក់ដុល្លារ ពីទីក្រុងហុងកុង ចូលមកប្រទេសកម្ពុជាចូលដោយគ្មានប្រភពច្បាស់លាស់។
រីឯវត្ថុតាងជាប្រាក់ដុល្លារអាមេរិកជាង៣លាន៥សែននោះ ត្រូវនគរបាលបញ្ជូនទៅធនាគារជាតិ ដើម្បីរក្សាទុកជាភស្តុតាងសិនមិនទាន់សម្រេចថាដុតឬមិនដុតដូចឈើនិងខោអាវកីឡានោះទេ។
ជនជាតិចិនទាំង៣នាក់ដែលចាប់បានកាលពីថ្ងៃទី២៣មេសាមានឈ្មោះវ៉ាងស៊ីពីង( WANG SHI PING) ឈ្មោះវ៉ាងលីចាវ( WANG LI CHAO) និងឈ្មោះហ្សាងជន័( ZHANG JIAN) ពួកគេត្រូវបានតុលាការចោទប្រកាន់ពីបទ សម្អាតប្រាក់ តាមមាត្រា៣ថ្មី និងមាត្រា២៩ថ្មី នៃច្បាប់ស្តីពីការប្រឆាំងការសម្អាតប្រាក់ និងហិរញ្ញប្បទានភេវរកម្ម។
ប្រតិបត្តិការឃាត់ខ្លួនជនសង្ស័យ និងវត្ថុតាងជាសាច់ប្រាក់៣លាន៥សែន២ម៉ឺនដុល្លារអាមេរិកនេះ បានធ្វើឡើងនៅថ្ងៃទី២៣ ខែមេសា ឆ្នាំ២០១៩ នៅច្រកទ្វារអាកាសយានដ្ឋានអន្តរជាតិភ្នំពេញ។ ជនសង្ស័យទាំង ០៣នាក់ គឺជាជនជាតិចិន នឹងធ្លាប់ធ្វើដំណើរទៅមកប្រទេសកម្ពុជាជាច្រើនលើកតែមិនដឹងថានាំលុយមកប៉ុន្មានដងហើយនោះទេទើបតែលើកនេះត្រូវចាប់ឃាត់ចឹងនោះ។
សូមបញ្ជាក់ថាស្រុកខ្មែរគេសង្កេតឃើញមានជនជាតិចិននាំលុយឆៅៗមកទិញដីធ្លីផ្ទះសម្បែងដោយមិនវេរតាមធនាគារអ្វីទេ។
