បន្ទាយមានជ័យ ៖ពាក្យចាស់មួយឃ្លាពោលថាអ្នកឡើងបានតែបេះអ្នកប្រឡេះ បានស៊ីនៅមានសុពលភាពនោះឡើយមិនហួសសម័យនោះឡើយ។ជាក់ស្តែងលោកយ៉ត សុផលជាអធិការនគរបាលស្រុកភ្នំស្រុកខេត្តបន្ទាយមានជ័យត្រូវបាន ប្រជាពលរដ្ឋចោទថាជាអ្នកចាំប្រឡេះយកផលពីគាត់ដោយខុសច្បាប់ដែលសម័យអាឡូវហៅថាជំរិត!។
យោងតាមសេចក្តីរាយការណ៍របស់ប្រជាពលរដ្ឋនៅភូមិនៅភូមិត្រពាំងថ្ម ខាងត្បូងឃុំប៉ោយចារ្យ ស្រុកភ្នំស្រុក ខេត្តបន្ទាយមានជ័យបានឲ្យដឹងថា៖កាលពីថ្ងៃទី២១ខែមិថុនាឆ្នាំ ២០១៦មានកសិកម្នាក់ឈ្មោះទុំសណ្ដាន់អាយុ ៤៩ឆ្នាំ ប្រពន្ធឈ្មោះកែវចាន់រើនអាយុ៤៩ឆ្នាំ រស់នៅភូមិត្រពាំងថ្ម ខាងត្បូងឃុំប៉ោយចារ្យ ស្រុកភ្នំស្រុក ខេត្តបន្ទាយមានគាត់រើសបានថ្មមួយដុំរាងដូចក្បាលអ្នកតាដែលកប់ ក្នុងដីពេលគាត់យកគោយកគោទៅចង ខាងកើតសាលារៀន បឋមសឹក្សាត្រពាំងថ្ម ខាងកើតភូមិប្រហែល ៥០០ម៉ែត្រហើយត្រូវបាននគរបាលស្រុកភ្ណំស្រុកក្រោមបញ្ជារលោកយ៉ត សុផលជា អធិការ មកសំឡុតទារលុយពីគ្រួសាមួយនេះដោយចោទថារកស៊ីលក់វត្ថុបុរាណ ។
ករណីនេះអ្នកស្រីកែវចាន់រើនត្រូវជាប្រពន្ធ បានឲ្យ ការសែត មាតុភូមិដឹង ថា៖គាត់វាហួសចិត្តព្រោះ បើរូបប្តីគាត់យកម៉ាស៊ីនដើររាវតាមប្រាសាទ ឫជីកតាមដុប តាមព្រៃ គាត់មិនថាទេ តែប្ដីអ្នកស្រី រើសបាននៅតាមផ្លូវតើ។មុនដំបូងគាត់ឃើញខ្មៅៗស្មានថា គ្រាប់បែកចំនៅកណ្ដាលទ្រូងផ្លូវ គាត់ខ្លាចក្មេងៗវាយកលេង ផ្ទុះគ្រោះថ្នាក់ក៏ យកកាំបិតជីកយកចេញ ពីផ្លូវ ជីកបានបន្តិច បានដឹងថាជាក្បាលអ្នកតា។នៅថ្ងៃទី២១មិថុនា ម៉ោងប្រហែល០៩ ព្រឹកពេលនោះមានឈ្មោះឈាវ ដើរមកពីដាក់អន្ទាក់កណ្តុរ គាត់ក៏បានឃើញហើយនិយាយថា៖ ពូតែប៉ុនណេះបានផឹកហើយ។ ក្រោយមកទៀត ប្តីគាត់ក៏យកទៅបង្ហាញនិងសួរ អ៊ុំបាន លោកតាឆ្លើយថាមិនស្គាល់ទេ ទោះបីយាងណា លក់បានប្រាក់ផឹកខ្លះដែរ គាត់យកទៅផ្ទះ អ្នកជិតខាងមកមើលជាច្រើននាក់។នៅ ថ្ងៃទី២២ មានអ្នកមកឲ្យតម្លៃ ៧០០០បាទប្រាក់ថៃគាត់មិនលក់ ថ្ងៃទី២២ដដែលមានម៉ូយមកទិញ គេឲ្យ០៧ម៉ឺនបាទ និង១០០ដុល្លារអាមេរិក គាត់ក៏លក់ឲ្យគេដើម្បីយកប្រាក់ សងថ្លៃជុំពាក់ប្រាក់អាត្រាក់ និងទិញជីដាក់ស្រូវ។
ក្រោយពីលក់លោកទុំសណ្ដាន់ បានឲ្យដឹងងថា៖នៅ ថ្ងៃទី២៣មិថុនាមានប៉ូលិសឈ្មោះ រីន មកហៅគាតដោយប្រាប់ថាលោក យ៉តសុផលអធិការស្រុក ឲ្យហៅពូឯងទៅជួប។ ខ្ញុំទៅជួបតាមការកំណត់ ។ពេលជួបលោកយ៉តផល់និយាយគម្រាមថា៖ ពូឯងលក់ក្បាលអ្នកតា មានទោសក្បត់ជាតិ ពូឯងលក់បាន់ប្រាក់ប៉ុនម៉ាន ត្រូវយកលុយឲ្យខ្ញុំទាំងអស់។
