រតនៈគីរី៖ជនជាំតិវៀតណាម១២នាក់ និងគ្រឿងចក្រ៦គ្រឿងដែលមកឈួសដីព្រៃត្រាយផ្លូវដឹកឈើត្រូវសមត្ថកិច្ចចាប់បានកាលពីថ្ងៃទី១៦មេសាត្រូវបានបញ្ជូនទៅតុលាការខេត្តរតន:គីរីហើយកាលពីថ្ងៃទី១៩មេសា។
ម្សៀណុប ណាក់ ហៅ(ណាក់ក្បាលធំ)មេឈ្មួញឈើប្រចាំខេត្ត ត្រូវបានគេរាយការណ៍ថានៅវេលាម៉ោង៩ព្រឹកថ្ងៃទី២០ ខែមេសា ឆ្នាំ២០១៩ បានចូលជួបលោក ជា ពេជ្រ ព្រះរាជអជ្ញានៃអយ្យការអមសាលាដំបូងខេត្តរតនគិរី តែមិនដឹងថា ការពិភាគ្សានេះជារឿងការងារក្នុងនាមជាមន្ត្រីយុត្តិធម៍ជាមួយអយ្យការ ឬមួយយ៉ាងណានោះទេ..?។
ឈ្មោះ ណុប ណាក់ ហៅ(ណាក់ក្បាលធំ) ជានាយកងរាជអាវុធហត្ថខេត្តរតនគិរី ត្រូវបានគេស្គាល់ថាជាមេក្លោងធំជាងគេក្នុងមុខជំនួញឈើនៅខេត្តរតនគិរីសម័យកាលលោកគឹមរស្មីជាមេប៉េអឹម។ ណុបណាក់ដឹកជញ្ជូនឆ្លងដែនទៅប្រទេសវៀតណាម និងធានាចេញមុខរត់ការផ្លូវអោយឈ្មួញផ្សេងៗផងដែរ ក្នុង១ឡានយីឌុប ចាប់ពី១២០០០ដុល្លារដល់១៨០០០ដុល្លារ ឬ២០០០០ដុល្លារ តាមកាលៈទេសៈជាក់ស្តែងស្ថានភាពតឹងរឹង ធូស្រាលនោះ។
ពាក់ព័ន្ធនិងយកជនជាតិវៀតណាម១២នាក់ និងគ្រឿងចក្រ៦គ្រឿងមកត្រួសត្រាយឈូសឆាយផ្លូវដើម្បីអូសឈើនោះមានសេចក្តីរាយការណ៍ថា គឺឈ្មោះណុប ណាក់ ហៅ(ណាក់ក្បាលធំ) បានយកលុយពីថៅកែវៀតណាមមករត់ការ?។ពេលជនជាតិវៀត និងគ្រឿងចក្របានចូលទឹកដីកម្ពុជា ឈ្មោះណុប ណាក់ ហៅ(ណាក់ក្បាលធំ) បន្តយកលុយពីថៅកែវៀតណាមឈ្មោះ(ដេវ)..និងឈ្មោះកុងចរហៅ(អាកូនឆ្កែ)ជាជនជាតិវៀតណាម ប៉ុន្តែចេះបកប្រែភាសាខ្មែរនិយាយបានដោយប៉ៃឡាំៗ ។
ផ្ទុយទៅវិញជាលទ្ធផលគម្រោងបំផ្លាញព្រៃឈើនេះត្រូវបានបរាជ័យ បន្ទាប់ពីបែកធ្លាយដល់កាសែតនិងសមត្តកិច្ចផ្សេង។ តាមដំណឹងនៅព្រឹកថ្ងៃទី១៩ ខែមេសា ឆ្នាំ២០១៩ថៅកែវៀតណាមឈ្មោះ (ដេវ) ដែលបានអោយលុយឈ្មោះណុប ណាក់ ហៅ(ណាក់ក្បាលធំ) ជានាយកងរាជអាវុធហត្ថខេត្តរតនគិរី បានឡើងមកខេត្តមណ្ឌលគិរី ដើម្បីរកអ្នកស្គាល់អោយជួយរត់ការបញ្ចៀសការឃុំខ្លួនជនជាតិវៀតណាម ខណៈខាងនគរបាលអន្តោប្រវេសន៍ នៃស្នងការនគរបាលខេត្តរតនគិរី បញ្ជូនខ្លួនជនជាតិវៀតណាម១២នាក់នោះត្រូវបសន ទៅសាលាដំបូងខេត្តរតនគិរី។
តាមផែនការជនសង្ស័យ ជាជនជាតិវៀតណាម១២នាក់ ដែលឃាត់ខ្លួន
បញ្ជូនទៅខាងសមត្ថកិច្ចនគរបាលអន្តោប្រវេសន៍ នៃស្នងការនគរបាលខេត្តរតនគិរី គេអាចរកវិធីធ្វើកិច្ចសន្យាបណ្តេញចេញតាមច្បាប់អន្តោប្រវេសន៍ ប៉ុន្តែមិនទាន់អនុវត្តតាមនីតិវិធីនេះបាន ខណៈព្រះរាជអាជ្ញា នៃអយ្យការអមសាលាដំបូងខេត្តរតនគិរី កំពុងតាមដានដោយយកចិត្តទុកដាក់បំផុតផងនោះដែរ។
