ប៉ោយប៉ែត៖“ទូរថភ្លើងចំនួន៤ទូ ដែលរដ្ឋាភិបាលថៃផ្តល់ជូនមកកម្ពុជាតាមសំណើរសម្តេចតេជោហ៊ុនសែននាយករដ្ឋមមន្ត្រីកម្ពុជា បានបញ្ជូនមកស្ថានីយប៉ោយប៉ែត កាលពីព្រឹកទី១៩ ខែមេសា ឆ្នាំ២០១៩ ។
សមត្តកិច្ចជំនាញបានសាកល្បង និងត្រួតពិនិត្យលក្ខណៈបច្ចេកទេស មុននឹងនាយករដ្ឋមន្ត្រីនៃប្រទេសទាំងពីរលោកប្រាយុទ្ធចាន់អូចារនិងសម្តេចតេជោជិះរថភ្លើងពីស្ថានីយបានខ្លងលឹករបស់ថៃមកកាន់ស្ថានីយប៉ោយប៉ែត នាព្រឹកថ្ងៃទី២២ ខែមេសា ឆ្នាំ២០១៩ ខាងមុខនេះ ។សូមជម្រាបជូនថារថភ្លើងមួយខ្សែនេះមានចំនួន៤ទូ និងអាចផ្ទុកអ្នកដំណើរបានប្រមាណជា៣២០នាក់ ។
នៅថ្ងៃទី២២មេសាឆ្នាំ២០១៩ក្រៅពីភ្ជាប់ទំនាក់ទំនងជាមួយគ្នាតាមផ្លូវដែក(ប៉ោយប៉ែត-ខ្លងលឹក) នាយករដ្ឋមន្ត្រីប្រទេសទាំងពីរក៏នឹងសម្ពោធស្ពានស្ទឹងបត់ភ្ជាប់ព្រុំដែនកម្ពុជាថៃដែលនឹងក្លាយជាច្រកដឹកជញ្ជូនទំនិញចេញចូលរវាងប្រទេសទាំងពីរផងដែរ។
កាលពីថ្ងៃទី៨មេសាឆ្នាំ២០១៩លោកទេសរដ្ឋមន្ត្រី ស៊ុន ចាន់ថុល បានថ្លែងឱ្យដឹងថា ក្នុងឱកាសដែលរូបលោក រួមជាមួយរដ្ឋមន្ត្រីក្រសួងសាធារណការ និងដឹកជញ្ជូនថៃ ចុះពិនិត្យមើលស្ពានស្ទឹងបត់ ដើម្បីត្រៀមដាក់ឱ្យដំណើរការជាផ្លូវការនាថ្ងៃទី២២ ខែមេសា ខាងមុខនេះ។
លោកទេសរដ្ឋុមន្ត្រី ស៊ុន ចាន់ថុល បានថ្លែងថា ស្ពានស្ទឹងបត់នេះ បានកសាងដោយវិស្វករថៃទាំងស្រុងតែម្តង ដែលមានប្រវែង ៦០៥ម៉ែត្រ ក្នុងនោះខាងកម្ពុជាមានប្រវែង ២១៥ម៉ែត្រ។ ស្ពាននេះដែរ ភាគីថៃជាអ្នកចេញលុយទាំងស្រុង ដោយបានតភ្ជាប់ប្រទេសថៃ និងកម្ពុជា ដែលទុកសម្រាប់តែដឹកទំនិញតែប៉ុណ្ណោះ ខណៈអ្នកដំណើរត្រូវចូលតាមច្រកទ្វារអន្តរជាតិប៉ោយប៉ែត។
លោកទេសរដ្ឋមន្ត្រី ស៊ុន ចាន់ថុល បានបញ្ជាក់ទៀតថា ភាគីថៃក៏បានផ្តល់ប្រាក់កម្ចី ដើម្បីសាងសង់ប៉ុស្តិ៍ត្រូវពិនិត្យនៅតាមព្រំដែនផងដែរ។
ស្ពានមិត្តភាពកម្ពុជា-ថៃ (ស្ទឹងបត់ – បានណងអៀង) ត្រូវបានសាងសង់ឡើងក្រោមជំនួយ ឥតសំណងរបស់រាជរដ្ឋាភិបាលថៃ ក្នុងទំហំទឹកប្រាក់ចំនួន ៩២៨ ១១០ ៦៨១ បាត ស្មើនឹងប្រមាណ ២៦.៤២លានដុល្លារអាមេរិក មានបណ្តោយសរុបប្រវែង៦០៥ម៉ែត្រ និងទទឹង១៧ម៉ែត្រ អនុវត្ត ការសាងសង់ដោយកងវិស្វកម្មថៃ។