ខ្ញុំទុំសណ្ដាន់ណែនដើម ក ចុកប៉ែសនិយាយមិនចេញ។ លោកយ៉តសុផលបានសួរនាំនិងកត់ត្រាជាច្រើនម៉ោងទើបបាន លោកផលឲ្យខ្ញុំមកផ្ទះវិញ។នៅថ្ងៃទី២៤ខែដ ដែលអ្នកស្រី កែវចាន់រើនឲ្យដឹងថា លោកយតសុផល ប្រើប៉ូលិសឈ្មោះតក់សួមកហៅអ្នកស្រីទៅជួប ពេលទៅដល់ក្នុងបន្ទប់ លោកផល ម៉ោង០៥លងាច លោកយ៉តសុផល គំរាមថា៖ប្ដីមីងឯង លក់ក្បាលអ្នកតា មានទោសក្បត់ជាតិ។ ទោះអ្នកស្រីខំប្រកែកថារើស បានយ៉ាងណា ក៏លោកផល់មិនសុខចិត្តទេ។លោកយតសុផលបញ្ជាក់បំភ័យថា៖ បើមីងឯងមិនព្រមយកប្រាក់ ឲ្យខ្ញុំទាំងអស់ទេ ខ្ញុំចាប់ប្ដីមីងឯងយកទៅដាក់ គុក០៥ឆ្នាំ ។ដោយការភ័យខ្លាច អ្នកស្រីត្រឡប់មកផ្ទះវិញហើយនៅ ម៉ោង០៦ ល្ងាច អ្នកស្រីបានយកប្រាក់ ០៦ម៉ឺននបាទប្រគល់ ឲ្យលោកយ៉តសុផល ដោយអ្នកស្រីប្រាប់ថា ចាយអស់ខ្លះហើយ។ ពេលនោះបងប្រុសអ្នក ស្រីឈ្មោះកែវយឿងមកជួយសុំប្រាក់ពាក់កណ្តាល ។លោកយ៉តសុផល ឆ្លើយថា៖ទោសក្បត់ជាតិប៉ិនណាណីមិនគិតទេ មកសុំអីទៀត? ការសុំនិងប្រកែក យូគ្រានដែរតែលោកយ៉តសុផលមិនព្រមចែកឲ្យខ្លះទេបើកុំតែបាន ឈ្មោះ តក់សួមន្ត្រីប៉ូលិស ប្រាប់លោកផលថា ឲ្យប្រាក់គាត់ខ្លះៗទៅ ទុកចិញ្ចឹមចៅកុំអីអត់ ។
លោកយ៉តសុផលបាន ប្រគល់ប្រាក់ឲ្យមកវិញចំនួន ៨០០០បាទប្រាក់ថៃដោយលោកផលយកប្រាក់ពីអ្នកស្រីចំនួន ៥ម៉ឺន ពីពាន់បាទ។ ពេលចេញមកផ្ទះវិញ លោកផលហាមថាមីងឯង កុំនិយាយប្រាប់គេ។ដោយខ្លាចនៅតាមផ្លូវ អ្នកស្រីបានប្រាប់អ្នកភូមិថាចោរប្លន់អស់ហើយ?។សាក្សីពីរនាក់ ០១ឈ្មោះម៉េត ០២ឈ្មោះនឿម បានឲ្យដឹងដែរថា៖ឈ្មោះទុំសណ្ដាន់ ពិតជារើសបានមែនមិនមែនគាត់ទៅលួចឬគាស់កកាយយកបានតាមប្រាសាទទេ។ ករណីគម្រាមស៊ីដាច់លុយអ្នកស្រុកនេះលោកយ៉តសុផល អធិការស្រុកភ្នំស្រុក ឲ្យដឹងតាមទូរសព្ទ័ថាដោយបដិសេធថា៖ លោកមិនដឹងថាអ្នកណារើសបានអ្វីនោះទេ ពិតជាមិនដឹងមែន ហើយលោកក៏មិនបានយកប្រាក់ អ្នកណាឡើយ អត់ទេៗ(ស៊ិក)។
លោកស៊ុំចាន់គារ ប្រធានសមគមន៏អាដហុក ខេត្តបន្ទាយមានជ័យឲ្យដឹងថា បើអ្នកស្រុក រើសបាន គួទុកសម្រាប់គោរពបូជា ហើយបើគាត់លក់ ប៉ូលិសមកយកប្រាក់ វាខុសច្បាប់។
លោក ស៊ុំចាន់គារ លើកឡើងថា៖ អ្នកឡើងបានតែបេះ អ្នកប្រឡេះបានស៊ី។ លោកគាបន្តថា៖រឿងចឹងជាប់ពាក់ពន្ធ ពីបទកំហែងយកប្រាក់។នេះជាសេចក្តីរាយការណ៍មួយសម្រាប់ថ្នាក់លើ ស្រាវជ្រាវផងពិសេសលោកឧត្តមសេនីយ៍អាត់ខែមជាមេលោកយ៉តសុផល ព្រោះបើចោទប្រជាពលរដ្ឋថាធ្វើខុសច្បាប់ម៉េចបានជានគរបាលធ្វើ ខុសច្បាប់ដែរ?៕