គួរម្លឹកថា៖ ក្រោយពីសមត្ថកិច្ចប្រគល់ជនសង្ស័យ ជាជនជាតិ១២នាក់ទៅខាងនគរបាលអន្តោប្រវេសន៍ នៃស្នងការនគរបាលខេត្តរតនគិរី គឺគ្រឿងចក្រ៦គ្រឿងបានយកទៅរក្សាទុកបណ្តោះអាសន្ន នៅក្នុងបរិវេណក្រុមហ៊ុន នុភាពសុភី តំបន់អូរតាយ៉ាក ឧទ្យានជាតិវីរៈជ័យ ខេត្ដរតន:គិរី ស្ថិតនៅចំណុចឃុំតាវែងលើ ស្រុកតាវែង ខេត្តរតនៈគិរី។
បើតាមការបញ្ជាក់ពីសមត្ថកិច្ច បានឲ្យដឹងថា ជនជាតិវៀតណាមទាំង ១២នាក់នេះ និងគ្រឿងចក្រ ចំនួន៦គ្រឿង គឺចូលមកដោយខុសច្បាប់ តាមច្រកព្រៃបង្គោលការពារព្រំដែន លេខ១៤ ក្នុងភូមិសាស្ត្រ ប៉ុស្តិ៍នគរបាលការពារព្រំដែនគោក លេខ៥០៥ (ប៉ុស្តិ៍ ភូមិចង)ខេត្តរតនគិរី ជាប់ព្រំប្រទល់ជាមួយនឹងប៉ុស្តិ៍ការពារព្រំដែន៧១១ ស្រុកម៉រៃ ខេត្តកន្ទូម ប្រទេសវៀតណាម។ តាមរយៈឈ្មោះ សេក វរៈ ប្រធានក្រុមហ៊ុននុភាពសុភី និងជនជាតិវៀតណាមឈ្មោះ VO NGU YEVSA កាន់អត្តសញ្ញាណប័ណ្ណលេខ 2331 24 234។
ប៉ុន្តែលេចឮថា ការធ្វើកំណត់ហេតុស្តាប់ចម្លើយគឺថា៖ ជនជាតិវៀតណាមទាំង ១២នាក់នេះ និងគ្រឿងចក្រ ចំនួន៦គ្រឿង គឺចូលមកដោយខុសច្បាប់ តាមច្រកព្រៃបង្គោលការពារព្រំដែន លេខ១៣,៨ ប្រយោជន៍ផុតការទទួលខុសត្រូវពីមេប៉ុស្តិ៍ការពារព្រំដែន៧១១ និងមេប៉ុស្តិ៍នគរបាលការពារព្រំដែនគោក លេខ៥០៥ (ប៉ុស្តិ៍ ភូមិចង)។ ប៉ុន្តែបើចូលតាមតាមបង្គោលលេខ១៣,៨ គឺគ្មានកន្លែងឆ្លងមករួចទេ ព្រោះជាអូរ និងទឹក។
ករណីនេះបើខាងកម្លាំងកងរាជអាវុធហត្ថបើកការសើបអង្កេតស្រាវជ្រាវ តាមរយៈបណ្តឹងបរិហារ អាចស្រាវឃើញការពិត ខណៈ ឈ្មោះ ណុប ណាក់ ហៅ(ណាក់ក្បាលធំ) ជានាយកងរាជអាវុធហត្ថខេត្តរតនគិរី អតីតៈជាមេក្លោងធំជាងគេក្នុងមុខជំនួញឈើនៅខេត្តរតនគិរី ដឹកជញ្ជូនឆ្លងដែនទៅប្រទេសវៀតណាម មានតម្រុយពិរុទ្ធភាពខ្លះៗ គឺអាចអញ្ជើញគាត់មកបំភ្លឺដើម្បីអោយអស់មន្ទិលក្នុងបទល្មើសនេះ។
ចំពោះការឃាត់ខ្លួនជនសង្ស័យ ជាជនជាតិវៀតណាម ១២នាក់ អ្នកច្បាប់បានលើកឡើងថា៖ យោងតាមមាត្រា១៣ នៃក្រមព្រហ្មទណ្ឌ បទ៖ (ទីកន្លែងប្រព្រឹត្តបទល្មើស) បទល្មើសត្រូវបានចាត់ថាប្រព្រឹត្តនៅលើដែនដី នៃព្រះរាជាណាចក្រកម្ពុជាដែលកម្ពុជាមានយុត្តាធិកាដាក់ទោសមិនមែនឃុបឃឹតគ្នាដោះលែងទេ។ជាងនេះទៀតត្រូវតែរកមុខសមត្តកិច្ចឃុបឃឹតមកផ្តន្ទាទោសផងដែរទើបមានតម្លាភាព៕
